المساعد الشخصي الرقمي

مشاهدة النسخة كاملة : قلص


الخبير
26/02/2002, 05:03 PM
السلام عليكم ورحمة الله وبركاته
يا شباب مثل ما قريتوا في الموضوع انا ودي بقلص حجم كبير و الله طوله حول 2 متر رحت للمواهب قالوا لي 3000 ريال
ما ادري تخبرون لي احد ثاني يضبط القلص ، سمعت ان فيه ورشه يقال لها الربيعان تكفون إلي يعرف وينها يعلمني تكفون
راعي كيف
27/02/2002, 01:19 AM
عندنا بالرس موجود أنواع من القلص كبير وصغير حديد وفيبر وأنواع متعددة
إذاجزمت قلي أحطلك الصور والسعر على مأضن حول السعر المذكور
الخبير
27/02/2002, 05:49 PM
ما تقصر يا راعي الكيف
لكن يا الحبيب ودي بواحد في الرياض ترى القصيم بعيد
الشقردي
05/03/2002, 09:41 AM
أمس مريت مع الدائري الشرقي في الرياض وشفت كم من قلص معروض في براحة
وعليها لوحات محل حدادة فيها ارقام شكلهم يفصلون لكن استفسر منهم احسن

الوصف كالآتي:

اذا مشيت مع الدائري الشرقي ووجهك جنوب يجيك مخرج 16 اطلع معه ووقف عند الاشارة الحمراء واذا فتحة رح طوالي تلقاهم في البراحه اللي على اليمين

استلمت ياخوي
اخو نورة
05/03/2002, 10:39 AM
السلام عليكم ورحمة الله


فيه ورشة بصناعية الرياض تفصل اسمها السواط

وموقعها شف سلمك الله وانت جاي من سكة مجمع الانفاق الى حول سكة الحديد وكنك رايح للصناعيه ومتجه جنوب اطلع فوق الكبري الى يقطع طريق الامير سلمان باتجاه الجنوب ثمن تجيك اشارة القزازين بيصيرون على يدك اليمين لف مع الاشارة يمين يصير وجهك يصير شرق امش سيدا لين تجيك اول اشاره وقف عندها اذا كانت حمراء ثمن لين تعديتها بشوي تفطن لليمين درب الغانمين بتلقى سلمك الله لوحه المحل معلقه فوق وبتلقى وايتات قلص عند بابه ويمكن تلقى عند بابه قلص تحميل بس 100 % انه يفصل لو تبي تقلص بيتكم سواه قلص

والسلام عليكم
المواكب
24/11/2006, 02:52 AM
عندي راي يالخبير انا من عنيزة والزملاء كل خميس وجمعة يجي من الريال لعنيزة وشرايك تشوف الصورة من راعي كيف من الرس انا متعامل مع مصنع الوادي بالرس والشغل زين مررررررره اذا شريت انا مستعد اوصله للرياض والله يحفظك اخوك المواكب عنيزة
نمر بن حثلين
24/11/2006, 01:18 PM
هههههه يا حليلك يا المواهب :p

الموضوع هذا من خمس سنين من وين طلعته 1
راع الصمان
24/11/2006, 02:57 PM
انفض الغبار عن القلص ترى له اربع سنين ماتحرك!!