طيب وش رايكم في هيونداي فيراكروز؟

[ذيب الزلفي]

معي 90 ألف وأبي أشري سيارة جديدة برية وعائلية بنفس الوقت ..
لا أحد يقول لي أو يكلمني عن سيارة مستعملة لأني رافض الفكرة تماما..
أنا استشرت الشباب بالسوزوكي وعطوني اللي عندهم وما قصروا..
واليوم لقيت عند وكالة هيونداي جيب حلو وفخم مشابه للكزس ..
6 سلندر / 260 حصان/ ثلاث مراتب /....الخ وقيمته 89000 عليه عرض..
صراحة فخم .. بس مدري عن عمليته هل هو عملي ومناسب للنفود لأني راعي نفود؟ وهل يتحمل؟
أرجو مشورتكم يا أحباب...

وهذي صورتها مقارنة مع اللكزس

http://www.malfati.com/ar/view/862/111.jpg.html

[المرابط]

أنصحك باللأكستيرا نيسان 2008 من 83 ألف ألي100
أو تويوتا فورتشنر 2008 سته سرندل من 87 ألف
ألى 105 تقريبا سيارات يابانيه معرفه مرغوبه
وقت البيع شيك وقطع متوفره وكد ومد خل عنك
هونداى وسزوكى تشتريه ب90 ألف وتبيعه بعد
سنتين بالموت تلقى أحد يشتريه ب40 ألف
لا تتعدى السيارتين اللى فوق تصلح بر داخل
ديره خط خصوصا أذا عائلتك صغيره هاذى نصيحه
وأنت على راحتك سو اللى تبى .

[راعي المواتر]

إي والله إنك صادق شف الأكستيرا ولا الفورتشنر


وخلك عنك وجع الراس والله إنها تضيق الصدر لو بغيت قطعه ولا خرابات الكوري وتراه مثله مثل خويه التتريكان بهذل واحد من الشباب توظيب وتهريب زيوت مكينه وقير كلشن يهرب

[ذيب الزلفي]

أنصحك باللأكستيرا نيسان 2008 من 83 ألف ألي100

أو تويوتا فورتشنر 2008 سته سرندل من 87 ألف
ألى 105 تقريبا سيارات يابانيه معرفه مرغوبه
وقت البيع شيك وقطع متوفره وكد ومد خل عنك
هونداى وسزوكى تشتريه ب90 ألف وتبيعه بعد
سنتين بالموت تلقى أحد يشتريه ب40 ألف
لا تتعدى السيارتين اللى فوق تصلح بر داخل
ديره خط خصوصا أذا عائلتك صغيره هاذى نصيحه

وأنت على راحتك سو اللى تبى .


أشكرك أخوي على النصيحة..وجزاك الله خيرا..

[ذيب الزلفي]

إي والله إنك صادق شف الأكستيرا ولا الفورتشنر


وخلك عنك وجع الراس والله إنها تضيق الصدر لو بغيت قطعه ولا خرابات الكوري وتراه مثله مثل خويه التتريكان بهذل واحد من الشباب توظيب وتهريب زيوت مكينه وقير كلشن يهرب


يا زين التجارب إذا بدت تطلع..
ومشكور أخوي..

[الربذي]

وعليكم السلام صح ماسلمت اسف السلام عليكم
شف اخي الكريم اذا انك راعي بر حق وحقيقه لاتقرب الكوري ابي اسالك عمرك شفت مع الرحاله جيب كوري او الكشافه او اي بعثه بريه تلقى معها اكثر شي من تويوتا او من رانج روفر
لكن انت استشرت وما خاب من استشار ولو صملت على رايك رايح تندم لان الخبره لها دور
انا ارشح لك والي هي حول فلوسك
فورتشر
اكس تيرا من نيسان وفازت بالمركز الاول في مسابقه عالميه باقوى سياره بريه متجاوزه الهمر والتويوتا

وانا معك روعه الكوري بس ماله بيعه وغر عملي وانت راعي بر وايضا واطي شوي حق خكاريه !!! شاطي ورد للبيت 0

[ذيب الزلفي]

وعليكم السلام صح ماسلمت اسف السلام عليكم
شف اخي الكريم اذا انك راعي بر حق وحقيقه لاتقرب الكوري ابي اسالك عمرك شفت مع الرحاله جيب كوري او الكشافه او اي بعثه بريه تلقى معها اكثر شي من تويوتا او من رانج روفر
لكن انت استشرت وما خاب من استشار ولو صملت على رايك رايح تندم لان الخبره لها دور
انا ارشح لك والي هي حول فلوسك
فورتشر
اكس تيرا من نيسان وفازت بالمركز الاول في مسابقه عالميه باقوى سياره بريه متجاوزه الهمر والتويوتا

وانا معك روعه الكوري بس ماله بيعه وغر عملي وانت راعي بر وايضا واطي شوي حق خكاريه !!! شاطي ورد للبيت 0

كلامك صحيح..
صراحة أنا أعجبتني مواصفاته مرة.. مرة .. فيه أشياء خيالية ومكيفة ثلاث مراتب ومقصورة ورحابة داخلية غير طبيعية..
يعني هل هو لهالدرجة سيء؟
يا شباب تراي ماني راعي ترهيم ومنافسات تطعيس أنا كان معي هايلكس وأنسم كفراته وأمشيه بالهون على أصعب الطعوس ولا عمره قال لا.. بس مليت من التنسيم صراحة..
وبغيت أريح عمري ..

