تاهو & اكسبلور [الأرشيف]

مشاهدة النسخة كاملة : تاهو & اكسبلور

البدر2001

11/07/2008, 06:00 AM

icom 2006

11/07/2008, 06:29 AM

انا من ناحيتي باخذ تاهو ولا افكر من جد راحه وفخامه وقوه تحمل واذا بغيت تفرق في السياره دور جي ام سي موديله 2004 وفورد موديله 2004 وشف الفرق الجمس اكيد بيكون الافضل من جميع النواحي . وعليك واا اخوك بالاستخاره هذي اهم نقطه في جميع الامور والله يعطيك خيره ويعديك شره يالغالي مقدماً.

راعي المقانيص

11/07/2008, 07:08 AM

لاتفكر ولا تحتار وانا اخوك

صل ركعتين استخاره واطلب الخيره من الي عني وعنك غني سبحانه وباذن الله تبي تلقى الصواب

هذا اولا

ثانيا

مجرد راي شخصي

انا ماشفت لحد الان سيارة طلعت على مزايا وقوة شركة جنرال موتورز من موديلات 2005 وانا معي تاهو Lt 4x4 وجربته في جميع الظروف والاماكن وماشاء الله حتى والله اني اول اشوف مافيه شي يطلع على اللاندكروزر Vxr من ناحية فخامه وقوة
وابشرك طلع عليه وطق له باصبع يقوله ارجع ورا انت صرت من طقة سوزوكي مع احترامي لملاك اللاندكروزر

وانا شفت الاكسبلورر واستخدمت التاهو ويصعب جدًا ان تقارن بينهم بالفخامة والراحه التاهو افخم واريح من الاكسبلورر وسعة اكبر من الاكسبلورر

واذا بغيت اي استفسار وانا اخوك بخصوص التاهو ابشر انا حاضر

البدر2001

11/07/2008, 07:46 AM

شكرا لكما على الإفادة
وبالمناسبة اخوي راعي المقانيص يمكن السيارة التي معك تفوق الاكسبلور من ناحية السعر بكثير
وكما تعلم ان سعر الا كسبلور لا يزيد عن ال 108 ألف ريال

راعي المقانيص

11/07/2008, 08:15 AM

اخوي البدر 2001

التاهو موديل 2008 بدون دبل ( دفرنس واحد )سعره 110 الاف ريال
واذا بدبل( دفرنسين ) سعره 124 الف ريال

نوع Lt النوع الوسط مو فل كامل ولا فل ناقص على قولتهم

وفيه نوع اقل وارخص ومايفرق شي بالنسبه للمكينه ولا القير ولا الدفرنسات الفرق فقط في الاكسسوارات الداخليه

البدر2001

11/07/2008, 08:51 AM

بارك الله فيك يا راعي المقانيص

ابو شيخة

11/07/2008, 09:05 AM

يخوي انا معي تاهو 2002 دبل ودخلت فية اماكن بالبر مع جيوب وقبت جدارته ونصحك بالتاهو وعلى فكرة ترى مايفرق عن الجمس شي بس الشبك يفرق هذا ولك تحياتي

alsarem

11/07/2008, 09:47 AM

اخوي انا استورد السيارات الأمريكية و انصحك بالتاهو لأن الاكسبلوررحسب المعلومات الي عندي فيه مشكلة بالقير وقليل جدا الطلب عليه يعني عند البيع ثقيل

speed 557

11/07/2008, 10:12 AM

عليك بالاستخاره هذي اهم شي في جميع الامور
وبعدين جي ام سي او تاهو له قطع غيار في كل مكان
وفورد طلبي وتجي بعد اسبوعين حسب خبرتي با فورد

6670

11/07/2008, 01:19 PM

اخوي العزيز عيوب الاكسبلور كالاتي:

1-لايصلح للبر لأن الرديتر انزل شئ في السياره.
2- الخفه لايصلح للقياده في المنعطفات بسراعات عاليه.
3-نزول سعره عند البيع.
وهذا الي اقدر افيدك فيه من خلال تجارب احد الشباب معه.

.أبوعبدالرحمن

11/07/2008, 01:38 PM

اول شيء الاستخارة

وثاني شيء وهذا رأيي الشخصي ابقول لك تاهو وبدون اي تفكير

راعي هوى

11/07/2008, 01:57 PM

ياخوي وش جاب الصين للطين
استخير وخذ التاهو :good:

راعي النسنس

11/07/2008, 02:07 PM

http://www.mekshat.com/pix/upload02/images74/mk85371_okijnh.jpg

تاهو

كاشخ 24 ساعه

11/07/2008, 04:05 PM

دغيم1

11/07/2008, 05:21 PM

السلام عليكم ورحمة الله وبركاته
حياك الله أخوي
مافيه وجه مقارنه بين التاهو .. والأكسبلورر
لو قلت التاهو .. والأكسبيديشن
يمكن أقول فيه بعض الفرق
لكن التاهو يفرق بكثير عن الأكسبلورر
صحيح الفورد سيارة جيدة وقوية
ولكن لاتنسى التاهو كذلك شركة جيدة وقوية
أستخر وأسأل الله أن يدلك على الخيروالأصلح لك
تقبل تحياتي

بيبسي

11/07/2008, 05:50 PM

بصراحه التاهو رسمي حلو ووكيله معروف وقطعه متوفره ومرغوب في البيبع

faisal456

11/07/2008, 06:00 PM

السلام عليكم

التاهو مع واحد من الشباب ... وما شاء الله تبارك الله عليه موتر بصرحه كبير وسيع وقوي وفخم وماسك سعره بالمعرض ..

فيه ميزه حلوه بصراحه عجبتني ، استهلاك الوقود داخل المدينه حلو لانه ما يشغل جميع السلندرات فقط 4

واما اذا زادت السرعه او مسكت فيه خط يشغل جميع السلندرات وهذي ميزه حلوه اقتصاديه ..

وانا بإذن الله سيارتي القادمه تاهو .. وانصحك باللون الازرق الجديد (: والله يبارك لك

واستخير قبل كل شي ... ولا تشتري الا اللي انت مقتنع فيه

أبو LAMeS

11/07/2008, 08:13 PM

السلام عليكم ورحمة الله وبركاته
بصراحة انا في حيرة ما بين الاكسبلورمن فورد والتاهو من جي ام سي ولا ادري ايهما اختار
آمل من الأخوة الأفاضل اصحاب الخبرة ارشادي للأفضل بين السيارتين والأكثر عملية
شاكرا ومقدرا حسن المشورة
تحياتي أخوي البدر

أولا /قبل كل شي أتمنى من الله عز وجل أن يكتب لك الصالح

ثانيا / الصراحة كلام بعض الأخوان غير معقول أحيانا تشك أنه له نسبة أو أنه مندوب لدى الشركة الفلانية أو أنه هو اللي صانع هاذي السيارة أو ذيك

ثالثا / السيارة مثل المرأة ... يا أنها تسلك معك بدون مشاكل أو أنها تعاكس... وإذا عاكسب الله يخلف عليك

رابعا / فئة الاكسبلورر تختلف أختلاف جذري عن فئة التاهو ... التاهو أكبرحجما وأثقل وزنا وأضخم مكينة الاكسبلورر يقارن مع الباثفندر

خامسا / التاهو أخو اليوكن نفس الشاص نفس القير والمكينة وإلى حد ما نفس الأكسسوارات والديكورات الداخلية

سادسا / الكثير أشتكوا من اليوكن وأنا واحد منهم كان عندي يوكن 2007 وأيضا أشتكوا من التاهو واللي يبحث في الإنترنت ما ( يتهوش ) أكتب في القوقل يوكن أو تاهو 2007 وشف النتائج ... بينما الاكسبلورر ما شفت أحد يشتكي منه من عيب واضح فاضح ... صحيح كان فيه عيب في الموديلات السابقة تقريبا من 2003 في الكرونة وكانوا يصلحونها على الضمان إذا ظهر العيب لأن البعض ما ظهر عندهم .... لكنهم عدلوا هذا العيب في الموديلات اللاحقة

سابعا / تقول لي التاهو فخم أقولك نعم ... تقول مريح أقولك نعم وسبعين نعم ...تقول قيادته فيها سلاسة أقول لك قيادته من أمتع ما يكون طبعا أنا أقيسه على اليوكن الذي كان عندي ...
تقول والاكسبلورر أقولك نفسه مريح وقيادة ممتعة ( جربته في موديل 2005 ) وفيه فخامة من ناحية الاكسوارات ...

ثامنا / إذا كنت من الناس اللي يحبون السيارات الضخمة والواسعة عليك بالتاهو رغم أن فيه منافسين له أفضل أعتمادية وأقل سعر وفي منافس له وهو الفورد الاكسبدشين كسر رأس التاهو في تجربة أميريكية وتفوق عليه الاكسبيدشن بجدارة ...
وإذا كنت تحب السيارات المتوسطة الحجم والاسرة عددها قليل فعليك بالأكسبلورر وأرجوك رجاء لا تنسى الإستخارة

الله يوفقك لصالحك

راعي هوى

11/07/2008, 08:14 PM

الاكسبلورر دبل النوع الثاني ب97 الف والتاهو اقل نوع بدون دبل ب110

والاكسبلورر أريح وافخم واقل مشاكل

اما التاهو فمافيه احد يمدحه كثير لان الناس تحسبه زي اليوكن عشان كذا يمدحونه بدون ما يجربونه

اذا بتاخذ يوكن انا اؤؤيدك او خذ اكسبلورر اما التاهو فابتعد عنه.

