انواع البطاريات الجافه لشحن بطارية السياره

[(مواصل)]

السلام عليكم ورحمة الله وبركاته
اخواني الاعزاء تهمني خبرتكم استشيركم بشراء بطاريه جافه لشحن بطارية السياره
نظراً لوجود انواع رديئه بالسوق وغلاء ثمنها قررت استشيركم يالنشاما عن افضل بطاريه
من حيث قوة الشحن , الحجم , والخدمات
الحقيقه انا شفت ثنتين الاوله احس انه صحيح اصليه اما الثانيه من شكله ماعجبتن
ارجوكم تعطونن رايكم ايهم افضل وتعلمونن الافضل بالسوق

هذي الاولى واحس انه هي الاصليه


http://www.mekshat.com/pix/upload02/images74/mk75671_b.jpg



وهذي الثانيه واحس انه ماتشحن ولا الجوال
بس يمكن اصير مخطي


http://www.mekshat.com/pix/upload02/images74/mk75671_a.jpg


لا تبخلون علي وعلى الاعضاء من تجاربكم مع بطاريات الشحن

[دغيم1]

السلام عليكم ورحمة الله وبركاته
حياك الله اخوي
هذه الأنواع من البطاريات التي تقوم بتعبئة البطارية عند إنتهاء شحنها غير عمليه
وتنحصر فائدتها في تشغيل الأجهزة البسيطة
وقد جربت منها نوع قديم جدا ولم يفلح ، خاصة وأنها تحتاج إلى متابعة دائمة في الشحن
لأنه بعد فترة بسيطة لم تشحنها تخرب البطاريات الداخلية
والأفضل دوما اللي على الكهرب
تقبل تحياتي

[(مواصل)]

اشكر لك مرورك يا اخي الكريم ولكن انا شفت بطارية شحن مع واحد من الشباب لكنه قديمه ومنقطعه بالسوق
شغاله تمام التمام ومازال يستعملها وتشحن بطارية السياره
اكيد هالوقت اغلب الي بالسوق تجاري لكن فيه اصليات يمكن بالامارات او الكويت بس ياليت احد يدلنا وين نلقاهن واسعارهن

[الوانيت1]

كلا الثنتين اللى بالصورة أجهزة غير أصلية ألاولى صنعت بالصين بتصميم وموافقة من الشركة الاصلية وبتقنية أمريكية وبأمكانك قراءة ذالك فى ملصق الجهاز أو على الكرتون او داخل دفتر أو الكتيب اللى يجى مع الجهاز ...هذا بالنسبة للجهاز اللى بالصورة الاولى وهو أفضل ما أنتجتة الصين من هذة النوعية من الاجهزة ولاااااا كن يبقى منتج صينى وبتقنية أمريكية.
أما الثانى اللى بالصورة فخوالة وعمامة من الصين يعنى مردد وأنت أبخص بالصينى ....
وشكرا للجميع وأسف على الاطالة........////.

[ق ع ا غ]

السلام عليكم ورحمة الله وبركاته

فيه عند ساكو بطارية شحن ماركة black & Decker وهي من أفضل ما رأيت مع العلم اني لم أجربها لكن الشركة متميزة بالجودة ويتوفر عدد من الموديلات لنفس الماركة بأحجام أمبير مختلفة واستخدامات مختلفة

[gsb]

تبي تشحن بطارية سيارتك اتوقع تحتاج بطارية أصلية بقوة أمبير عالية زي البطاريات ولا أزود اضمن لك واحسن وتشغلك بعد الي تبي.

[(مواصل)]

الونيت
اشكر لك مرورك ومعلوماتك القيمه وهذا الي مخوفني مايطلعن زينات
الي ابسال عنه هل لهن امبيرات وكم احسن امبير اقدر اخذه؟

ق ع ا غ
مشكور على المعلومه بس الي انا اخبر ماقد شفته عند ساكو
لقيت عند ساكو واحد لونه اصفر نزله حدى الشباب بهالموقع ولكن مادري عن خدماته

gsb
مشكور ولكن البطاريات الجافه مريحه وتنقله من مكان لمكان

[(مواصل)]

ياشباب وش تشيرون علينا فيه طالت اعماركم على الطاعه

[(مواصل)]

والا وش رايكم بهذا الي بالصورة
اذا هو احسن من الاولانيات ارجو افادتي وين الاقيه واذا فيه احد يبيعه بالقصيم
http://www.mekshat.com/pix/upload02/images75/mk75671_sol-es2500.jpg

[صيهد]

انا جربت نوع من العليان
اسمهcais power bank
كوري الصنع
سعره حدود 400
شريته العام و جربته على اكسبلورر كان راعيه ناسي النور الداخلي والع و فضت البطاريه
شغل السيارة على طول مع اني شاحنه من اكثر من شهر وثلاث مرات يطفي السيارة ونرجع
ونشغلها بالجهاز
للمعلوميه بطارية السيارة كانت ميته وغيرها راعيها
وشكرا