يعني هالسيارة ما تنفع لي حتى لو كنت سواق نفود؟
لأني مقتنع إن القيادة بالنفود ثلثينها قيادة وخبرة.. والثلث الآخر على السيارة..واجد من زملاي يشترون سيارات دبل بظنهم أنها سوف تحلق بهم وأجدهم يغرزون على الكتف!!!
السالفة تحتاج آراؤكم أكثر...

[خشيمان]

التنسيم بك بك
والا الموتر يبي يتخلخل
وشوري عليك بالفورتشنر سعر الــ6 سلندر مواصفات حلوه حدود الـ100000

[بيبسي]

يأخوي والله انا نبيلك الخير انحش عن الكوري ومنه الهيونداي ... عندك 3 سيارات لا تتعداها الفورتشينر /// الاكستيرا يبدا من 82000/// مازدا X9 سياره فخمه وثلاث مراتب ودفع رباعي ويابانيه100% .. هذي نصيحتي لك ..

[ذيب الزلفي]

التنسيم بك بك
والا الموتر يبي يتخلخل

واضح إنك مزوح .. ومقبولة منك أخوي..

[الربذي]

واضح إنك مزوح .. ومقبولة منك أخوي..
هو قصده الكوري يتخلخل يعني يهرقل يتفكك عليك يتبعثر
انا فكرت بالي قلت بس ماحد وقف معي كلهم ضدي يقولون يصلح خطوط وطلعات قصيره ولا الكوري نجح صراحه والدليل شف التاجير يكرونه كر ‍‍‍حلو ذي
ماعليه اذا صار مشيك اسفلت بس وقليل جدا من البر
بس انه ثقيل بالبيعه واذا انك من الرياض اضن ماتبلش بالبيع الناس كثر
لكن التنسيم فيك فيك اي جيب لازم تنسمه

[ذيب الزلفي]

يأخوي والله انا نبيلك الخير انحش عن الكوري ومنه الهيونداي ... عندك 3 سيارات لا تتعداها الفورتشينر /// الاكستيرا يبدا من 82000/// مازدا X9 سياره فخمه وثلاث مراتب ودفع رباعي ويابانيه100% .. هذي نصيحتي لك ..


هل تقدر تفيدني عن مازدا X9 أكثر أو تدلني على تقرير عنها؟

[بيبسي]

http://www.assayyarat.com/forums/showthread.php?t=118399

هذا الرابط راح يفيدك بخصوص المازدا x9

[مكشاتينيو]

والله ياخوي الكوري ممتاز والي يحافظ علية يجلس الموتر وكأنة جديد وانا استغرب من نزول سعر الكوري وهو فخم جدا

ولو تشوف 2005 باترول يخرب الكاتوت ولاينقل من التانكي الكبير الى الصغير

[مساير الليل]

آقول وأنا آخوك كوري لا تشتريه

وعندك أكستيراا ولا فرتنشر لا تتعدها

[ذيب الزلفي]

والله ياخوي الكوري ممتاز والي يحافظ علية يجلس الموتر وكأنة جديد وانا استغرب من نزول سعر الكوري وهو فخم جدا

ولو تشوف 2005 باترول يخرب الكاتوت ولاينقل من التانكي الكبير الى الصغير


كلامك حلو أخوي بس تبقى نقطة وهو هل هو عملي في النفود وقوي أم لا؟

[ذيب الزلفي]

آقول وأنا آخوك كوري لا تشتريه

وعندك أكستيراا ولا فرتنشر لا تتعدها

والله السيارتين اللي قلتهن رحت أمس على كلام الإخوان اللي قبلك وشفتهن في الوكالة .. صراحة سيارات عادية جدا ولا فيها أي شيء من الفخامة أو الشكل الجميل .. وبيني وبينك ما تنفع للعائلة أحس إنها شبابية أكثر .. وخصوصا الفورتشنر مرتفع بزود وما ظنتي يناسبني أنا والعائلة..

عموما تشكر على مرورك وشورك..

[أبو محمد2010]

مر على الفورد وشف الإكسبلورر....

