المساعد الشخصي الرقمي

مشاهدة النسخة كاملة : يـاجـمــاعــة الخــيــر دبـــرون (( قــضــت دراهــمـــي ))


مـاجـد الحـمـيـد
27/03/2008, 12:30 PM
احبتي الكرام .......


بدايتا كلي فخرا واعتزازا بانظمامي اليكم هنا ....


واتمنا ان اكون احد الاعضاء الفاعلين في منتداكم الغالي منتدى الجمييع (( منتدى مكشات )) ..


المهم ..... مالكم بالطواله ...


انا رجالن معي هيلوكس ومركب عليها شد ( شد ابو جنحان )) وماأخفيكم قضت دراهمي من شراء اللمبات للأجنحة ولا لقيت اللمبات اللي يصبرن ...


كشته ولا كشتتين والقاهن طايحات بالصندوق ...


جربت النجفات وجربت اللي لهن سنه ....


برضه جربت لمبات على المحول ولمبات على البطاريه يعني جربت (( 220 / 12 ) فولت


باختصااااااااار .. طقت سبدي ...


واللي منكم يعرف نوعيه معينه تركب بالجنحان وتصبر لايبخل علي تكفوووووووون ...


ترى مستودع بيتنا امتلا من اللمبات الخربانه ...


(( الله والعالم آخر المطاف ابشحد بالمساجد كله من هاللمبات )) ...


تحياتي لكل من مر من هنا ......



عشان تصيرون بالصوره ... هذي صورة سيارتي ....


والمعذره هي الصوره المتوفره لدي اآن وممكن اضافه صور فيما بعد ....



http://www.mekshat.com/vb/http://www.filaty.com/ithumb/803/dd42877.DSC00465.JPG (http://www.filaty.com/i/803/dd42877.DSC00465.JPG)


http://www.filaty.com/ithumb/803/dd42877.DSC00465.JPG
F B I
27/03/2008, 02:09 PM
مساء الخير اخوي با النسبة للمبات اسئل اللي عملك الشد او رح للسنيدي اكيد بتلقى لمبات اصلية وترتاح مره وحدة والله يوفقك
عاشق السيل
27/03/2008, 02:20 PM
أخوي رجل الميدان ،،

حياك يالغالي بين أهلك واخوانك ،،

أول شي الصورة ماطلعت !!

ثاني شي أنا فهمت منك إن اللمبة مشكلتها الوحيدة إنها تطيح بصندوق الموتر وتخرب ،، يعني القضية كيف تلقى لمبة تثبت بالقاعدة ؟؟!! صح وإلا أنا غلطان ؟؟!!!!

إذا كنت فهمتك صح فالحل الوحيد إنك تفكك اللمبات وتحطهن في جراب خاص لهن وبعيد عن الضربات والصدمات اللي ممكن تكسرهن او تخربهن ،، وإذا طلعت مع ربعك ورفعت الجنحان ركب اللمبات كل وحدة في مكانها (( حسب حاجتك )) وبعدين فلها مع ربعك وإذا قضيت وقبل تصك الجنحان فك اللمبات ورجعهن لجرابهن ،، وبكذا انتهت المشكلة ،،

وعلشان ماأنسى أنصحك تشتري اللمبات الألمانية ( نجفات بيض ) لأنهن الأقوى والأصبر والأقل صرفية من غيرهن ،،

هذا اللي عندي وأتمنى أكون فهمتك وأفدتك وتقبل مروري يالغالي ....
جزاء الشمري
27/03/2008, 02:26 PM
الله يعينك .
مـاجـد الحـمـيـد
27/03/2008, 03:35 PM
مساء الخير اخوي با النسبة للمبات اسئل اللي عملك الشد او رح للسنيدي اكيد بتلقى لمبات اصلية وترتاح مره وحدة والله يوفقك





اخوي f b i

ياهلا بك ياغالي ....

المشكل اني مركب الشد بالرس عند مصنع الوادي .... والوادي مصنع حديد فقط ماعنده لمبات ...

لكن السنيدي مابعد جيته والله .... لكن لعلي امره واشوف ...

شكرا لحضورك ياغالي ...

تحياتي \ \
مـاجـد الحـمـيـد
27/03/2008, 03:40 PM
أخوي رجل الميدان ،،

حياك يالغالي بين أهلك واخوانك ،،

أول شي الصورة ماطلعت !!

ثاني شي أنا فهمت منك إن اللمبة مشكلتها الوحيدة إنها تطيح بصندوق الموتر وتخرب ،، يعني القضية كيف تلقى لمبة تثبت بالقاعدة ؟؟!! صح وإلا أنا غلطان ؟؟!!!!