[هـدد]

عند العليان شاحن (إشترآك)
اسمهcais power bank
مسككككككككككككككككككككككككككككت
وجربته كثير فعلا عملي وخدوم ولاياخذ حيز أشحنه واحلته بالسياره وانسه وإذا إحتجته لقيته

[(مواصل)]

8
8
8
ماعندك له صور لاني من القصيم وابي ارسل واحد يروح ياخذه منهم


وياليت تعطونن رايكم بالشاحن الي بالصوره هذي هل
هو عملي او لا مع العلم ان سعره هو والشاحن الثاني
متقاربات وانا ابحث عن الجوده



http://www.mekshat.com/pix/upload02/images74/mk75671_b.jpg

[بن عاقول]

أخي الكريم الجهاز هذا فوق الممتاز وعندي من أكثر من ثلاث سنوات - وتراني خبير في هذه الأجهزة لأنه رواتبي راحت في التجربة والحقيقة لم أستقر إلا على هذا الجهاز ، كما ان هذا الجهاز يستخدم من قبل وكالة العيسى للسيارات قسم المساندة على الطرق وهم اللي دلوني عليه ، وصراحة الصيني والأمريكي نفس الجودة وإذا كانك ما تثق إلا بالأمريكي تراه موجود في محل الفانوس بشارع الريل

[ابو شقط]

وش اسم الجهاز اللي تعنيه وتنصحبه ياخوي بن عاقول لوسمحت ووين احصله ؟؟؟؟؟؟؟؟

[بن عاقول]

هلا أخوي أبو شقط
الجهازهو اللي بالصورة Booster Pac وهو موجود عند العليان في طريق خريص وإذا قولك خلص
رح شارع الريل محل الفانوس تبي تلقى الجهاز الامريكي منه وقيمته في حدود 450-500 ريال هذا إذا كان
مازادو قيمته بعد هالتضخم ، وتراه جهاز قووووووي بمعنى الكلمة وبالإمكان عمل زيارة لوكالة العيسى للسيارات
إذا ودك تطمئن أكثر قبل شرائه وتشوف رأيهم لأنهم كما سبق وأشرت أنهم هم نصحوني فيه وشريته ويستعملونه على كلام المهندس من زمان طبعا بعد البحث لقيت إنه مالهم مصلحة علشان يسوقون له يعني العيسى مهوب وكيل له ولا له علاقة بهالجهاز ، وآخر كلامي الجهاز قووووووي

تحياتي لك وبالتوفيق

[(مواصل)]

بن عاقول يعطيك العافيه على هالمعلومات القيمه والي ماهي غريبه على الرجال شروا اعضاء مكشات
لكن اذا الامريكي موجود ياليت تزودني برقم الفانوس اذا ماعليك كلافه او توصفه لاني باسافر للرياض اشتريه
وهل فيه اختلاف بين الصيني الموجود بالصوره والامريكي الي انت تقول
انا لقيت الي بالصورة بمحل العليان الي بشارع الغرابي

[سوبر VTC]

يوجد شخص على كلام حدى الربع
بالقصيم اسمه///ابو صالح الرياعي
يبيع بطاريات جافة ضمان لمدة خمس سنوات امريكيات الصنع على ما اعتقد و اسعارهن من 900 ريال و طالع و توضع مكان بطارية السيارة الاساسية
و لها مميزات كثيرة
حتى لو لاحظ السيارات اللي تجينا مواصفات امريكية كالفورد مثلا تجي بطاريته جافة
تحياتي

[(مواصل)]

أخي الكريم الجهاز هذا فوق الممتاز وعندي من أكثر من ثلاث سنوات - وتراني خبير في هذه الأجهزة لأنه رواتبي راحت في التجربة والحقيقة لم أستقر إلا على هذا الجهاز ، كما ان هذا الجهاز يستخدم من قبل وكالة العيسى للسيارات قسم المساندة على الطرق وهم اللي دلوني عليه ، وصراحة الصيني والأمريكي نفس الجودة وإذا كانك ما تثق إلا بالأمريكي تراه موجود في محل الفانوس بشارع الريل
الله يعطيك العافيه يابن عاقول ويسلم عمرك والله يعوضك برواتبك الي خسرت باضعافه ويزيدها حسنات
دقيت على الفانوس قالو ان الي عندهم هولندي بسعر 550 والي بالصورة عند العليان بسعر 400 اعتقد
ومادري وش تشير فيه لانك مجربهن ؟

[(مواصل)]

يوجد شخص على كلام حدى الربع

بالقصيم اسمه///ابو صالح الرياعي
يبيع بطاريات جافة ضمان لمدة خمس سنوات امريكيات الصنع على ما اعتقد و اسعارهن من 900 ريال و طالع و توضع مكان بطارية السيارة الاساسية
و لها مميزات كثيرة
حتى لو لاحظ السيارات اللي تجينا مواصفات امريكية كالفورد مثلا تجي بطاريته جافة