بالتوفيق إن شاء الله

[L I M I T E D]

اذا بتوصل الـ ميه الف

عندك المازدا cx-9

موتر رائع وفخم ,,

ويمكن لو تصبر شوي يسوون عروض على الـ 2008 وينزل سعره شوي

بالتوفيق يالغالي

[خشيمان]

واضح إنك مزوح .. ومقبولة منك أخوي..

:confused::confused::confused::confused::confused: :confused::confused::confused::confused:
عسى ما قلت شيئ زعلك ؟

[قاطع الفيافي]

الله يرزقك الموتر اللي يوسع صدرك

[صلهامه]

الهونداى الكورى مشكلته كم مره القى كذا واحد فى الثمامة بعد التغريزه ( بالتحديد جيب جالوبر ) الكلتش يا محتمى وريحته طالعه أو الدسك محترق

خلك على قردك لا يجيك اللى اقرد منه

[ذيب الزلفي]

:confused::confused::confused::confused::confused: :confused::confused::confused::confused:
عسى ما قلت شيئ زعلك ؟

لا أبد فهمتك خطأ .. ووضح لي أحد الشباب عقبك ..

يوم قلت التنسيم بك بك .. حسبتك تقصدني .. ما دريت إنك تقصد السيارة إلا عقب..

اعذرنا أنت يا خوي...

[ذيب الزلفي]

الله يرزقك الموتر اللي يوسع صدرك


الله يجزاك خير ويعطيك من دعاك يا غالي..

[ذيب الزلفي]

الهونداى الكورى مشكلته كم مره القى كذا واحد فى الثمامة بعد التغريزه ( بالتحديد جيب جالوبر ) الكلتش يا محتمى وريحته طالعه أو الدسك محترق





خلك على قردك لا يجيك اللى اقرد منه


بدينا نصرف النظر عنها..

[خشيمان]

حياك الله اخوي
والله انك خوفتني
اقلب الرد يمين يسار ؟؟ وش انا قايل ؟؟!
بس الحمد لله انها صارت سوء فهم
والله يرزقك الموتر الزين اللي يجوز لك ولا تنسى زي ما قلت لك شف الفورتشنر اتوقع انه ممتاز والصدق اني مفكر اشري لي واحد والاسباب اللي خلته يعجبني
1- انه صنع تايلاند ووضح انها ممتازه من بعد الهيلوكس الجديد يعني مافيها خوف
2- مكينته طيارة ولا تصرف (من تجربة البرادو والاف جي) وهو نفس المكينة والقير
3- مواصفاته حلوه مقارنه بــسعره

وعندك الاكس تيرا جيد بس الحمراني هو البلا

والله يوفق الجميع

[ذيب الزلفي]

مشكور يالغالي..

[اسهيل]

السلا عليكم انااقول تجرب الباجيرو باب واحد مريح ولا فيه مطب وسعره 

[كاشخ 24 ساعه]

الفيركروز سياره فخمه وعمليه ولكن مشكلتها انها جديده نوعا ما في السوق وهذي ثاني سنه لها

ولكن العالم كلها تمدح فيها

عيوبها:
1- مقاومه شديده للهواء
2-صرفية الوقود عاليه
3-التكييف غير فعال
4-نظام الفرامل والتعليق سيء


مميزاتها:
1-واسعه من الداخل بمقاييس سلامه عاليه
2-محرك جبار وهاديء
3-مقاعد واسعه وخاصه الصف الثالث
4-اكسسوارات ونظام صوتى جيد
5-نسخه من الليكزس Rx ولكن تتميز بالرحابه
6- سعر متميز

[ذيب الزلفي]

خلا ص أبشركم استخرنا وشرينا جيب مستعمل ..

[الجندي2005]

هج هج هج هج هج هج هج هج هج هج هج هج عن الكوري

[بيبسي]

اخوي كاشح على حق ... عندنا جيب هيونداي 2007 اللي حجمه صغير اتوماتيك .. يصرف صرف مو طبيعي وعلى طول تفكك وكله اصوات والقير فيه حنه مع العلم انه ماطب البر يمكن مره او مرتين ...


انحش عنه

[ذيب الزلفي]

هج هج هج هج هج هج هج هج هج هج هج هج عن الكوري


اخوي كاشح على حق ... عندنا جيب هيونداي 2007 اللي حجمه صغير اتوماتيك .. يصرف صرف مو طبيعي وعلى طول تفكك وكله اصوات والقير فيه حنه مع العلم انه ماطب البر يمكن مره او مرتين ...


انحش عنه


أبشركم هجينا عنه وانحشنا عنه...

[راعي النسنس]

الكوري زين




http://www.mekshat.com/pix/upload/sign/images/mk85371.gif

[ابشرو بالسيل]

مبروك الجيب المستعمل وان شاء الله انه ابرك من الكوري الجديد