ارجوا المسااااعده

[مشهور001]

السلام عليكم ورحمة الله وبركاته

الاخوان الاعزاء عندي سياره vxr 2004 فيها شوي مشاكل ارجو من الله ثم منكم المساعده في حلها
1- السياره عند تشغيلها فيه صوت زرير وعند وضع رجلي اعزكم الله على الكلتش دوس بسيط يختفي الصوت حتى والسياره ماشيه بس اعتقد ان الصوت اقوا وهي ماشيه
2- عند تبديل التعشيق اسمع رجف وخاصه اذا رفعت رجلي بسرعه الا اذا سارقت رجلي بشويش ما اسمع صوت بس ان اللي وراي يتضايق ويدق بوري بيبني اوسع
3- السياره ما تقوم بالثاني وحتى لو قامت بالثاني كانها تبي تطفي يعني الا ان ادوس على البانزين لاكن تحس السياره بدون راحه مع العلم اني مغير البواجي والصفايه
4-ساعه الزيت مهي بمضبوطه على اللو عند تشغيل السياره وعند السرعات تختلف اذا اقل من 100 ممكن على الربع وتنزل فوق 120 وفي سفر لا ترتفع حول النص ويقال ان كل هذي الموديل مثلها مدري
5- وقفت مره ولقيت الموتر محكوك بمسمار من الجهتين وعملت تلميع ولا راح هل له حل مع ان فيه شي قوي وشي متوسط
ارجو ما اكون طولت عليكم والله يرحم والديكم

[al-ftal]

اخي مشهور 001 الله يعينك على صن وكلتش ودزق جديد

[بدوي جنوبي]

اخي مشهور 001 الله يعينك على صن وكلتش ودزق جديد

الله الله ما يبيلها كلام

[المحترف800]

هلا أخوي بالنسبه للنقطه الأولى أتوقع انه يبيله تغيير سيور...
شيك على السيور...

[مشهور001]

اليوم, 11:16 PM
al-ftal (http://www.mekshat.com/vb/member.php?u=61883)
بدوي جنوبي (http://www.mekshat.com/vb/member.php?u=32037)

اخواي اشكر لكما سرعة الرد عندي استفسار
الصحن والدزق والكلتش للصوت اقصد الزرير فقط ارجو التوضيح
هل الرجف بعد اللي اقصده انكم تبينون لي ولا عليكم امر.....الخ

اتمنى انكم تطولون بالكم علي

[سطام vip]

مثل ما قال اخونا شكل صحن الدزق والكلتش منتهي عندك بس قبل تغيره تأكد من وزنيه دعسه الكلتتش يمكن يبيله وزن

هذا بالنسبه للقومه الضعيفه

اما بالنسبه الزرير والله اعلم انه فحمت الكلتش

وفيه اشياء تسبب الرجف مثل كراسي القير اوكراسي المكينه تأكد منها





ما أقول الا الله يعينك ويسهل أمرك اخوي

[هويدي]

جابوها الربع كلتش كامل ( دزق وكلتش وفحمه ) بالنسبه للنقاط الثلاثه الاولى

وصوت الزرير عادي فحمه الكلتش اغلب سيارات التايوتا فيها ولا منه ضرر


2- عند تبديل التعشيق اسمع رجف وخاصه اذا رفعت رجلي بسرعه الا اذا سارقت رجلي بشويش ما اسمع صوت بس ان اللي وراي يتضايق ويدق بوري بيبني اوسع

ياليت توضح اكثر وشلون طقه ؟ او تقطيع ( فقعه ) متكرر من الشكمان اذا تركت الدعسه ؟

ان كانت طقه شيك على الصليب وان كانت زي الفقعات ( او التقطيع ) شيك على الشكمان يمكن فيه تهريب خفيف

وان شاء الله اصحاب الخبره مو مقصرين

[مشهور001]

سلام عليكم يا اخوان جميع اشكر مروركم وتفاعلكم

اللي اشوفه ان ارلبع كلهم اكدوا على الصحن والدزق والكلتش

اخوي سطام فعلا احس الرجفه بالقير او حول القير

الاخ هويدي صوت رجفه حتى اني جربت اليوم امشي بسرعة 50 كلم والسياره بالرابع وارفع رجلي شوي ثم وادوس لها وايضا اسمع صوت رجفه ماهي فرقعه اوتقطيع او صوت صليب لا وانا اخوك رجفه (دق قوي)

[alajmi100]

شف وانا اخوك اذا انك قومت الموتر بالثاني وصوت المكينه عالي وزين يعني ما فيه تفتفه ولا تقطيع بس الموتر ما فيه عزم فمثل ماقالوا الأخوان دزق وكلتش
بس اذا قومت بالثاني وصوت المكينه يتفتف او يقطع فشيك على الكهربا والبنزين
بالتسبه للطقه شيك على الكراسي
اذا المشوخ حقت المسمار ما لحقت الحديد ولا هي عميقه مره فروح لساكو تلقا عندهم محلول اسمه سكراش ريموفر(scratch remover )
والله يعينك

[ابو ربا]

إذا عزمه ضعيف بدون تفتفة الله يعينك مثل ما قالوا وإذا يتفتف غير أسلاك البواجي والصوت اللي تقول لا حطيت رجلك على الكلتش فهذا صوت الفحمة مثل ما قالوا الربع .. وإلا رح به لورشة أبو خالد الخضير _ طريق خب القبر - خضيراء .

