المساعد الشخصي الرقمي

مشاهدة النسخة كاملة : ماهي حل مشكلة الباكم (vacuum)الخاص بالفرامل


برادو97
02/07/2008, 11:17 PM
اخواني خبراء السيارات

السلام عليكم رحمة الله وبركاته

طلع عندي مشكلة في فرامل السيارة ورحت لاكثر من ورشة وكلهم اجمعوا ان المشكلة من الباكم قالوا تغيير واحد جديد من الوكالة حصلته في الوكالة بــ1800 ريال وحصلت في الصناعية القديمة عدة محلات متخصصة في الباكم قالو نصلحة بـــ200 ريال فانا محتاااااار اركب جديد او اصلح القيم واذا صلحت القديم مافيه خطورة
انا في انتظار ردودكم ونصائحكم. وشكرا لكم.

السيارة برادو97
صقرالعرب2007
03/07/2008, 12:46 AM
وعليكم السلام و رحمة الله و بركاته...
أخوي أنا واجهتني نفس مشكلتك قبل مده بالباكم وفعلاَ رحتت للوكاله قالوا لي بـ 1550ريال الجديد
الزبده ونا خوك رحت لم المحلات بالصناعيه القديمه (محلات متخصصه في تصليح الباكم) وصلحته عندهم بــ 130 ريال وحصلت أسعار من 130 إلى 240 عاد أنت وشطارتك...
طريقتهم ذولا إنهم يشترون باكمات من التشليح بأعداد كبيييره و يفكون الباكم و ياخذون الربله السوداء الي تمنع تسرب الهواء و يحطونه في الباكم حق سيارتك و تنتهي المشكله...
لكن اننننننننننننننننننننننتبه ونا خوك و حط تحت الكلام الي بقوله لك ألفين خط وهو إنك تطلب منه ضمان شهرين لأن أغلب الربلات الي يحطونها لك تكون محروقه من الشمس وتتلف في غضون أسابيع..
أنا أخذته زي ما قلت لك بــ 130 مع ضمان شهرين ولآن له تقريباَ أرع شهور وهو ممتاز يالله لك الحمد..

ــ بالتوفيق أخوي ـ



أخوك / صقر العرب 2007
شامخ ألهيلا
03/07/2008, 12:52 AM
خذ شوور صقر العرب هو الرااي السديد
أبو رمزي
03/07/2008, 03:21 AM
ياليت أخوي لو توضح مشكلة سيارتك بالضبط لكي نستفيد
وجزاك الله خير
خالدالعلي
03/07/2008, 10:38 AM
اخوي صار له نفس المشكلة ولكن السيارة يوكن 96 وصلحه عند ورشة متخصص في الباكمات وله الآن تقريبا سنه ونصف او اكثر والحمد لله ما اشتكى منها مع العلم انه اخذ 200 ريال
عاشق السيل
03/07/2008, 11:38 AM
يمكن الباكم حق البرادو يتصلح ،،، لكن أنا معي باترول ورحت للصناعية القديمة ودرت على أكثر من واحد وكلهم قالوا لازم تغيير إما جديد أو من التشليح ،، والمستعمل قيمتة 400 ريال عندهم مع التركيب وقل يالله توكلنا على الله وبعد سنة تقريبا خرب علي المستعمل رغم إنه كان ماشي تمام لأنه أصلي ،،

قلت مالي إلا الجديد ويوم سألت عنه لقيته بـ 2980 ريال ( حق الوكالة ) وقالوا لي خذ تجاري ودورت عن التجاري ولقيت بـ 300 وبـ 200 وبـ 150 أسعار متفاوتة ويوم شريت التجاري مشيت عليه أقل من مشوار وخرب علي وعلى طول رجعته وركبت واحد ثاني من شركة ثانية وقعد معي أقل من شهرين وخرب وقلت مالي إلا حق الوكالة والشكوى لله طقيته بسعره المذكور وإلى الآن ولله الحمد تمام ماشي أكثر من سنة ،،،،

آسف على الإطالة بس حبيت أشارك وأنصح الجميع بعدم شراء غير الأصلي !!!!
عاشق السيل
03/07/2008, 11:41 AM
ياليت أخوي لو توضح مشكلة سيارتك بالضبط لكي نستفيد
وجزاك الله خير


بعد إذنك أخوي برادو97 ،،

المشكلة يا أبورمزي إن دعسة الفرامل تتحجر عليك والفرامل يصير ضعيف جدا جدا جدا ،، وكذا يكون الباكم يحتاج لصيانة أو تغيير ....
صقرالعرب2007
03/07/2008, 08:29 PM
بعد إذنك أخوي برادو97 ،،

المشكلة يا أبورمزي إن دعسة الفرامل تتحجر عليك والفرامل يصير ضعيف جدا جدا جدا ،، وكذا يكون الباكم يحتاج لصيانة أو تغيير ....



بالضبط... ولا أزود على كلام أخوي...

برضوه إذا دعست على الفرامل تسمع صوت تنسيم هوا ( تسسسسسس) والسبب إن الربله فيها خرم (شق) من الزمن و كثر الاستعمال...

والفرامل شوي ويوديك للشميسي:D
سوبر VTC
15/05/2010, 12:20 AM
هل الباكم يحجر ؟؟؟
احتمال العطل من العلبة فقط
و لازم تمر على عدة ورش 5فاكثر
كلن يعطيك من راسه فيهم الصادق و الكذوب
ان كان الباكم ينسم هواء
فافضلك خذه مستعمل من التشليح على الشرط
سعره تقريبا اتصور ما يتجاوز ال350ريال
موفق
الدبا
08/01/2015, 11:28 AM
سلام عليكم ورحمة الله وبركاته معكم يسلم اخصاي باكمات فرامل الدمام الخضريه رقمي 0533886008

حتى الميكانيكا صار فيها (اخصائي) :eek::eek::eek:
الدبا
20/01/2015, 08:43 AM
اخصاي باكمات فرامل جميع انوع سيرات العنوان االدمام لخضريه ثاني دخله بعد ترايستار رقم الجوال 0533886008 يوجد لدينا تحويل ABS فرامل الى باكم فرامل مع ضمان 3اشهر بسعر مناسب

:eek::eek::eek:دعاية واعلان وتسويق :eek::eek::eek:
يسلم
07/02/2015, 10:58 PM
المحل العنوان الدمام الخضريه ثاني دخله بعد ترايستار رقم الجوال 0533886008 يوجد لدينا اصلاح ABS جميع انوع سيرات
يسلم
07/02/2015, 11:01 PM
المحل العنوان الدمام الخضريه ثاني دخله بعد ترايستار مقابل ورشة محمد جاسم