وش الحل مع مفتاح السيكيورتي

[عاشق صيد]

السلام عليكم ورحمة الله

اليوم سيارتي كان فيها مشكلة ووديتها الميكانيكي وهي من نوع صني 2004 وأخونا في الله ضيع المفتاح وزي ما انتتوا عارفين ان المفتاح مبرمج يعني ما يشغل السيارة الا هو وللأسف ما عندي سبير الا سبير عادي يفتح الأبواب بس

الحين وش الراي ؟؟

فيه حل ولا لازم اودي السيارة على سحاب للشركة ولا وشلون

[عاشق الفكسار]

السلام عليكم
أتوقع مالك الا تتصل على الوكالة وهم يسنعونك..... وانك تحاسب راعي الورشه على المفتاح<<<واحد نذل
والاخوان بيفيدونك أكثر
وتقبل مروري ،،،،،،

[المناعي2]

أخي الحبيب بنسبة عندنا في قطر طلعت شركات تقوم ببرمجة المفاتيح التي توجد فيهاشفرة خاصة مادري أذا عندكم في السعودية ولا لاء والله يحل مشكلتك أنشالله........

[شروكي ربع]

تحتاج ان تشتري مفتاح من الوكالة وتبرمجه على السيارة ..


البرمج في الوكالة 100 او 150 ريال ..


اما المفتاح لا اعلم كم سعره , واذا اردت عندي مفتاح راسلني على الخاص للمفاوضة ..

[راعي البرقا]

المشكله هاذي حصلت لي و لعبت بأعصابي وأنا معي باترول 2003 ومن دون أي مقدمات ومن دون ما أستخدم مفتاح عادي مايشتغل يعني سلف والكويل مايوصل كهرب وبرمجت المفتاح 3 مرات ونفس المشكله و لا إرتحت إلا يوم فصلت السكيورتي و الله يعينك . وتقبل مروري

[آمري يا كامري]

والله على ماأعلم إن الشايقي عنده حل للمشكله على ماأقرء في الصحف والله يعينك

[عاشق صيد]

الله لا يهينكم ومشكورين على الردود جميعاً,,,

وابشركم المفتاح عقله الله ولقيه الميكانيكي

والظاهر اني لازم أسوي سبير تحسباً لمثل هذه الحالات مستقبلاً لا قدر الله