هل قطع النيسان ارخص من التويوتا ام العكس !!

[فارس العمور]

السلام عليكم

اخواني هل قطع النيسان ارخص من التويوتا ام العكس !!

طبعا مقارنة بالفئات المتقاربه مثل ددسن هايلكس وهكذا

وماهي الاكثر تحمل ولا تطلب قطع غيار في رأيكم

لعلنا نجعل المموضوع للفائدة للجميع

وشكرا

[بلاتين]

وعليكم السلام

طبعاً التيوتا ارخص بدون مقارنه والتيوتا يتحمل اكثر .
تحياتي

[z a n h o r]

والله حنا نسمع كلام واجد ولا شفنا الواقع طلع شي ثاني

كلهم غالين تيوتا ونيسان .. انا اتكلم عن الحمراني وعبداللطيف جميل

ما اتكلم عن محلات قطع الغيار

عموم بتتعب لو تقارن

[بواردي الدلم]

والله انا اشوف بعض قطع التويوتا ماتنبغى بريال مثل الفحمات

وبيني وبينك راعين قطع الغيار فالينها لارقابه ولا هم يحزنون يعني كل واحد يعطيك سعر من مخه

عشان كذا لاتشتري الا من الوكاله لو بدبل السعر بس تاخذ قطعه اصليه

وراعين المحلات بيجيهم يوم يوزعون القطع بلاش

واللي ابي افهمه وين التجاره العالميه اللي يقولون

[عجمي]

بشكل عام النيسان اغلى من التايوتا
عندك كبليتر الباترول 97 ب 1600 ريال بينما التايوتا نفس الموديل 750 ريال

[مسايف الطعس]

هلا أخوي

بقارن لك بين فحمات الهايلكس 2006 والباترول2006 الأمامية فقط
السعر
الهايلكس 180 ريال
الباترول 160 ريال
التحمل طبعن بالكرف
الهايلكس 20000 ألف الى 25000 بالكثير
الباترول من 40000ألف الى 60000 ألف بالكثير

باقي قطع الباترول 2006 الي أعرف أسعارها كتالي
شمعة أمامية 450
شبك 400
كبوت 850
صفاية بنزين 70
طقم بواجي 45
فلتر هوا 90
صدام أمامي 590
جسر الي قبل الصدام 450
فرامل خلفية150
طقم سيور 100

هذي الي أعرف أسعارها

تقبل تحياتي

[.أبوعبدالرحمن]

بالنسبة اللي اشوفه انا فيه فرق كبيييييير بين النيسان والتويوتا


يعني التويوتا ارخص بكثيييير من النيسان


المكينة حقت القزازة الخلفية للهايلكس 350 ريال

والمكينة للقزازة الخلفية للددسن 850 ريال


ايضا الفحمات للهايلكس موديل 2000 سعرها 75 ريال

والباثفندر من 97 الى 2001 سعر فحماتها 250 ريال


والمعروف بدون تحيز لاحد الشركتين ان التويوتا ارخص قطع

ومن ناحية التحمل اشوف كلها واحد النيسان زي التويوتا والتويوتا زي النيسان

[مساير الليل]

والله ياالغالي من ناحية الددسن والهايلكس

سيور الددسن طقم كامل 90 ريال

سيور الهايلكس 180 ريال


فحمات الددسن أماميه مع القمشات الخلفيه 240 ريال

ومن ناحية العمر النيسان أكثر عمر وبتقول ليش


الكامري فحماتها 100 ريال أو أقل لكن عمرها 20000 ألف وأكثر بقليل

فحمات الألتيما 150 ريال لكن عمرها 60 ألف

** وللمعلوميه كل المعلومات الي فوق من تجربتي الخاصه

كل السيارات فيها خيرها وفيها شرها

[أبو LAMeS]

تحياتي أخوي فارس العمور وتحياتي لجميع الاخوة
بالنسبة للأسعار ومن خلال تجربة تختلف من قطعة لقطعة يعني تلقى قطعة عند نيسان أرخص من تويوتا وهي نفس القطعة والعكس صحيح يعني تلقى قطعة عند نيسان اغلى من التويوتا وهذا موجود عند الجميع ولا وأزيدك من الشعر ( بيت دبلوكس ) تلقى القطعة نفسها يختلف سعرها يعني مثل الأسطب اليمين سعره يختلف عن اليسار أو الأمام يختلف عن اللي بالخلف وهذا من التلاعب

وبالنسبة للتحمل الصراحة كثر الغش في القطع حتى الوكيل يغش في القطع ويقسم واحد أيمان مغلظة أن وكيل تويوتا عبداللطيف جميل يجيب قطع من التشاليح ويركبها في سيارات الزبائن ويحسبها عليهم على أنها جديدة
أيضا في قطع للتويوتا تجي من مصر ويبعونها على أنها يابانية وخصوصا قطع الهايلوكس

شكرا

[سيف الظفير]

الغلاء لكل السيارات للأســــــــــف

الجمس مقاس 2500 فحماته الاصلية من الوكيل بـ 650 ريال هل يعقل هذا

[فارس العمور]

والله دوخونا هالوكلاء قمة النصب

انا ملاحظ ان ابو جميل يبيع قطع ماهي اصليه تصدقووون وكثير من اكتشف هذا !!

والحمراني غلاء ببعض القطع على غير اساس او منطق او رقابه


(تم التعديل من قبل الادارة)

[لن أمل من العطاء]

الغلاء لكل السيارات للأســــــــــف

الجمس مقاس 2500 فحماته الاصلية من الوكيل بـ 650 ريال هل يعقل هذا


يا حبيبي يا فارس الظفير

هذي شاحنات مو سيارات

الجمس لو قماشه بـ1000 ريال مو خساره

على فكره سعر القماش الخلفي عندي بموديل 99 408 ريال

لكن انت لو تشوف الهوب الخلفي قسما بالله اكبر من حق الدينا المتسوبيشي موخساره قيمة القماش مع قوة الفرامل


تحياتي لك
وايضا للجميع

وتذكروا انني لن امل من العطاء

[السائل]

والله يا اخوان من واقع تجربه مع الشركتين نيسان الأغلى ((غالباً))



لكن قطع التويوتا يكثر فيها الغش ولو كانت من عبداللطيف جميل وخاصة الفحمات