أخواني أبي محلات خاصة بالفتحة أو عمال لهم في الفتحة

[AZOO9Z]

السلام عليكم

وش أخباركم عساكم طيبين ؟

أخواني أنا عندي موتري باث 2004 فيه الفتحة قبل كم يوم فتحت الغطاء حقها (القماش) بقوووة
و الجهة اليمنى طلعت من محلها و حاولت أعدلها أزينها يمين يسار بغيت أكسرها ولا طاعت تركب زين
و ما أدري وين أوديها له و أخاف لو وديتها ****** يخربها و يحوسها لي و أبلش ...

فالله يعافيكم الي منكم له علاقة بحقين الفتحات او يعرف أماكنهم يقولي عنه و أكون شاكر و ممنون.

تم تحرير الرد بواسطة المشرف

[لن أمل من العطاء]

طيب حبيبي حدد موقعك

[AZOO9Z]

هلا و مرحبا أخوي موقعي طول الله عمرك في شمال الرياض

و شكراً على سؤالك و الله يعافيك .

[لن أمل من العطاء]

الله يسلمك انا تخصصي في جده والغربية عموما الى الباحة الرياض ما ادري

ان شاء الله سكان الرياض يفيدونك
على فكره في جده شخص مختص في الفتحات اسمه حسن تنده
لن امل من العطاء

[AZOO9Z]

مشكور و ما تقصر أخوي و تعبتك معي

و الله يعين و ان شاء الله القى الي يفيدني و الله يعافيك

[نمر 33]

فيه ورش متخصص بالفتحة بالصناعية القديمة

وشكراً

[.أبوعبدالرحمن]

متـــابعـــ

[قبطان البحار]

الله يسلمك انا تخصصي في جده والغربية عموما الى الباحة الرياض ما ادري

ان شاء الله سكان الرياض يفيدونك
على فكره في جده شخص مختص في الفتحات اسمه حسن تنده
لن امل من العطاء



فين موقعه الله لا يهينك

[abu hlal]

ان كان لك جيه للشرقيه...عندك (مجموعه السلام) .ش-الملك سعود الدمام

متخصصين فتحات

[سيف الظفير]

رح للعليان في الغرابي يا الذيب

[AZOO9Z]

يعطيكم العافية و ما تقصرووون على تعاونكم.

[مقلع الرمث]

اخوي متابع انا عن اذنك اخوي نمر وين الورشه تقول بالصناعيه القديمه الاسم لو سمحت وباااي شارع ولو حصل الرقم بعد اكون شاكرلك

[الدحبول]

الله يهديك بقوة تليتها
ودها والواحد متخصص فتحات
او الوكالة اي عامل صيانة في الوكالة ممكن يصلح لك

[AZOO9Z]

مدري لقافة بس ان شاء الله تتسهل و الله يعافيك .

[الربذي]

الله يسلمك انا تخصصي في جده والغربية عموما الى الباحة الرياض ما ادري

ان شاء الله سكان الرياض يفيدونك
على فكره في جده شخص مختص في الفتحات اسمه حسن تنده
لن امل من العطاء
حسن تنده حلو هالاسم اكيد دامه تنده فهو متخصص بالفتحه لان التندة مايجيبه الا الفتحه !!! اما سوال اخوي فانا مثلك لكن رجعتها وللحين ماهي ناعمه زي اول بس عرفت وزنتها وتعودت عليها وامرها سهل انا احسبتها القزاز حق الفتحه لان ربعنا ماهو متعودين لتصليح الفتحات من البيبان وبس 0

[مكشات حبرص]

قيه ورشة جيدة في صناعية النسيم على طريق الي بين الصناعية من شرق وبين شبك الحرس وأنت متجه جنوب تجي على اليمين قبل ورش الحدادة متخصص في الفتحة وتنجيد وعلى فكرة 4 محلات جنب بعض وكلها وحدة

[AZOO9Z]

يا جعلك تسلم يا أخوي مكشات حبرص على المساعدة

و يعطيك الف الف الف عافية و ما تقصر .

[fusfus]

مرضاح اعتقد انه يعملها

[عاشق ابو نايف]

مثل ماقال اخوي رح للغرابي هناك محلات متخصصه

[بواردي الدلم]

انا سمعت ان السليماني يسويها واللي مافي موتره فتحه مثلي وشرواي يركبون له فتحه

بس والله انا ودي اركب فتحه وشايل هم القصقصه اللي يقولون ولا ادري هل هم بيضبطونها ولا ماعندهم سالفه

ولا ادري كم تكلف

معليش اخوي احس اني جعلت من موضوعك مستنقع اتطفل فيه ارجو المعذره

[AZOO9Z]

ههههه وش دعوة يا أخوي بواردي الدلم خذ راحتك

و الله يعافيكم أخواني على المسااعدة .

[ارتست]

أنا مركب فتحة عند السليماني ب4000 قبل 4 سنوات وماشية ولله الحمد زي الحلاوه ماشاء الله على فكتوريا
ضمانهم5 سنوات ويصلحون لك الفتحة لو رحت لهم طريق عثمان بن عفان عند قصور العويضة على خبري