إذا كنت فهمتك صح فالحل الوحيد إنك تفكك اللمبات وتحطهن في جراب خاص لهن وبعيد عن الضربات والصدمات اللي ممكن تكسرهن او تخربهن ،، وإذا طلعت مع ربعك ورفعت الجنحان ركب اللمبات كل وحدة في مكانها (( حسب حاجتك )) وبعدين فلها مع ربعك وإذا قضيت وقبل تصك الجنحان فك اللمبات ورجعهن لجرابهن ،، وبكذا انتهت المشكلة ،،

وعلشان ماأنسى أنصحك تشتري اللمبات الألمانية ( نجفات بيض ) لأنهن الأقوى والأصبر والأقل صرفية من غيرهن ،،

هذا اللي عندي وأتمنى أكون فهمتك وأفدتك وتقبل مروري يالغالي ....




اخوي عاشق السيل


حياك الله طال عمرك ... وابرك الساعات وانا اخوك


عزالله انك فهمته وهي طايره ..... ماشاء الله عليك ...


نعم ياغالي .... المشكله تكمن في عدم ثبات اللمبات وسرعة سقوطهن ... حتى لو امسك مسحية الجراد ..


لكن انا فهمت طريقتك وهي تبين احط بالجناح قاعدة فقط .... واللمبات يصيرن معي ورى المرتبه ... وابدى افكهن واركبهن عند الحاجه ...


والله هذا حل .. مع اني مااخفيك ... انا مااحب الزعبله ... يعني احب اركب اللمبه وعلى هالتركيب مااقعد افك واركب كل مره ...


لكن تجري الرياح بما لاتشتهي السفن ....


شكرا كل الشكر اخي عاشق السيل ... على مداخلتك ومشورتك الغالية ياغالي ....


تقبل الحب والتقدير ...
مـاجـد الحـمـيـد
27/03/2008, 03:44 PM
الله يعينك .




برق الوسم ...

حياك الله يابعد روحي .... والله يعين الجميع

شكرا لاطلالتك

تحياتي لشخصك الكريم ...
عاشق السيل
28/03/2008, 10:38 AM
أخوي رجل الميدان ،،

أولا لازم تكون اسم على مسمى !!!
ثانيا لاتصير عجاز ترى الشغلة سهلة جدا وماتكلف شي ،، أنا عندي عقد لمبات طوله 10 متر وفيه ثلاث لمبات نجفات ألمانية وإذا احتجته أثبت الأعمدة وأمد السلك من البطارية وامشيه على الأعمدة وبعدين ((( أركب اللمبات ))) كل وحدة في مكانها وأشغلهن وتمام التمام وإذا قضيت أفك اللمبات وأحطهن بالجراب وبعدين أفك السلك وأحطه معهن بالجراب وبعدين أشيل الأعمدة وأحطهن بجرابهن الخاص ويادار مادخلك شر !!

وترى متعة البر بالفك والتركيب والحركة المستمرة وأنا أخوك ،،،

تقبل تحياتي وكثرة القرقر مال أنا !!!!!
Ry905
28/03/2008, 10:43 AM
اهلا بك في مكشات ..
مـاجـد الحـمـيـد
28/03/2008, 11:12 AM
عاشق السيل ... هههههههه

يابعدي والله .... صدق حسيت اني عجاز .... الله يرضى عليك

لا بعد انا المسأله سهله بالنسبة لي حيث انني يمكن تثبيت القواعد بالجناح مباشره ...

عموما كثر خيرك ياغالي ...

تحياتي وشكري لشخصك الكريم ...
مـاجـد الحـمـيـد
28/03/2008, 11:15 AM
اهلا بك في مكشات ..





حياك الله ياغالي ........... المهلي مايولي وانااخوك

والشرف لي طال عمرك بهذا الانظمام ... وان شاء الله اقدر استفيد وافيد ....

شكرا لحضورك .... تحياتي ...
الربذي
28/03/2008, 01:55 PM
السلام عليكم طبعا انت ماتطلع كل ليله يمكت كل اسبوعين او ثلاث او اسبوعيا وش ضرك لو فكيتهم وجربتهن بجرابهن لاتصير عجاز اخبر حقين البر ذيابه دايم تهرول http://www.filaty.com/ithumb/803/dd42877.DSC00465.JPG
وبعدين شف صورة سيارتك وحطبانك ومستغرب انها تتكسر طبعا اكيد تبي تتكسر من الصك والفتح 00
عاشق السيل
29/03/2008, 01:07 PM
أخوي الغالي رجل الميدان ،،

( فضلا لا أمرا ) تكفى وأنا أخوك طلب صغير ،،،، نزل الصورة مرة ثانية تراي متحمس أشوف سيارتك الله لايهينك ،،،


