راف فور

[عاشق الهجوله]

ياشباب ابي راف فور وابي مشورتكم واتمنا من عنده خبره الافاده لاتبخلو علينا من ناحية العزم القوة الخدمة الخرابات قطع الغيار بصراحه هي سيارة هجوله :confused: :confused:

[مخاوي الكشات]

أحس أن إسمك داخل غلط في موقع مكشات >>> هاهاهاه أمزح ..

والله شف أنا ماجربته لكنه 4 سلندر حسب ما أعرف مع أنه خارج السعودية فيه 6 سلندر وعلى ما أعتقد 8 طبعاً في أمريكا هذا الكلام .. لكن فيه واحد جربه في النفود مستأجره >> يعني أفهمها >> لعب في الموتر لعب يمدحه بالحيل ويقول في نشاط غير طبيعي >> وواحد من الأخوان شايف الراف فور يسحب جمس من غراز >>> وهذي القصة إلى الآن أحاول أبلعها ما قدر هاهاها >> لكن الرجال حلف لي وإن شاء الله إنه ثقة ..

[الربذي]

زين بس عله بالبيع واذا سته خذه ولا تشاور واذا تقصد الموديل القديم انحش
الا اذا 2007 و2008 وجاي اقوى عزم وشكله مقبول بس قطعه غير متوفره دائما حتى عند الوكيل نفسه لانه غير منتشر

[عاشق الهجوله]

مشكورين وما تقصرون ولكن عند عبدالطيف جميل مافي 6 سلندر وين القاه وكيف اسعاره

[ابوحماد]

الموتر ماهو طبيعي الشايب معه واحد موديل 2006 الموتر قوي و خفيف وقتصادي من ناحية البنزين

مع السواق يسوق فيه والدبل تماتيك

بس ابو جميل مايعطي الموتر حقه من ناحيه التكاميل

بس شف عندك البازعي يجيب كم حبه خليجي خذها ولا تشاور

[aooa]

انا مجرب 2002 والصراحه موتر على كيف كيفك ويمتاز بالدفع الرباعي المستمر حتى 80 او 120 ومن ثم يتم التحويل الى الدفع الامامي للتخفيف في استهلاك الوقود

والموتر ما عليه كلام الا ان فيه ملاحظه وحده فقط انه نازل ويتعبك في البر

ولولا العادات والتقاليد والمناقيد كان هو سياراتي المفضله ... ولكن مضطرين نغيره حتى نرضي الذوق العام

اما من ناحية انه يصلح للهجوله ............ فلن تجد في موقع مكشات واحد يفيدك لان 99.9 كلهم ناس عاقلين ورجاجيل ولا لهم في هذه العلوم ابد .

[ابوحماد]

لان 99.9 كلهم ناس عاقلين ورجاجيل ولا لهم في هذه العلوم ابد .

99,9 طالعه انتخابات بعض الدول العربيه

[مخاوي الكشات]

اما من ناحية انه يصلح للهجوله ............ فلن تجد في موقع مكشات واحد يفيدك لان 99.9 كلهم ناس عاقلين ورجاجيل ولا لهم في هذه العلوم ابد .

هذا الكلام الصحيح ..

[مكشاتينيو]

اما من ناحية انه يصلح للهجوله ............ فلن تجد في موقع مكشات واحد يفيدك لان 99.9 كلهم ناس عاقلين ورجاجيل ولا لهم في هذه العلوم ابد . وغير اسمك

الله يعافيك ومن غير كلافتك اخوي

[عاشق الهجوله]

مشكورين جميعكم على اردود وماقصرتم امابنسبه للاسم فعتقد هذي مسله خاصه ارجو عدم التدخل فيها من الاخ العزيز (مشكاتينيو)