[مشهور001]

شف وانا اخوك اذا انك قومت الموتر بالثاني وصوت المكينه عالي وزين يعني ما فيه تفتفه ولا تقطيع بس الموتر ما فيه عزم فمثل ماقالوا الأخوان دزق وكلتش
بس اذا قومت بالثاني وصوت المكينه يتفتف او يقطع فشيك على الكهربا والبنزين
بالتسبه للطقه شيك على الكراسي
اذا المشوخ حقت المسمار ما لحقت الحديد ولا هي عميقه مره فروح لساكو تلقا عندهم محلول اسمه سكراش ريموفر(scratch remover )
والله يعينك

الله يجزاك خير ويرحم شيبانك بندور على المحلول

[مشهور001]

إذا عزمه ضعيف بدون تفتفة الله يعينك مثل ما قالوا وإذا يتفتف غير أسلاك البواجي والصوت اللي تقول لا حطيت رجلك على الكلتش فهذا صوت الفحمة مثل ما قالوا الربع .. وإلا رح به لورشة أبو خالد الخضير _ طريق خب القبر - خضيراء .
لا همنت يا خوك بس انا بالغربيه بينبع لاكن الاخوان وانت ما قصرتوا وان شالله بلقالي ورشه اغير فيها الفحمه والدسك كل الاخوان اتفقوا على نس المشكله ونفس الحل

جزاك الله خير جميع

[.أبوعبدالرحمن]

الاول والثاني والثالث والله اعلم كلها من خراب الكلتش يعني غير طقم كلتش والباقي ان شاء الله الشباب يفيدونك

[مشهور001]

الاول والثاني والثالث والله اعلم كلها من خراب الكلتش يعني غير طقم كلتش والباقي ان شاء الله الشباب يفيدونك

بيض الله وجهك ووجيهم

[بريمي فهد]

اخوي مشهور انا مثلك تماما معي vxr 2003 قير عادي فيه جميع ماذكرت عدا المخش....
انا موتري يبيله كلتش وفحمة الكلتش عشان الزرير والعزم بس الحمد لله خفيفه ولا نيب مغيرها الحين توي شوي
اما با النسبة للطقة فعلى كلام اكثر الناس انها طبييييييييعية في ال8 سلندر ولاكن اذا كانت قوية فيعني ان هناك مشكلة
انا امس شحمت الصلبان في العامود والحمد لله خفت الطقة بشكل ملحوظ عن اول
ولكن اياك اياك ان تلعب في العامود ابدا من الاسهل اول شي شحم اذا مافاد غير الصلبان
*لاكن انا عندي رجة مع السرعة العالية ما ادري من وين سببها .اعتقد انها من الصلبان
والله يعيننا واياك

[مشهور001]

مرحبا ياالبريمي

وصاتك تاج يا خوك وبنفذها والله يعينا على طاعته

[Mohammad]

غيرنا الكلتش كامل ثلاث مرات فمشكة الكلتش معروفه جدا فغيرها وضميرك مررررررررررررتاح

ثانيا كيف تعشق بالرابع والسرعه 50...اعتقد هذا غير صحيح ويخرب القير عليك فسيارتك ثقيله ..لا تغير الى الرابع الا بعد ان تأخذ السياره عزمها واعتقد تتجاوز السرعه 60!

ثالثا كيف تقوم السياره بالثانى برضه هذا اعتقد غير صحيح ولا يجب ان تعمله كعاده واكيد جدا وطبيعى ستسمع اصوات فى القير مع هذه التصرفات! الضاره!

والله اعلم

اضافه ومن خبره!!! هناك قطعه صغيره مدوره مثل العلبه الصغيره تركب بين القير والكلتش وهى مصدر الصوت ودائما تخرب !
الوكاله بشكل عام يغيرون الكلتش كامل والسبب يقولون بما انهم سينزلون القير فافضل تغيير الكلتش على الطريق!!!

اقول لك اذا عزم السياره زين واذا الكلتش فى وضع عادى فنصيحه لك ولغيرك غير القطعه فقط!!! ووفر الكثير!

اخى كل تغييرات الكلتش تمت بالوكاله وفى اخر مره رجع الصوت بعد تغير الكلتش باشهر وعاد اصوت وبعد الاصرار عليهم قامو بتغيير القطعه ووضع شحم خاص وانتهت المشكله!!

بالنتيجه التغييره للكلتش الاخيره ندمت عليها

والله اعلم

[راعي البرقا]

اخي مشهور 001 الله يعينك على صن وكلتش ودزق جديد
هذا الكلام ولاتدور غيره والله يوفقك