المساعد الشخصي الرقمي

مشاهدة النسخة كاملة : كم سؤال لأصحاب الفورتشنر ..... Fortuner


Farqd
03/05/2008, 01:13 AM
السلام عليكم

تحية طيبة

كم سؤال على الطاير


فيه طقه في القير التوماتيك صوتها مرتفع قليلا بين P و R

هل هي لديكم طبيعية ؟

يعني الصوت واحد بين جميع التغيرات ( العادي للدي )

======

فيه رائحة كريهة - زيت - عند تشغيل المكيف للمرة الاولى

مدة دقيقة ثم يعود الوضع طبيعي

==========

هل فيه تنجيده جاهزة وعند من وبكم ؟

========

هل تنصحوني بالاستمرار بالفحص عند الوكالة 5000 و 10000 و..........

والا غالين بدون سنع ؟ كلها تغيير زيت وانت ماشي ؟؟

==============







تحية شكر لما منحتني من وقتك لقراءة اسئلتي

وتحية شكر وتقدير واجلال اذا اجبت على احدها
راعي شقراء
03/05/2008, 02:27 PM
مبرووووووووووووووووووووك
الله يطعمك من خيره ويكفيك شره
ليس عندي اجابات دخلت للمباركة
صبي غلباء
03/05/2008, 05:38 PM
بعد السلام
الف مبروك ان شاء الله الموتر والله يعطيك من خيره ويكفيك شره
انا اللي معي سته سرندل فل كامل 2006 فاكه وكاله
بالنسبه للمكيف عادي هذي فتره وتروح الموتر جديد
الصوت اللي تقول ما عمري لاحظت شي زي كذا لكن يفيدونك الشباب اكثر وان شاء الله خير
له تجهيزات كثيره عند العليان او السماعيل بالغرابي
تغير الزيت انا ماشي موتري الحين 70000 لكن ماعمره لمس فيه فني مسمار الا الوكاله لاني ما ادقق بالاسعار كثير لانهم يكشفون على كل شيوي ويغيرون القطع على العمر الافتراضي للموتر الله واكبر خله خساره من ظمن هالخساير لكن ادق سلف وانا مرتاح وعلى فكره التغير كل 5000
ومبروك ان شاء الله مره ثانيه الموتر
وحقيقه انه موتر يبيض الوجه
.أبوعبدالرحمن
03/05/2008, 06:26 PM
اعتقد الطقة من التروس


لانه مما يبدو لي انك اذا اوقفت السيارة على طول من D الى P وهذا اعتقد انه خطأ


لانه من الافضل انك اذا اوقفت السيارة من D الى N ثم اسحب الجلنط وبعدين P


واعتقد اذا نفذت هذا يرووح الصوت مباشرة جرب وسترى النتيجة مرضية ان شاء الله



وهذا والله اعلم صوت ترووس القير
Farqd
03/05/2008, 08:01 PM
راعي شقراء (http://www.mekshat.com/vb/member.php?u=2952)
بكاتشو (http://www.mekshat.com/vb/member.php?u=26716)
ابوعبدالرحمن الصفيّان (http://www.mekshat.com/vb/member.php?u=36760)


شكرا على ردودكم وتجاوبكم
والله يطرح فيه البركة
مخاوي الكشات
04/05/2008, 02:08 AM
مبرووك الجيب بس وش لونه ؟؟؟

وبعدين 6سلندر ولا أربعة
صقر الفهدة
04/05/2008, 10:42 AM
الله يعطيك خيرها ويكفيك شرّها.
السيّارة كم صار لها معك؟
فلتر زيت القير متى آخر مرة غيرته.
بن نويشر
04/05/2008, 12:05 PM
السلام عليكم ورحمة الله وبركاته .

سيارتي أربعة سلندر ، والحقيقة ما عندي من هالي تقوله أبداً ولله الحمد والمنه غير لمبة Airbag مولعة لها كم شهر !! يمكن إنك حريص شوي والظاهر لي ذلك ..

وبخصوص التشييك عند الوكالة ،، فعلى قولت القايل عساك على القوة وترى ما عندهم إلا الشفط وبس . ونصيحتي لك شيك كل 100000كم أحسن . هذا في حال إن كانت رجلك خفيفة على الموتر . وكذلك بالنسبة للزيت فأنا كنت أغيره عند 5000 مع السيفون ، ولاحظت أن الزبت نظيف !! يعني ما أحترق قلت راح أجرب التغيير عند 10000 ،، ليش لا ، وخصوصاً بعد إرتفاع أسعار الزيوت (خلنا نحلل الزيت صح) .
وعسى الله يوفقك ويبارك لك في السيارة ويعطيك من خيرها ويكفيك شرها .
وأي سؤال عن تجهيزات البر مستعدين وجاهزين.
alkongrs
04/05/2008, 09:40 PM
اعتقد الطقة من التروس


لانه مما يبدو لي انك اذا اوقفت السيارة على طول من D الى P وهذا اعتقد انه خطأ


لانه من الافضل انك اذا اوقفت السيارة من D الى N ثم اسحب الجلنط وبعدين P


واعتقد اذا نفذت هذا يرووح الصوت مباشرة جرب وسترى النتيجة مرضية ان شاء الله



وهذا والله اعلم صوت ترووس القير



كلااااااااااااااام اخوي ابو عبد الرحمن :good: 100% واذا جيت تمشي تحط pالىnثم تنزل الجلنط وتحطه على Dواستر على ماوجهت

والله يطعمك من خيروه ويكفيك شروه
وانا على ما سمعت ان الوكاله مره انت تدفع ومره هم مجاني يمكن صح ويمكن لااااااا