الفزعة ياشباب لاتحرموني رايكم

[عجاج]

السلام عليكم ورحمة الله وبركاته
الحقيقة يالربع اني ترددت في كتابة هذا الموضوع ولولا رايكم وفزعتكم الي تعودنها منكم والله ماكتبت موضوعي الي هو :
انا لي صديق عزيز علي استشارني بشراء نوع من الكفرات واشرت عليه ومدحتهن . الرجال يوم شراهن بعد يومين تحسف وقال اني انا الي وهقته وقال لي لازم تشتريهن. وانا بصراحه ناوي اشتري نفس النوعيه بعد 6 اشهر, و قلت له ماعندي مانع يابن الاجواد انت تبي فزعه ولا بيع وشراء قال لا ابي بيع وشراء قلت اجل ابشتريهن منك ب 1000 ريال وهو مشتريهن ب 1310 ريال وابعطيك المبلغ بعد شهرين لان ظروفي ماتسمح والرجال زعل علي ( ابي رايكم ياشباب وانا راضي بحكمكم )
هو بصرحه مايعرف الانترنت بس ابطبع ردودكم وأخليه يقراها

[قناص القرائن]

يارجال الانسان يجب ان يكون متسامح وهذه الصفه من صفات الرسول صلى الله عليه وسلم ( وقاعده تقول من زعل واجد تخلوا الناس عنه)

والله الموفق

[القماري]

اسمح لي خويك مو تكانه
أولها يطلب مشورتك وبعد مايشتري يعتب عليك ؟
طيب ليش إستشارك بالأول؟ وبعدين ماهي نوعية الكفرات إلي مو عاجبين خويك؟ 1310 أعتقد إنها قيمة لكفرات من نوعية ممتازه أو جيده جدا
ماله حق والواجب أنه مايحملك المسئوليه أو يلزمك بشرؤهم منه.

[شبوب]

أخي العزيز 000 عجاج

السلام عليكم ورحمة الله وبركاته


قصتك هذه يوجد بها عدة مسائل شائكه مع بعظها 0 وسوف اقول رأي بكل حياديه
وامانه0

انت تقول 00

1- انا لي صديق عزيز 0

الرأي 00 ( اذا كان كما تقول صحيح بالحرف الواحد ، انتبه لاتبيع خويك علشان (1000) )

2- وقال اني انا الي وهقته وقال لي لازم تشتريهن.

الرأي 00 ( لا ابد 00 انت غير ملزم بذالك )

3- قال لا ابي بيع وشراء 0

الرأي 00 ( على طلبه هو ، لو تقول ( 100 ) انت حر بسومك وهذا خراجك )

وخلاصة الكلام ابشور عليكم ان بغيتوا خذوه والا بكيفكم ، وهو انكم تروحون الى محلات
بيع الكفرات وقولولهم ،ود نا نبيع الكفرات هذه ، هم طبعا ابيسومونهن منكم وانتم شوفوا آخر سعر
تاصل ، وبعدين اشترهن من خويك بنفس السعر أو افرق عليهم بالشي الي انت تشوفه مناسب0

[الحاتمي]

وعليكم السلام ورحمة الله وبركاته
اخوي عجاج
تبي العلم الزين ترى الامور هذي هي اللي تبين لك معدن خويك
يبين اللي معدنه اصيل وراعي عرف
واسمح لي ان خويك هذا حسافه والله عليه انك تكتب لنا موضوع عن سواته اللي ماتقود وجهه.
لكن تبي رايي
بماان الكفرات ماله الا يومين قل لرفيقك انا اشتريهن منك براس مالهن واذا بغيت مكسب كسبتك
انا عارف ومقدر ضروفك بس الموقف يتطلب منك انك تطلع ورايتك بيضاء
حتى لو اضطريت انك تستلف قيمة الكفرات او تضحي بشي من اغراضك الخاصه وتبيعه وتعطي ابو كفرات قيمة كفراته اللي مااعجبته بسبب انك قدمت له رايك ولا اعجبه
وبعد ماينتهي هالموقف خذها قاعده اللي يطلب مشورتك بشي وتبي تشور عليه سواء بشي مادي (بيع,شراء)
اواي شي مثل وصف مكان........
عطه العلم اللي عندك وقل له هذا رايي واللي اشوفه انا ويمكن يناسبني ولا يناسبك؟؟؟؟
عشان بكرى اذا جاك يتكلم او يعذرب برايك وشورك تذكره بكلمة(يمكن يناسبني ولا يناسبك)
لكن لو مايجيك من هالموقف الا انك عرفت هو وشو من الرجال؟؟؟
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,,,,,,,,,,,,,,,,,,,,,,,,,,,,,
موجه لابوكفر..
تبيع خويك بكفر بدل ماتشكره على انه عطاك رايه حتى لو ماصلح لك؟؟؟؟
استح على وجهك وقم استسمح منه..
وترى مايكفر عن سواتك الرديه الا انك تذبح له وتعتذرمنه وعساه يسامحك.
,,,,,,,
الحااااااااااااااااااااااااااتمي

[عجاج]

اخواني : قناص القرائن ، القماري ، شبوب ، الحاتمي يعطيكم العافية على ارائكم وجزاكم الله خير
ومثل ماقال اخوي شبوب لاتبيع خويك علشان 1000 ريال والله اني من هالمكان لآخذ الكفرات براس مالهن
ولا يصير بالخاطر شي .
ومثل ماقال اخوي الحاتمي لاتستعجل بالمشورة وامن نفسك بكلمة(يمكن يناسبني ولا يناسبك) .
اكرر شكري لكم جميعا واتمنى مزيدا من اراء الرجال الباقين الي مثل شرواكم علشان ابطبع هذا الكلام انشالله الليله .

[العليمي]

بأعطيك بالمختصر المفيد .
خويك هذا لللأسف غلطان لأنه ما له اي وجه حق يطالبك او يجبرك على شراء الكفرات منه ، هو طلب المشوره و انت عطيته رائيك ، واشترى الكفرات بملىء ارادته يعني بأختياره و هو رجل له عقل و يفكر ، وعلى قولة المثل (( ما احد طقه على يده يشتري )) ، لذلك لللأسف هذا الصاحب لم يقدر مشورة صاحبه و كيف يسمح لنفسه و يقول لخويه هذا الكلام (( صدق انه باع الخوه من أجل المال )) .

والواجب في مثل حالته انه يرضى بما قسم الله له ، ولا يحمل الناس مسؤلية اختياره فهوالذي اشترى و ليس أنت ...... الله يصلح أحوال المسلمين و يهدي خويك هذا ...

[عجاج]

مشكور ياشباب وجزاكم الله الف خير عزالله انكم بردتو خاطري واخذتوا لي حقي وافي :)
وصدق من قال عشرة الرجال الي مثلكم وشرواكم غنيمة
وانا مابي من صديقي لاحق ولا باطل يكفيني انه يعرف الغلط ويبعد عنه ولا يصر على رايه

[سهيل واحد]

السلام عليكم ورحمة الله وبركاته ...........

الى الطيب .. عجاج ..

يقول بركات الشريف .. :
ترى الصنايع بين الأجواد تشريك
إليا طمعت بغرسها لا تعداك

وانا اقولك إن خويك ماهو خوي يعني عطوه 1000 وقله الوجه من الوجه ابيض. لأن الصديق هو اللي يقول :
حالي فداك وما قصركم نسده .... لو إني أطلع من حلالي بثوبي


وأسلم عليك.

[عجاج]

اخوي سهيل عزالله ان غرس الطيب مبداه يمناك يالغالي
وصح السانك على البيت الثاني