المساعد الشخصي الرقمي

مشاهدة النسخة كاملة : غسل المكينة بالماء بعد الغبار ؟؟


خالد77
30/04/2008, 11:35 PM
السلام عليكم ورحمة الله وبركاته



السالفة باختصار : سيارتي الجكس آر 2003 بعد الغبار المرعب لقيت فوق المحركات غبار كثيف بعد فتح الكبوت لأن الصاجة السفلى سقطت أيام الشتاء وأتوقع هذا مدخل للغبار المهم بعد هدوء الغبار خشيت الضرر على المحرك وخاصة البخاخات فسرت بهدوء إلى البنشري ونفخت الغبار لكن ماش الهواء خفيف فرحت للبيت وفتحت الكبوت ورشيت بالماء الخفيف حتى يسقط الغبار وكان هذا بعد العِشاء وقلت في نفسي للأسف ماعندي هواء لذلك أتركها حتى تنشف وبكره الصباح أسافر للمجمعة

فما رأيكم ؟؟ هل جبت العيد ؟؟ أو فعلي سديد ؟؟
ناصر العدواني
30/04/2008, 11:56 PM
الأخ العزيز خالد
أنا لا أنصح بغسيل المحرك بالماء
ولكن بإمكانك غسيله بالديزل أو القاز (الكيروسين) أو البنزين عند البنشري
لأنها مواد بتروليه تجف بسرعه مع العلم بأن لها أيضاً تأثير
مع كثرة الغسيل تتيبس الليات والأسلاك وبعد كذا تكون عرضه للخراب
أما الماء فهو أبو المشاكل للمكينه
لو يوصل لقطعه كهربائيه أو حساس إلكتروني يلذع على طول
وهذا من تجربتي
مره وديت سيارتي الفورد الله يذكرها بالخير(لأنها أنباعت) غسل المكينه بالمويه
وأنا قلت له بالديزل
وبعد كذا لذع عندي سبع كويلات وكلفتني بين فحص كمبيوتر وتغيير الكويلات
مايزيد عن 1300ريال
ولكن إحذر أن تشغل السياره حتى تجف
وإن شاء الله ماتكون أثرت على السياره
ممكن يختلف اللاندكروزر عن الفورد
والله أعلم
الله يعطيك خيره ويكفيك شره ولا تلاقي الا اللي يسر خاطرك
ويرزقنا بالأمطار اللي تشيل الغبار وتسر الأنظار
ابوعقل
01/05/2008, 12:57 AM
ان شاء الله انك ماجبت العيد

بس مره ثانيه استعمل الهواء

بس بدون ماء
alajmi100
01/05/2008, 01:02 AM
لا انصح بغسيل المحرك ابدا واذا كان ولابد فهناك خطوات مهمه
1-لاتغسل المحرك وانت تحتاج السياره يعني دور فتره انت متأكد انك ماراح تحتاج السياره حتى يجف المحرك بالكامل
2-يمكن يكون اهم من الأول وه فك اصابع البطاريه ولا تركبها إلا بعد جفاف المحرك بالكامل
3-تأكد قبل الغسل بالماء انه جميع الأسلاك مركبه صح يعني لازم يكون السلك مضغوط حيل






لملذا لا أنصح بغسيل المحرك ؟ لأنه المكينه صممت لأن تكون جميع الوصلات مغطاه عن الغبا ر ولأن الغبار لايتسرب إلى داخل الوصلات بعكس الماء
هذا والله اعلم
Magellan
01/05/2008, 03:02 AM
طبيعي يابن الحلال عليك بالعافية
ولله الحمد رح لأي مغسلة بستم مشهورة مايغسلون إلا بموية وصابون بعد
أنا أغسل سيارتي عند الذيابي بشمال الرياض ودايم اشوف أغلبهم يغسلون بستم بماء وصابون ولاقد ولله الحمد تيبست الأسلاك والمواصير معهم
خالد77
01/05/2008, 05:12 AM
أشكر الجميع على إفادتي والحمدلله بعد ماصليت الفجر شغلت الجيب والحمدلله لم ألاحظ إلا صوت خفيف جدا مثل لذعة الكهرب وتكرر 3 أو 4 مرات وراح والحمدلله وجزاكم الله خير
ناصر العدواني
01/05/2008, 10:46 AM
الحمد لله
الله يعطيك الصحه والعافيه
فكرة الأخوان عن فصل البطاريه
وترك السياره حتى تجف جيده