المساعد الشخصي الرقمي

مشاهدة النسخة كاملة : @@ أفضل مساعدات للددسن دفرنسين@@


مساير الليل
16/07/2008, 07:14 PM
السلام عليكم ورحمة الله وبركاتة


أخواني بغيت منكم طلب

ركبت مساعدات مورو على الددسن وكنه تحسن شوي ومسك وجه معاد يلعب لكن آلحين أنفقع واحد من المساعدات وصار وجه الموتر يلعب بغيت أستفسر عن افضل مساعدات للددسن غير مورو أبيها شاده مورو ماحس فيها فرق عن مساعدات الوكاله
وهل تدبيل المساعدات يضر وش ميزاته وسلبياته؟
مساعدات المرسدس تركب على الددسن وهل تحتاج إلى ترهيم؟


الله يعطيكم العافيه ولايحرمكم الأجر
مواسي الطعوس
16/07/2008, 07:58 PM
اخوي لاتتعدى مساعدات المرسيدس . وتبغى شغل محترم فيه واحد بالقصيم يركبها يقال له(الصمعاني ابووليد) في تشاليح القصيم. شغله محترم جدا جدا.

يغير القاعده اللي فوق يركب حقت تويوتا موديل 97م وتحت . هو يجيب القاعده مع المساعدات مع شغله ياخذ عليها بحدود 430 ريال. لكن يضمن اللحام (لانه يرهم في السيارات وعنده ماكينة لحام ممتازه.

انا مسويها عنده والموتر روعه.
مساير الليل
16/07/2008, 09:02 PM
آخوي الترهيم يكون في نفس المساعد ولا في القاعده ألي في السياره


وهل له ضرر لاسمح الله لو أنفك اللحام


وهل هو أفضل ولا التدبيل؟
مهوس صيد
16/07/2008, 09:44 PM
جرب مساعدات جبريل مركبها انا على هايلكس دفرنسين مريحه جدا وما تحتاج ترهيم
وبل نجد
16/07/2008, 09:52 PM
أخوي عندك المساعدات الأستراليه لونها أصفر

وعندك جبريال تراها ممتازه

وانتبه لايجي في بالك تدبيل المساعدات

تقبل مروري أخوكـ:وبل نجد
مواسي الطعوس
17/07/2008, 12:35 AM
التغيير في : القاعده والمساعد (لان مجال المساعد قصير مره .مختلف عن باقي سيارات نيسان.المشهوره بطول المساعد) ماينجح المساعد الا اذا كان مجاله طويل.


انا مركبها قبل سنتين ولاحصل منها شي . لان الورشه اشهر مكان يلحم اهل الترهيم والتطعيس يصلحون عنده.

واعرف اكثر من 4 اشخاص مصلحين وضبطت معهم السيارات .
فتى التويم
17/07/2008, 01:00 AM
رح للصناعيه القديمه

فيه محل اسمه مرات فيه يمني ممتاز

خله يركب مساعدات امامي جمس قطع 10

وخلفي دودج قصير
مخاوي الكشات
17/07/2008, 01:10 AM
ليش مرسيدس وخرابيط يا أخي واضح انك راعي جلد ومطامر خذ لك أسترالية أو مساعدات فكسار المرسيدس تبي تفقع صدقني .. إن كانك راعي جلد ومطامر ..
مع أني مجرب الددسن دفرنسين الصراحة قمة في عدم الراحة .. مقارنة بالهلي >>>>> طبعاً دفرنسين
شامخ ألهيلا
17/07/2008, 02:21 AM
عليك بالجبريل وبس
مساير الليل
17/07/2008, 03:00 AM
الله يعطيكم العافيه جميعا

أخوي مواسي المشكله القصيم بعيد علينا فيه غير هالطريقه


مهوس صيد مساعد الجبريال اركب غاز أو زيت وهل هي شاده وتمسك الوجه


وبل نجد ألي مركبها كنت لونا أصفر واسمها مورو

فتى تويم مساعد الجمس يركب على طول ولا يحتاج ترهيم

مخاوي المكشات مساعد الفكسار يركب على طول وهل تعرف أحد مركبه

ومن ناحية الراحه حرام عليك الددسن أريح بواجد من الهايلكس جربت الهايلكس دفرنس أعوذ بالله عذاب

شامخ الهيلا الجبريل غااز ولا زيت

جزاكم الله خير
مساير الليل
18/07/2008, 04:40 AM
للرفع للمزيد من الفائد