تصويت ياشباب هلي 2008 او2005

[ب و ر 324]

:good2: السلام عليكم ورحمة الله وبركاته
يا شباب انا ودي اشتري هايلوكس لكن محتار بين الجديد او القديم
وابيكم تنصحوني وتصوتون
ولكم جزيل الشكر:good:







:confused: :confused: :confused: :confused: :confused:

[عاشق السيل]

وعليكم السلام ورحمة الله وبركاته ،،،

صحيح إن القديم له نظرته وشكله المميز لكني أنصحك بالجديد لأن الفرق كبير بالموديل ولأن الجديد أوسع وأريح ويبقى هو الجديد ،، والاختيار لك والله يوفق للي فيه الخير وتقبل مروري يالغالي .....

[شاص2006]

والله شف القديم احسن بس الجديد اريح واوسع و انصحك بالجديد بس ترا ماهو مثل القديم وانت لك حرية الإختيار تقبل مروري يالغالي..,,,,....,,

[6670]

السلام عليكم ورحمه الله:
أخوي العزيز الجديد زي ماقالوا الشباب مريح واقوى من الاول واحسن بالانعطفات واحسن مكيف بس اذا كنت راعي تطعيس يبيلك تلعب بالوجه وتغير المساعدات عشان يطربك.
وارجوا اني افدتك.

[بـدر]

الجديد

2009 ما بقى عليه شي وانت بترجع لـ 2005

مجرد وجهة نظر


تقبل مروري ...

[خالد77]

خذ جديد وخليجي تماتيك وعساك تحصله

[غالي]

مالي تجارب بالهايلوكسات

لكن وانا اخوك اي سياره تبي تشتريها
وقادر على سعر الجديد
خذها ولا تشاور
اولا جايز تحصل شيء تحت الضمان (اذا كانت مستعمله)
وثانا عند البيع لو نويت موديلها ماراح عليه شيء كثير

واستخر والله يوفقنا وياك

[مكشاتينيو]

الجديد افضل واحسن مواصفات واريح واوسع واقوى 2008

[الستانس]

من رأيي 2005 بديه يكفيك وهذا هو الهايلوكس
أما الجدد عجزت أهظمها مهب بدي تحمليل
من رايي خذ لك 2005هايلوكس وتحت ولا ددسن 2008

والراي رايك ولا يهونون الشباب

[monsixnet]

_

عليك بالجديد...........الجديد

[بدوي جنوبي]

اخي بور تم تعديل الموضوع واضافة الاستفتاء بالشكل الصحيح

[ب و ر 324]

يعطيكم العافيه ياشباب والله لا يهينكم
وشكر خاص لك اخوي بدوي جنوبي على هذا التعديل

[اااالرااااكد]

ان مثلك حاير واظن 2009 على الابواب

[ابو ناصر2020]

2009 على الأبواب

وانا انصحك بجديد اخير لك

[عاشق نفود عنيزة]

الددتسن الجديد افضل ويكفيك انه ياباني كامل مو تايلندي

[المزعلاوي]

2005 أفضل .. أقوى .. أجمل منظر ..
2008 عادي الشكل .. أوسع .. حساس جدًا ..


أنصحك بالقديم بس دفرنسين

[6670]

الددتسن الجديد افضل ويكفيك انه ياباني كامل مو تايلندي.
اخوي لاتصير متعصب المقصود مصنع تويوتا في تايلند قطع ياباني بس عماله تايلنديه وارض أرخص للوكاله بعدين عندك ضمان 100 الف غير الصيانه الممتازه مهب وكيل النيسان لاصيانه ولاقطع غيار.
وهذي من خلال تجربه شخصيه .
وهذي وجه نظر .

[ولدابوعبدالله]

...........

انا من رائي ان القديم احسن ويتحمل ..

..........

[ضوء]

اولا جايز تحصل شيء تحت الضمان (اذا كانت مستعمله)

اي ضمان الله يجزاك خير ماتسمع عن مشاكل الوكالات وشلون لاعبين بالناس وانواع النصب ///

[أبوخطاب]

الجديد يبقى جديد مهما كان القديم

ولافية مقارنة بين الدتسن والهايلكس

[هـدد]

والله شف وأنت بكيفك إذا لاحظ إذا تحته خط لقيت 2005 أخو الجديد أفضلك
بس وينه ؟

[الهمده]

اهم يكون تماتيك وفتحه وجنوط مكحله خخخخخخخخخخخخخخ

سبحان الله وبحمده سبحان الله العظيم

[الكشَات]

الهايلوكس القديم أفضل وأقوى من ناحية البدي.

اما الجديد خفيف مره, يروح معك يمين ويسار اذا كان فيه هواء.

والله يوفقك..

[بـدر]

الددتسن الجديد افضل ويكفيك انه ياباني كامل مو تايلندي.
اخوي لاتصير متعصب المقصود مصنع تويوتا في تايلند قطع ياباني بس عماله تايلنديه وارض أرخص للوكاله بعدين عندك ضمان 100 الف غير الصيانه الممتازه مهب وكيل النيسان لاصيانه ولاقطع غيار.
وهذي من خلال تجربه شخصيه .
وهذي وجه نظر .