تحياتي


تقدر تفيدنا برقمه لاني بالقصيم يالغالي

[بن عاقول]

هلابك أخوي الايدعشري

الله يجزاك خير ويتقبل دعائك ويكتب لك مثله ، بالنسبة للجهازين لم أرى إختلافا سوى دولة الصنع وإذا كان الفانوس قالولك هولندي معناه أصبحت أمريكا تصنع الجهاز في أكثر من دولة والواضح أن الجهاز له إنتشار - واذكر أن محل الرماية كان أيضا يبيعه ولعلك تسأل الرماية إذا كان لازال موجود عندهم وبالنسبة
للعليان نفس اللي عندي ومثل ماقلت مسبقا الجهاز فوق الممتاز وأشوف فرق الـ150 ريال أنت أولى به توكل على الله وخذ اللي عند العليان ، بس أول ماتشتريه لازم تشحنه 30 ساعة متواصله بعدين يكون جاهز للاستخدام ، ويعاد شحنه كل مرة إذا تعرض لاستخدام تثقيل ، وكل ستة أشهر إذا لم يستخدم مطلقا ، وأسأل الله أن يرشدك إلى مايسرك

هذا وتقبل تحياتي

[سوبر VTC]

تقدر تفيدنا برقمه لاني بالقصيم يالغالي


تامر امر
ارسلتك رقمه على الخاص
تحياتي لك

[(مواصل)]

لاهنت اخوي سوبر Vtc
تم استلام الرقم بارك الله فيك وفي الجميع

[(مواصل)]

يالربع دقيت على العليان قالو ماعندنا الي بالصورة الاولى
الموجود بس الي بالصورة الثانيه الي كنت متوقع نه فاشل
لكن هم يمدحونه ويقولون انه تايواني وهذاك صيني
والمطلوب الي بالصورة الاولى فالي عنده خبر وين يباع لايبخل علينا
جزاكم الله خير

[سوبر VTC]

يالربع دقيت على العليان قالو ماعندنا الي بالصورة الاولى
الموجود بس الي بالصورة الثانيه الي كنت متوقع نه فاشل
لكن هم يمدحونه ويقولون انه تايواني وهذاك صيني
والمطلوب الي بالصورة الاولى فالي عنده خبر وين يباع لايبخل علينا
جزاكم الله خير


هلا الايدعشري

هاه دقيت على ابو صالح

تحياتي

[كاشت المدن]

مافيه مثل البطاريه الاحتياط

[(مواصل)]

هلا الايدعشري



هاه دقيت على ابو صالح



تحياتي


دقيت طال عمرك لكن مايرد على جواله

[(مواصل)]

مافيه مثل البطاريه الاحتياط
يعطيك العافيه على المرور
وانا اخوك البطاريه الاحتياطيه لو تخيله ماتستعمله اسبوعين احترقت بس هذا شاحن
لانه بطاريه جافه

[القلب المحروم]

وين في ذا شارع الريل

بلييييييز
هل الجهاز يشغل الفورد (( الفكتوريا والاكسبدشن ))

لأني ابشريه عشان التماتيك يخوف بالمره

[سوبر VTC]

يعطيك العافيه على المرور
وانا اخوك البطاريه الاحتياطيه لو تخيله ماتستعمله اسبوعين احترقت بس هذا شاحن
لانه بطاريه جافه


انا ضد كلامك انا مركب بطارية كبيرة 120 امبير جولدن اندونسية سعره الان 400ريال و حاطه ورى بالجيب حاط دقمة على السويتش بين البطاريتين و له ثلاث سنوات ما شافت الا العافية
اشغل عليه تلفزيون و رسيفر 70 واط لمدة 6ساعات و احيانا 8ساعات و لمبة و احيانا لابتوب و غير كذا تمر شهور ماطلع للبر او ماحتاج البطارية و لا خربت الحمدلله
و ترى البطاريات الاندونسيات اللي يعبن ماء افضل من البطاريات الالكترونية بحكم التجربة
لفترة طويلة
وش رايك واحد من الربع معه كورولا و مثبت بطارية ورى بالشنطة و له سنتين و لا خربت
و يشغل لابتوب و تلفزيون راعي كورة و لا خربت البطاربة
ايضا شف اغلب راعين الكشتات من اهل الجيوب او الجمس و غيرهم غالبيتهم مركب بطارية اضافية
و هذا العرف و اللي دارج بين الناس
انا اعتقد انك تبالغ
تبي نصيحتي اسال مجرب و لا تسال طبيب خذ بطارية اضافية جولدن و ثبته بالسيارة وحط دقمة
وجهة نظر:)
تحياتي

[(مواصل)]

8
8
8
مكانه ضيق بالباترول الفتك 2004 وانا اخوك
والشاحن تاخذه معك لاي سياره بس البطاريه لموترك بس