حرارة شفر تاهو 2007

[فرحان 01]

يالربع ابى شوركم بخصوص حرارة التاهو جديد وحرارته نص ودي أخفضها لاني والله ماعرف اسافر ولا اقنص والحرارة نص وشرايكم يالربع وعساكم سالمين دايم :d

[saad8794]

اللي عنده تاهو ياشباب يرد

[فني الشروكيات]

النص هذا هو الطبيعي حق موترك، خله على ماهو عليه وسافرر للي ودك..

تروح وترجع بالسلامة..


والله يبارك لك فيه...

[لن أمل من العطاء]

حياك الله اخوي

بالنسبة لحرارة هل هي ثابته ام تتحرك كثيرا
يعني في الظهر والمكيف شغال وانت واقف يسخن او طبيعي لا يتغير

اذا لا يتغير وهذا هو الواضح لي فهذا الوضع طبيعي جدا جدا
انصحك بالتالي
انك تغير بلف الحرارة الى درجة حرارة اقل من الموجود فيه واعتقد انك ستجد صعوبه في وجوده
او تترك السيارة على حالها

والافضل جدا لك انك تترك السيارة مثل ما هي

لماذا

لان معظم السيارات الجديده التي محركاتها مصنوعه من الالمونيوم
معروف ان الالمونيوم يتاثر بسرعه كبيره بالحرارة والبروده فاذا نزلت البلف يصير ينزل الحرارة كثير ويطلع بسرعه ولكنه لا يتعدى النصف ابدا
الطلوع والنزول في الحرارة يؤثر على المعدن ويؤثر على ثلاجة المحرك المصنوعه من البلاستيك
والمحرك مبرمج على ان يعطي ماعنده في درجة حرارة 79 درجة مئويه تقريبا فاذا واد او نقص لا يعطي القوة المطلوبه


شاكرا لك سعة صدرك

تذكر ان السيارة جديده صرف الله عنك شرها


اخوك

لن امل من العطاء

[ابوعقل]

الحراراه طبيعي

كان عندي جمس مديل 98

الحراره على النص

والحين جمس 2006

حجم المكينه 6000cc

نفس حجم مكينة التاهو

والحراره على النص

طبيعي

لا تلعب بموترك

وكلام لن امل من العطاء مظبوط

[غضنفر]

الامريكي هذي حراراته
موترك باذن الله سليم رح وسافر واقنص ما عندك مشكلة

[الأسمري 2009]

عندي يوكون 2004 نفس الوضع وقالولي هاذي هية حرارتة الطبيعية

[ابوغلاب]

تاكد من الاخوان اللى معهم نفس الموتر او اسال الوكالة وان شاء الله مافيه شي


تقبل تحياتي

[Magellan]

حرارة النص طبيعية ...
مكيف أو بدون
سواء في المربعانية أو في جمرة القيظ
وماعليه الموتر ،لأنها هي الحرارة الحقيقية ،
أنا بالنسبة لي أعتقد أن مؤشر الحرارة في السيارات الأخرى غير حقيقي،
ركبت في أحد السيارات في عز الحر ودرجة الحرارة تشير على C أو أكثر بقليل يعني 40 درجة فقلت الجو الخارجي وعلى الإسفلت يتجاوز 55 درجة أضف أن المكينة وهو مصنع الإنفجار تتجاوز حرارتها 350 درجة ..
فصدقني أنا لا أقتنع كثيرا بدرجات الحرارة لكثير من السيارات والدليل إتركها واقفة لمدة دقيقة ترتفع إلى 100 فبالله كيف نصدق مثل هذه المؤشرات وما وضعت إلى لإستغفال المستهلك بها ...

إن كان ولابد فأعتقد بإمكانك برمجة المراوح تشتغل على الثلث إذا كانت كهربائية ..طبعت البرمجة بالكمبيوتر

[ابوعبدالهادي]

أنتبة لاتغير شي الحرارة لو نزلت عن النص تخبط المكينة هي مصممة كذا للمحافضة على المكينة والابأمكان المصنع يترك الحارة على الربع أو أقل 00

[مخ مصدي]

السلام عليكم ورحمة الله وبركاته




انا توني شاري تاهو ال تي زد موديل 2011 ماشي 6 الاف كيلو بس

لاحظت ان الحرارة متعدية النص بشرطتين ووديتها الوكاله والحين هي بالوكاله لها 8 ايام

اخر ما كلمت المسؤول قال انهم فحصوها من والى ومافي السياره شي كل شي طبيعي ..

طبعا الحرارة متعدية النص بشرطتين وثابته سواء واقفه او ماشيه بمكيف او بدون ...

وش الراي >>> هي طبيعي ولا مشكله

علما ان عندي قبله دينالي الحرارة على النص حتى ووانا واقف بمكيف لاكثر من نص ساعه ...

[ابو هاجسس]

أعتقد كل السيارات الامريكيه حرارتها على النص

عندي شيروكي ثابت على النص .

[Abo_Faisal_506]

اليوكن والتاهو والسبوبان كلها ثابته على النص واذا مع مكيف وداعس ترتفع شوي
اما النص هذي حرارته

[محسن اليامي]

انا موتري سوبرمان ٢٠١١ مطلعه من الوكاله حرارته النص

لا تحرك شي هو كذا طبيعي

[ابونبيل]

الطبيعي بالجموس انها تكون بالنص

[ذيب زلفاوي]

نصيحه لا تلعب بالموتر هو مصمم على كذا واكيد انه افضل للموتر من ناحية العزم وطول العمر


اكشت وسافر وانت متطمن

[مخ مصدي]

ذيب زلفاوي اشوووه النمبر

[sgl2002]

هذي حرارة الامريكي

[الهواء نسري]

نعم انا معي تاهو 2008 تاصل النص وتعتبر طبيعيه

[فكوني]

اخواني الامركي كذا النص دائما بس اذا طلعت فيه الكرى العقبه يرتفع فوق النص بربع ومشغل المكيف واذا استويت فوووق رجع نص ..وشكرا

[الكابتن]

ههههههههههههههههههه
الموضوع ياخوان له 5 سنوات