ماهي أفضل سياره للبر سواء للعائله ام للعزوبيه أرئكم هامه

[alhawy]

السلام عليكم ورحمة الله وبركاته


انا عن نفسي (vxr )للعائله و بعده( GX)هدد للي كثير طلعات والعزوبي (شاص) وبعده (هايلوكس)


المجال لكم اعضاء المنتدى الرائع

بالعربي تيوتا لادور غيره بالانجليزيTOYOTA

أخوكم (alhawy)

[مدمن فتك]

العايله فكس ار ثم هدد
العزب شاص (ابو شنب _ الذيب _ الشبح_ شيخ المواتر_ عمهم وحارق دمهم....الخ ......الى ام سدره)
تتعب وانت توصف هالموتر الجبار ..انا اشهد انه عز

[سهيل1]

للعائلة ...أكثر من (( خمسة أفراد ))
وتبغى تمشيهم .. بالبيت
قصدي ..كنهم بالبيت ... بسعة لا بارك الله بالضيق

ما لك إلا ..صالون جمس ... وخل معك ماطور هواء ونسم الكفرات وسابق الجيوب



.

[ابوسفرجل]

بالنسبه لي انا انصح بالونيت الهايلكس غماره وحده للعزوبي اما العائله اذا موب كثيرين عليك بالاند كروز لكن عيبه مايشيل عفش لذلك انصحك بالصالون السوبر مان من 2000 الى 2005

[راعي هوى]

الجمس وما ادراك ما الجمس للعائله
ال vxr اقل من 5 افراد
وتقبل مروري

[alhawy]

مشكور على الردود هناك أناس تحتار في اختيار السياره ربما للمميزت أو للتحمل أو للحجم
أنشاء الله الموضوع يفيد الكثير من المحتارين في اختيار السياره

[alkongrs]

للعزوبي شاص ثمين هلي غماره او يختار من الي بالتوقيع:)

اما العائله vtkنيسان او vx-r:)

[عاشق الفكسار]

انا أقول للعائله خصوصا لأكثر من 5 أشخاص الجمس



أما للعزوبية يا فكسار ولا هدد اذا كنت تطلع مع اخوياك واخوياك واجدين
اما اذا كنت تحب تطلع لحالك ولا تطلع مع ربعك بسيارتين فالشاص الشاص وغيره لاتدور

وتقبل مروري ،،،،،،،

[مربط القعاسي]

بسم الله الرحمن الرحيم
عني انا جربت هايلكس غمارة اخف نفس بس مايغنيك عن الدبل
الشاص مركب ورزه ويتحمل بس ياويلك على ضهرك مطب يكسر الضهر
النيسان الباث فندر حلو بس ابشر بالتراب داخل الغمارة والتفكك اسال مجرب
الهدد حلو حلو بس كبر على غير سنع وصرفيه بنزين
هايلكس 2006 الى 2008 راحه للي راكب قدام والى وراء الله يعينه بس هذي هي سيارتي ونا مرتاح عليه مررررررررررررة
تأخذني لحالي ومعقولة وتأخذ اهلي ومعقوله وصرفيه بنزين معقوله وخفت نفس في الخط يعني 160 براحة وفي البر كذالك خل عنك بس والله انا ضايعني من زمان