هذا الكلام اللي عليه العلم

ولا هان الاخوان

[الدبل الثقيل]

ياخوي اشترلك جيب اذا تقدر على سعره وبنزينه .... الهايلكس لواحد يدرس بالثانويه او الجامعه ومصروفه على أبوه .... وبعدين الهايلكس لابد يوم بالنفود يتعلق ويعلك <<<<< راعين الهايلكسات لايزعلون ترى كان معي غمارتين 98 وغماره 2001 ...

[.أبوعبدالرحمن]

توكل على الله وخذ الجديد


والقديم صحيح انه زين لكن بتمل منه من اول سنة



والجديد اثبت جودته الحين ماشاء الله تبارك الله



ولا تنسى الاستخارة

[ب و ر 324]

يعطيكم العافيه ياشباب والله لا يهينكم ومشكورين

[Magellan]

الهايلوكس القديم أفضل

[ابو الهيثم 1]

من واقع تجربه هايلكسات 92/2000/2006 دفرنس/2006دفرنسين لايمكن مقارنة القديم بالجديد ابدا المديلات الجديده افضل بمراحل من القديمه.من وجهة نظري.

[أبو حطب 2008]

الجديد افضل

[إعصار]

2008 وانت معمض ...

[الواااااااافي]

والله ياخوي انصحك لوجه الله هايلكس 2005لحالها ان بغيت تطعيس أوصبر أوشكل لأن من2006 وفوق وجها يضرب أثناء التطعيس و قيرها خرباته واااجد

[فهد325]

الجديد: من ناحية كبر غمارة وكبر صندوق الجديد وقوة مكينة وصناعته تايلندي يجي من قدام ياي
القديم: من ناحية شكل وحمار مكدة وصناعته يابانية تجميع استرالي على ما اضن من قدام ما فيه ياي

من واقع تجربة واحد من اخوياي معه 2007 اول ما طلعه دريشة السواق واللي وراها ما تشتغل
كان معي 2004 طلعته وكالة مارحت سويت صيانة ابد كارفة 3 سنوات كرف الويل ما قال لا ما حطيت فيه الا زيت وسيفون فحمات امامي بنزين فقط لاغير بعد ما مشى 100 ألف كيلو قلت ابغير بواجي واسلاك وصفاية بنزين لاقيتها فيها نصف عمر تحسفت اني غيرتها لان القطع اللي تجي مع السيارة شد بلد تتحمل وصبورة ما تستهلك بسرعة مش مثل اللي في محلات قطع الغيار تختلف مثل الفحمات تطول حقت الوكالة لونها حمر عند قطع الغيار لونها سوداء

انصح بالقديم اذا كان اخو الجديد يعني مخزن
انصحك بالجديد اذا ما لقيت شي نظيف
وغير التويوتا لا تجازف تشتري شي ثاني مثل نيسان مثلاً قطع غيار نار ويالله تلقاه حتى التشليح ما تلقى الا بالحسره

[ذيب الزلفي]

أخوي تبي نصيحة مجرب والا نصيحة كاتب؟

إذا نصيحة مجرب أنا معي 2006 الشكل الجديد غمارة وديزل بعد ..

والله لا شكيت منها ولا طلع فيها أي عطل..وماشي عليها 70000

وبالنسبة للتطعيس ما أظن هناك أصعب من طعوسنا في الزلفي ..

ما عمرها قالت لي لا في الطعوس .. ورحت عليها للصمان أكثر من مرة وللدهناء مرات كثيرة.. صراحة سيارة خصوصا إن الديزل الجديدة حطو فيها تيربو وطلعت قوية مرة .. والدليل إنهم نقصوا قوتها عن القديمة وصارت 2500 حسب كلام اللي في الوكالة لأنه يقول لو كانت 2700 مثل القديمة مع التيربو كان ما أحد لحقها..

أخي بقي أن تعرف أن التطعيس فن وخبرة وممارسة + كفرات جيدة + تنسيم

وليس كما يفعل شباب التطعيس يجي طاير يرقى طعس طويل ويقولك ضرب الوجه (وبعضهم يفك صدام الموتر ).. وينصحك بعدم شرائه.. ولو تقول له أبيك تقطع على سبيل المثال من نفود الثويرات عندنا إلى قبة إن كان نلقاه على بعد 500 متر معلقها .. شطارته بس في صعود طعس طويل ثم النزول لكن الدخول في متاهات النفود لا يجيدها..

آسف على الإطالة ولكن للأمانة كتبت ما سبق ولكي تكون في الصورة..

[صقر أمه 506]

أخوي تبي نصيحة مجرب والا نصيحة كاتب؟

إذا نصيحة مجرب أنا معي 2006 الشكل الجديد غمارة وديزل بعد ..

والله لا شكيت منها ولا طلع فيها أي عطل..وماشي عليها 70000

وبالنسبة للتطعيس ما أظن هناك أصعب من طعوسنا في الزلفي ..

