الصيف جا وانا وراي سفر

[الحلطاني]

يا اخوان الصيف جا وانا وراي سفر وأبي اغير كفرات سيارتي الجيب ومحتار والله مدري وش اشتري
محتار بين
(برجستون , دنلوب, ميشلان ,يوكوهاما) مع ان جنط موتري 16 ومع العلم انا اطلع يم البر اروح يم مزرعتنا بين فتره وفتره .

يعني وش افضل كفر للبر وللزفلت ؟
ومشكوريييييييين .

[3bdul3ziz]

ميشلان 4x4 الافضل

[خالدعبدالعزيز]

والله الدنلوب ممتاز ممتاز بس مشكلته يفشل لقام يصورخوانت لاف ولا بتديور
افضل شي جربته
ولكن انا اشيد بالهنكوك الكوري مجرب ولين وادائها جدا ممتاز ورخيص والمجرب معروف بالنسبه للكثيرين
اسال مجرب ولا تسال طبيب حتى نقشاته حلوه والله يدبرك على الصالح

[ناصر الدهمشي]

انا حاط التويو منتازه
والبرجستون افضل الكفرات

[خيام الندم]

السلام عليكم ... لازم توضح مقاس جنطك نحيف ولا عريض 6 انش ولا 8 انش لأجل نفيدك بالأفضل
وياخالد بن عبدالعزيز أنا أشوف إن صوت الكفرات والجيب يديور مايفشل بالعكس تفتخر معك جيب وصوت الكفرات حركه حلوه وميزه بالدنلوب ومتعه الصوت الجميل .. أنا بانسبه لي أقدر صوت الجيب إذا ديور ويشوقني
. تحياتي

[G X R 94]

اخوي نصيحة مني لاتعدى اليوكوهاما لان الدنلوب استعملته وهو ثقيل في النفود والشعبان لو تنسم الكفر ل20 لكن اليوكوهاما له معي سنه ونص ولله الحمد الشعيب والنفود ادخل على 30 وصبور احسن من اي شي ثاني والله يجزى اهل المنتدى با الخير هم نصحوني فية وانت منت خسران جرب

[الحلطاني]

مشكوريين وبيض الله وجيهكم .

[.أبوعبدالرحمن]

لا تبعد عن الدنلوب والصراحة كفر مايحتاج صبور ويتحمل لكن خذه من وكالته بن زقر لانه فيه تجاري وفيه اصلي والاصلي وكيله بن زقر

[مواسي الطعوس]

انا حاط التويو منتازه
والبرجستون افضل الكفرات
* البرجستون ممتاز اذا كان مقاسه 275 العرض ( اللي جاء مع السفاري 2002 وفوق ) لكن اللي مقاسه 265 قاسي مره يفكك الموتر ( اللي مع السفاري 98م حتى 2001م ) عموما لكل كفر مميزات وعيوب انظر اكثر استخدامك وين وانت خصيم نفسك

[المميـز]

انا جربت الدانلوب على الباترول ومانفع معي ابد ابد ابد ياااااااابس وله صوت

أما الفايرستووووووون لا يعلى عليه كفر ناعم وهادي ولا يعرف المطب

وأول ماتركبه تبي تحس فرق الطاره تبي تخف معك بشكل مو طبيعي

عليك بمقاس 275/70

واذا انت ماشاء الله كاش لا يردك الا الميشلان