قفلت على مفتاح الكابرس

[سيد الجو]

انا موقف الكابرس في السور له شهرين تقريباً وفصلت بطاريتة وقفلتة بالمفتاح


ويوم جيت افتحة ماطاع يفتح معي (( المفتاح يدور معي في القفل كل شي مضبوط بس مايفتح !))


وش رايكم

[بيبسي]

ممكن السوتش حق الباب ... جرب الباب الثاني

[البرق 99]

انا موقف الكابرس في السور له شهرين تقريباً وفصلت بطاريتة وقفلتة بالمفتاح


ويوم جيت افتحة ماطاع يفتح معي (( المفتاح يدور معي في القفل كل شي مضبوط بس مايفتح !))


وش رايكم

يا هلا باخوي الله يحييك ويا مرحبا
جرب الباب الثاني المشكله بسيطه مره وعلى ما اضن فيه اتربه عرقلة الفتح
بالتوفيق

[6670]

اخوي العزيز:القفل في الكابرس مايرتفع بس الباب ينفتح صارت معي يوم خلصت البطاريه جرب دور المفتاح في القفل وجرب فتحه.

[سيد الجو]

ببسي - سهوم المنايا


الله يعطيكم العافية

انا مانزلت موضوع الا اني جربت اغلب الحلول ولا نفعت

والمشكلة ان باب الراكب والشنطة مافيه سوتش باب !!! بس باب السائق

وبعد التأكد والتذكر اتضح اني قفلت الباب قفلتين وفصلت البطارية


6670

عافاك الله

الكابرس اللي معي موديلة 2002 يعني قفل كهرب موب ميكانيكي !!!


والله اني احترت ياجماعة

[العبد الفقير]

الحل الذهاب الى راعى مفاتيح السيارات عندهم خبرةوالا الناس اللى يشيلوا السيارات المخالفه

[المميـز]

الحل الذهاب الى راعى مفاتيح السيارات عندهم خبرةوالا الناس اللى يشيلوا السيارات المخالفه


نعم الحل عند راعي المفاتيح

والله يكون بعونك ,,,

[سيف2008]

إكسر القزازه وإفتح الباب

[سيد الجو]

اغلى مافي الموتر قزازتة وودي اخلي كسر القزازة اخر حل


وراعي المفاتيح بيخرب ميزانية الباب وبيلعب في موتري

[Magellan]

أخوي جب لك عامل يشبك لك البطارية بسيم ب150 ريال
لللعلومية عرفت المعلومة من منتدى خاص بالكابرس

[ابوشجاع911]

حاول تفتح الكبوت يمكن تنجح وان جبت صاحب مفاتيح فخله يفتح الكبوت اولا

الا تصدق تذكرت حل ماتقدر توصل للاصابيع حقت البطارية وتشركها على بطارية خارجية حاول يمكن تنجح الفكرة
ولو اضطريت لرفع السيارة بعفريته لتسهيل الدخول تحتها

[الثويرات]

http://www.mekshat.com/pix/upload/images39/mk55341_zaz.gif



الظاهر ان مكينك LS-1 -5700 يعني السف واضح...
جب لك سلك من بطاريه خارجيه طبعا اشبك الكهرب على طول في كهرب السلف لانه كهرب السلف يروح للبطاريه على طول يعني كأنك شابك البطاريه.
والماص حطه من البطاريه الخارجيه وحطه في البدي

وجرب افتح الباب

[Magellan]

فيه إضافة قرأتها بمنتدى الكابرس واللومينا
بعضهم لو وجد المشكلة بعضهم يدخل المفتاح ويلفه بقوة وماراح ينكسر

هذي بعض أقوالهم بالأسفل:


طريقه فتح الابواب اذا قفلت السياره رح باب السواق
ولف المفتاح يمين او يسار لين تحس انه راح ينكسر بس بشويش هاه


بالنسبة للأبواب عادي حتى لو كانت البطارية مفصولة وكانت الأبواب مقفلة رح عند باب السواق ولف المفتاح يسار بقوة لين يطلع معك الزر بعدها ماراح يدق جرس الإنذار إلا إذا شبكت البطارية ,,,,,,,,,,