ما عمرها قالت لي لا في الطعوس .. ورحت عليها للصمان أكثر من مرة وللدهناء مرات كثيرة.. صراحة سيارة خصوصا إن الديزل الجديدة حطو فيها تيربو وطلعت قوية مرة .. والدليل إنهم نقصوا قوتها عن القديمة وصارت 2500 حسب كلام اللي في الوكالة لأنه يقول لو كانت 2700 مثل القديمة مع التيربو كان ما أحد لحقها..

أخي بقي أن تعرف أن التطعيس فن وخبرة وممارسة + كفرات جيدة + تنسيم

وليس كما يفعل شباب التطعيس يجي طاير يرقى طعس طويل ويقولك ضرب الوجه (وبعضهم يفك صدام الموتر ).. وينصحك بعدم شرائه.. ولو تقول له أبيك تقطع على سبيل المثال من نفود الثويرات عندنا إلى قبة إن كان نلقاه على بعد 500 متر معلقها .. شطارته بس في صعود طعس طويل ثم النزول لكن الدخول في متاهات النفود لا يجيدها..

آسف على الإطالة ولكن للأمانة كتبت ما سبق ولكي تكون في الصورة..


كلام أخوي ذيب الزلفي عين الصواب :good: :good:
ولايهينون الربع

واصوت لهلي 2008
والله يوفقكـ

[سديراوي..]

مالك الا الجديد يا الغالي

[ذيب الزلفي]

كلام أخوي ذيب الزلفي عين الصواب :good: :good:

والله يوفقكـ


أشكرك على التأييد ...والله يجزاك خير

[x-x-20010]

جديد واسالني انا مجرب وولا ترجع لافديم نصيحه

[عآشق الحره]

انتبه النيسان يدخل اغبار ويتهربد بسرعه وعزمه فرق كبير واقع تجربه الهايلكس القديم لايعلى عليه قوه شكل وعزم واذا انت منت حق بران خذلك جديد تماتيك مريح
قيمك نديمك لو الجديد اغراك

[الطرفيه]

قديمك نديمك لو الجديد أغناك

[Ra3i.mekshat]

الجديد :good:

انا معي 2006 ماشي 251800 الف ديزل وزي الحلاوه لا تحميل ولا تطعيس ومريح وأوسع ولا تهريب ولا شي ومساعدات شد البلد :good2:
وللعم هو دفرنسين والدفرنسين اريح من الدفرنس من واقع تجربة النوعين ;)

وازيدك من الشعر بيت يوم الاثنين جتنا في الرياض امطار وطلعت بالموتر وتشوف كل السيارات طافية الا موتري ما شاء الله والمويه واصله نصف الكبوت < لانه ديزل >
ومثل ما قال اخوي ذيب الزلفي أن التطعيس فن وخبرة وممارسة + كفرات جيدة + تنسيم
خذه ولا تشاور

تقبل مروري :)
أخوك : فتى الخوالد

[مجنون باترول4800]

مافية مقارتة 2002 الى 2005 مابعدة

[VIP-503]

الجديدة بس والله فيها ممشاء وعزم غير طيبعي

[دحيم اللوح]

ياناااااااااااااس
الموضوع من سنتين تقريبا
ههههههههههههههههههههههههههه

[BeWoLf]

انا انصحك بالجديد لانه اوسع وهذا الفرق ملاحظ ومعروف
ولو ان افضل مديل في الجديد هو 2008
تحياتي

[االكريزي]

توكل على الله وخذ الجديد

[502المميز]

الجديد له مميزاته
والقديم له مميزاته
بس انت لو تبي الراحه الجديد
ولو انت تبي تكرف وتقول سيارت عمر مالك إلى القديم ما شاء الله صبر وتحمل
والقرار في الأول و الأخير راجع لك والله يوفقك يا رب

[غيث المزن]

طيب وش رايك في 2006 :)
ياخي لاتحطمني وتقول ماهيب زينه ههههههههههههههههههه


انصحك في الجديد ياوخيي
كلهم يتحملون , ومافيه مثل تويوتا لو تحصل سيكل تويوتا اشتر وماعليك


هلي والمعاون خلي , 2008 وبقوه

[ابونبيل]

هههههههههههه الموضوع من 2008

[casper2013]

المعنى الحقيقي لكلمة ( مطفي النور )

[ال بريمي]

والله ياخوي القديم صبور وحق مكده

لاكن اذا بتاخذ الجديد ابعد عن الثمانيه خير شر ترا بها عيوب مصنعيه
لاكن خذلك 2012 الغماره تراها زينه ورخيصه وصبوره

[راعي تمرة]

انصحك بالجديد ياخوي يعيش معك لقدام

[FAHAD - 506]

ههههههههههههههههههههههههههههههههههههههههههههه والله يالعالم مطفية النور وبقوه ههههههههههههههههه ياحبني لكم يالي فووق ههههههه

[القنص عشقي]

السلام عليكم
على كيفك أخوي
أنت حر والله يوفقنا ويوفقك
أخوكم صيادالقلووب