داخ راسي من مكيف الهايلوكس وش الحـــــــــــــــــــــل تكفون ؟؟؟؟؟؟؟؟؟؟

[مرسال الوسطى]

موتري هايلوكس 2005 إذاجاء الصيف ومسكت خط تبريده مايحتاج
وإذا هديت لزحمه أوعند إشاره يقوم المكيف يطلع هواء حار ثم يقوم التماتيك حق المكيف يفصل ويشتغل ويطلع هواء حار حق المروحه .
صراحه دوخني !!!!! وش الحل :confused: :confused: :confused: :confused:

[P.R.P]

الحل

إنك تمر أقرب صناعية عندكم

وخلاص هذا هو الحل

[مرسال الوسطى]

مريت مانفع كل يخرط علي $$$
هل اروح للوكالة !!!!! خاف يلعبون علي؟؟؟؟
هل فيه ورشة جيده حقت نبريد ممتازة؟؟؟ منطقة الرياض

[P.R.P]

شف لو تمر لك كم محل بالصناعيه
وتخلي كل واحد يكشف على المكيف

وبعدين اذا عرفت المشكله صح وتم تحديدها

وده لمحل زينه او للوكاله

[ابن بدران]

السلام عليكم
الظاهر اخوي البلاء من بلف المكيف اللي يشبك المكيف ويفصله
بدليل إنك اذا دعست على البنزين المكيف بارد واذا تركته يحتر
مر أقرب كهربائي وقله يفحصه لك وبالمرة يتأكد من الفريون
والله يكون بعونك

[ناوي نيه]

يمكن الفريون نااااقص
انا اعرف واحد خذ هايلكس2008 ماله ثلاث ايام ماخذه اذا وقف مايبرد

[ابوفهيدان]

الكمبريسور ولاتدور غير هالعله
دامك لاوقفت صار حار واذا مشيت برد
مايبيلها تفكير الكمبريسور ضعيييييييييييف ضغطه