وتقبل تحياتي .........
ذيب صعافيق
29/03/2008, 01:31 PM
فيه للنبات مخصصه للأستعمال العنيف --عليهاغطا قزاز وعلى الغطا شبك أسئل عنه بالغرابي شارع ادوات الكهرب
الساهر2003
29/03/2008, 02:03 PM
اخوي للمعلومية اللنمبات البيض لا تتحمل الحركة وافضل لنمبات تتحمل هي
اللي تجي في النور العالي للاند او الكبوس الموجودة في النمبات المغناطيس وانا مجربها مثبت المغناطيس في الرفرف داخل الكبوت واطرد في البر واذا بغيت انور افتح الكبوت واشبكها
والشباب ما قصرو اعطوك الحل المناسب لهذه النوعية من اللنمبات وللمعلومية تراها مضرة بالصحة في حالة انكسارها لوجود الزئبق وهو مضر بالصحة والمخ والاعصاب والحل انك باسرع وقت الابتعاد عن المكان لفتره 20 دقيقة ومن ثم التنظيف المكان
مع اطيب تحية للجميع
مـاجـد الحـمـيـد
29/03/2008, 03:18 PM
السلام عليكم طبعا انت ماتطلع كل ليله يمكت كل اسبوعين او ثلاث او اسبوعيا وش ضرك لو فكيتهم وجربتهن بجرابهن لاتصير عجاز اخبر حقين البر ذيابه دايم تهرول http://www.filaty.com/ithumb/803/dd42877.DSC00465.JPG
وبعدين شف صورة سيارتك وحطبانك ومستغرب انها تتكسر طبعا اكيد تبي تتكسر من الصك والفتح 00




الربذي / /

ياهلابك ياغالي .... وياهلا بحضورك ....

والله يانور العين كلامك ماعليه غبار لكن ودك الواحد يصير شغله جاهز في اي وقت ... ولا المسأله ماهي مسأله عجز اطلاقا ...

وبالنسبة للطلعات مااخفيك .... تكاد تكون بصفه يوميه .... عشان كذا ابي شيء يركب وعلى هالركبه ...

لكن يبدو اني مالي الى افك واركب مثل ماقالو الاخوان ..

وبالنسبة للحطب هذا شيء عابر ... هههههههه .... يعني مره بالسنه ....


شكرا لحضورك وتواصلك الغالي ياغالي ...

تحياتي وتقديري ...
مـاجـد الحـمـيـد
29/03/2008, 03:25 PM
أخوي الغالي رجل الميدان ،،

( فضلا لا أمرا ) تكفى وأنا أخوك طلب صغير ،،،، نزل الصورة مرة ثانية تراي متحمس أشوف سيارتك الله لايهينك ،،،


وتقبل تحياتي .........



عاشق السيل ...

حياك الله من جديد ....... وابشر طال عمرك ..... غالي والطلب رخيص ..

http://www.mekshat.com/pix/upload02/images65/mk76707_mj2.jpg



اللمبات الموجوده امامك ركبتهن شهرين وبعدين خربن .... لكن اللي فهمت منك انك تبين اركب مثلهن لكن اخلي اللمبات ورى المرتبه وافك واركب عند الحاجه ...

شكرا لك ... وتعبتك معي ياطير حوراااااان

تحياتي وتقديري ...
مـاجـد الحـمـيـد
29/03/2008, 03:27 PM
فيه للنبات مخصصه للأستعمال العنيف --عليهاغطا قزاز وعلى الغطا شبك أسئل عنه بالغرابي شارع ادوات الكهرب




ذيب صعافيق ...

استعمال عنيف !!!!!!!!!!!!!! :no: وش قصدك ؟؟؟ هههه

ياهلا بك ياذيب صعافيق .... وابرك الساعه وجودك هنا ...

واللمبات اللي تقصد عرفتها وصدقت فهي شديدة التحمل وممتازه ......



شكرا لاطلالتك ...

تقبل الحب والتقدير ..
مـاجـد الحـمـيـد
29/03/2008, 03:31 PM
اخوي للمعلومية اللنمبات البيض لا تتحمل الحركة وافضل لنمبات تتحمل هي
اللي تجي في النور العالي للاند او الكبوس الموجودة في النمبات المغناطيس وانا مجربها مثبت المغناطيس في الرفرف داخل الكبوت واطرد في البر واذا بغيت انور افتح الكبوت واشبكها
والشباب ما قصرو اعطوك الحل المناسب لهذه النوعية من اللنمبات وللمعلومية تراها مضرة بالصحة في حالة انكسارها لوجود الزئبق وهو مضر بالصحة والمخ والاعصاب والحل انك باسرع وقت الابتعاد عن المكان لفتره 20 دقيقة ومن ثم التنظيف المكان
مع اطيب تحية للجميع




الساهر 2003

ياسلام عليك ياغالي ......... معلومه جدا قيمه والصراحه جديده علي ...

الله يعطيك العافية ,,, لك شكري وامتناني ..
Y A S S E R
29/03/2008, 08:24 PM
****

كم كنت اتمنى ان تكتب موضوعك باللغه العربيه الفصحى وترك اللهجه القصيميه !!


==




بالنسبه لمشكلتك /
السنيدي أو الرمايه .,
عندهم اللمبه الاصليه .,
وخاصه الرمايه ,
ممتازه
مجربه



==



الى اللقاء





.,