ياخوي شكلك ماجربت لا اليوكن ولا التاهو لانك لو ركبت بالتاهو وغطيت علامة الشفر اللي بالسكان (الدركسون) كان عرفت الفرق الكبير بينهم
وعلى فكره لمى تروح لقطع الغيار وتطلب القطعه شف العلبه وش مكتوب عليها شفر ولا جمس تلقاها اي ديلكو
يعني باختصار مافي اي فرق بينهم واسف على الاطاله

أبو LAMeS

11/07/2008, 08:41 PM

صحيح نسيت أقولك ترى فيه ناس راح يدخلون عرض ويقولون بلا أكسبلورر بلا تاهو ... وش تبي بالأمريكي ما وراه إلا الخساير ... عليك بالياباني ..عليك بال..... يمسك قيمته و ..و إلخ

ترى ما ضعينا ورفع أسعار الياباني إلا مثل هالكلام اللي خلى الياباني منزه عن كل عيب وأصبح فوق النقد ويا ويلك لو تقول بالياباني بشيء ...

مثل هالكلام أضرب فيه عرض الجدار

موفق

كاشخ 24 ساعه

11/07/2008, 08:46 PM

ياخوي شكلك ماجربت لا اليوكن ولا التاهو لانك لو ركبت بالتاهو وغطيت علامة الشفر اللي بالسكان (الدركسون) كان عرفت الفرق الكبير بينهم
وعلى فكره لمى تروح لقطع الغيار وتطلب القطعه شف العلبه وش مكتوب عليها شفر ولا جمس تلقاها اي ديلكو
يعني باختصار مافي اي فرق بينهم واسف على الاطاله

والله اذا كلامك صحيح فأنا أنصحه ايضا بالكادلاك الاسكاليد وايضا يمكنك تغطيه علامه الكدلك ويطلع لك يوكن ولو مريت قطع الغيار بتلقاها هي نفسها مافي اي فرق بينهم واسف على الاطاله

البدر2001

11/07/2008, 09:31 PM

أسعد الله أوقاتكم جميعا بالخير والمحبة
لكم جزيل الشكر والعرفان بالجميل على حسن مداخلاتكم ومشورتكم التي بالفعل زادتني بصيرة بخصوص ترجيح كفه التاهو
وبمناسة مداخلة بعض الأخوة بخصوص السيارات اليابانية فالحق يقال لا يعلى عليها لكن اسعارها المبالغ فيها خاصة اللاندكروزر والذي ارتفعت اسعاره قريبا من الضعف لأسباب واهيه ولعدم وجود حماية للمستهلك وحتى تتيقنوا من جشع بعض الوكلاء لاحظوا الفرق بين سعر السوبر سفاري مع الفكس آر مع ان مواصفات الأول ربما تفوق الثاني بكثير من ناحية الاكسسورات ومن ناحية القوة
مرة أخرى اكرر شكري سائلا الله التوفيق لي ولكم في الدنيا والآخرة انه سميع مجيب

احب البرواهله

12/07/2008, 10:46 AM

المقارنه غير عادلة وهي بالتأكيد لصالح التاهو من جميع النواحي وأنا معي تاهو ltz2007 ومن ثلاثة اشهر وأنا أداوم بالكويت السبت أحرك للكويت والخميس أرجع للرياض صراحه أثبت قوته وتحمله وراحته وماشي معي فوق السبعين والحمدالله كل شي تمام وفي البر طلعت عليه كم مره وللدهنا مرتين ويعيبه أنه ما يقارن بالجيوب اليابنية هي أفضل لكنه ماقصر وصلني للمكان الي أبي .
الأكسبلورر شراه أخوي وباعه 2008 ماأرتاح له بس ما عليه ملاحظات تذكر

Avalanche

12/07/2008, 01:15 PM

السلام عليكم ورحمة الله وبركاته

حياك الله أخوي
مافيه وجه مقارنه بين التاهو .. والأكسبلورر
لو قلت التاهو .. والأكسبيديشن
يمكن أقول فيه بعض الفرق
لكن التاهو يفرق بكثير عن الأكسبلورر
صحيح الفورد سيارة جيدة وقوية
ولكن لاتنسى التاهو كذلك شركة جيدة وقوية
أستخر وأسأل الله أن يدلك على الخيروالأصلح لك
تقبل تحياتي

كلام سليم 100%

كاشخ 24 ساعه

12/07/2008, 03:18 PM

هذا عندك واحد يبي الفكه منه

انصحك تشتريه أحسن ما تدفع في الجديد مبلغ وهو ما يستاهل

http://www.mekshat.com/vb/showthread.php?t=144552