اسفسار يحتاج الى اجااااااااااااااااااابه

[ضحية الايم]

ياجماعة الخير عندي راعي سوداني ومعطيه ونيت 83

المشكله انه كل يوم يحرك الموتر لما اروح الدوام وشكله يهرب من عندي الشعير حق الابل

ولما اسله يحلفلي انه معطيه للابل وهو يستغل ثقي فيه ودوامي شفتات

سؤالي / مافيه جهاز احطه في السياره واعرف تحركاته لما اكون في مكان العمل؟

بارك الله فيكم

[الدبل الثقيل]

روح للراعي فجأه .... يوم اول النهار ويوم اخره ... ويوم نص الليل ...

[قناص متقاعد]

فيه كميرات مراقبه تباع على شارع التخصصي تصور كما تشوف بعينك وتشتغل على احجار يعني مايحتاج لها كهرباء وثبتها في مكان في السيارة او في مكان الشعير وتشوف النتائج

[فهد الخالدي]

اهم حلين لك-
1- خذ السياره منه لان حلالك اباعر ويكتفي بالرحول
2- هات لك حافظة كبيرة للشعير وفرغ فيها عبوات الشعير
الحل الاخير رقم اكياس الشعير بارقام صغيرة بحيث ما يشوفها واطلب منه يحتفظ لك بالاكياس الفارغة لحاجتك لها وبكذا تقضي على محاولاته
اخر حل بع عليه الاباعر وافتك امزح

[ابرق العزاف]

كلف من يراقبه كثير الايام ذي بعد غلا الشعير من يبيع شعير عمه
والشر طه مكاتبها مليانه بهالمشاكل00000 شكرا

[ابوعقل]

الله يعينك ان شاء الله

[ممتر البران]

السلاام عليكم
الصراحه ما قصر الخالدي ولا يهونون الربع عليك بحلوله ومن غير قصور بالباقين وخصوصا ترقيم او تعليم الاكياس من دون لا يعلم وبخط صغير وتطلبه يجمع الاكياس ولا يرميها بعدين اكيد تعرف كم تصرف نياقك
تحيتي لكم
ابو سعد

[بن راجح]

خلك صامل معه وبين له انة مافية ثقة وعد الاكياس علية وامسك له راتبين والكيس الي ينقص اخصمه من راتبة الصاع صاعين ماعليك منه هذا حقك اسئل مجرب خربو علي هنود مواطير الماء كل ستة شهور اشتري ماطور اخر واحد شريته ب 700 وقلتلهم هذا على حسابك وخصمتة من رواتبهم الحين سنتين الا قبل مايشغلونه يشيك الزيت وينظف الفلتر من نفسة

[ضحية الايم]

الى جميع الاخوان بارك الله فيكم اهل الوفاء
دمتم بود وخير

[NissaN 1990]

مش حال مع السوداني ودور لك على رواقه على هندي جديد وعلمه الشغل وعلمه السواقه وشرط أنه أحسن من السوداني وأرخص وأوفر ويمكن يكون أمين أكثر....ويشتغلك كذا شغله ما هو بس راعي

أو الحل الثاني أنك تدور بسيارتك قبل ما تروح لعملك على منطقة شبكك دوه طويله مره وإذا رجعت تشوف هل هو قطعها أو لا مثل اللي يسوونها أهل الربع الخالي إذا بغو الأرانب

[ابوضاري]

طق فيه جارمن وامسح ( الترك ) كل يوم وتشوف تحركاته بدقه حتى لو كان مريوس على شبك ولا بوابه
والله يحفظ لنا ولك وللمسلمين حلالهم وعيالهم من كل سوء
آآآآآآآآآآآآآآآآآآآآآآآآآآمين

انااعجبتني فكره ترقيم اكياس الشعير (شف وش الصنف الي يستعمله وماتعوق معك انشالله) امزح

[راعي البرقا]

والله إن كان الدعوى بتعرف وين يروح السوداني خذها مني قارمن 3بلس أبو أربع ميه ريال مستعمل وحجار جديد وثبته فالليل في السياره في محل مايشوفه من دون ما يشوفك وخله شغال ورح العمل وعين خير وإرجع بعدين وشف بالمتر ( صيدة الفار في الطحين).تقبل مروري