لاهل الفورتنشر........><

[راعي العوبا]

السلام عليكم ورحمة لله وبركاته ... ياشباب انا ناوي ان شاء الله اشتري فورتشنر 2008 اربعه سلندر . لكن مادري عن مميزاته عيوبه عزمه هل هو معقول او ردي .. ثباته رساوته .. وبالنسبه للقير وش رايكم عايدي او تماتيك .. وهل التماتيك تنفع معه عمليه الارجحه في الغراز ولا ماتجي .. اعذروني على هالسؤال ترا اخوكم جاهل في التماتيك .. ومشكورين عموماَ

[الادهس]

الله يوفقك واله ماعندي علم عنه

[الساهر2003]

اخوي الاربعة سرندل وعادي الناس ماتمدحه وكيف اجل التماتيك والسته سرندل تماتيك على كلام الشباب في هذا المنتدى ممتاز ونصيحة خذ تماتيك اذا كشتاتك خميس وجمعة حتى لو كانت دايم ومسالت الارجحة باذن الله ماراح تحتاجها في الفوتشنر لانه خفيف وقوي جدا وهذه الجيوب تحتاج نسم وادعس والله يعين اللي وراك يمكن يلحق ويمكن لاء
وعند البيع التماتيك وسته سرندل ارغب وراحة في الرياض منقطعة النظير
والله يوفقك ولا تنسى صلاة الاستخارة وثم التجربة استاجر او استعارة وجرب راحته لانه مو مريح بالحيل
مع اطيب تحية

[هايلكس 4x4]

اذا انت راعي بر اخذ الستة
اما بالنسبة لأستعمالة ما لاحظت علية الا عيوب في المرايات الجانبية تطلع صوت فوق سرعة 140
4 سلندر راح يخيب ظنك بالبر وانا اؤمن بنظرية جيب +4سلندر = فشل

[Abu Saad]

نصيحه لوجه الله ، اي سيارة دفع رباعي سواء الفورتشنر والا غيره 4 سلندر لاتقربها .

[بن نويشر]

معي له هالسنة الثالثة ومن أحسن ما يكون ، وخذ توماتيك وعلى كيف كيفك وإذا بغيت معلومة أكثر زر موقع تويوتا العرب (منتدى فورتشنر) تجد ما يسرك ومبروك مقدماً .

[راعي العوبا]

ياهلا ومرحباا ." اخي الادهس شاكر لك مرورك ..
.. الساهر 2003 ياهلا ومشكور على هالملعومات القيمه . بس المشكله الميزانيه ماتطول السته سرندل
هايلكس 4x4 ابو سعد كلامكم على العين والراس .. بس انا قصدي مكاشيت خفيفه ماهو كل يوم بر وطعوس
بن نويشر ياهلا ونورت الموضوع .. بس بغيت استفسر الجيب اللي معك اربعه سلندر او سته .. وجزاكم الله خير جميعاَ والله لايحرمكم من الاجر .

[alkongrs]

انا مجربه حق اخوي 4اسرنلد خط ما شالله نفود على 20 وشغل الدبل وامش وعزم ما شالله تبارك الله

موديله 2008
توكل على الله وخذه ولاتنسى الاستخاره

[راعي العوبا]

ياهلا بولد العمده .. اجل ان شاء الله نعزم . ومايكون الاخير بعد الستخاره .. وجزيت خيراَ ..

[alkongrs]

قلتلك انامجربه( وعلى قولت المثل اسئل مجرب ولا تسئل طبيب:))
وازيدك من الشعر بيت
http://mekshat.com/vb/showthread.php?t=125650
ادخل على الرابط وصار فيه نقاش واحكم فيه اكثر من رد لي واتمنى اني افدتك:)

[راعي العوبا]

;)
وانا ماقــلت شي في كلامــك ...

[ابو أنس]

عزيزي انا اخذت 6 سلندر فل كامل فضي معدني ب 108000 له معي حتى الأن اسبوع ماشاء الله ممتاز مدري علشانه جديد , وتراه تجميع اندنوسي للمعلومية

[مقلع الرمث]

اخوي خذلك 6 سلندر ونم

[راعي العوبا]

ابو انس مقلع الرمث ياهلا وغلا فيكم نورتو الموضوع وشرفتونا ... .. بس عاد نبي آرا بقية الاعضاء وخصوصاَ اللي جربوه لاحد يقول خذ سته سلندر لاني الميزانيه ماتاصله .. ولاتهونون .

[ابو دانة2008]

نصيحتي بعد ثم بعد ثم بعد
لا تقربه
لا قوه ولا راحة ولا شكل
ديكوراته زي الهايلوكس بالضبط غير مريح نهائياً
انا مجربه بعدين مراتبه الأخيرة ضيقه وغير مريحه
سعره مبالغ فيه
الخلاصة ركوبه يجيب الغثيان والدوخة
وبكيفك

[alkongrs]

نصيحتي بعد ثم بعد ثم بعد
لا تقربه
لا قوه ولا راحة ولا شكل
ديكوراته زي الهايلوكس بالضبط غير مريح نهائياً
انا مجربه بعدين مراتبه الأخيرة ضيقه وغير مريحه
سعره مبالغ فيه
الخلاصة ركوبه يجيب الغثيان والدوخة
وبكيفك

اخوي ابو دانه ليش يبعد عنوه انت مجربه ؟؟؟؟؟

تستحقر اربع اسرندل:) شف طلعت للبر بالجيب انا اربع اسرنلد حق اخوي وحنا راجعين خويي معوه باترول كم اسرندل طبعاً سته رايح ومخلين والله اني جايبوه بس قولو ما شالله

اني شي انا مسافربوه راحه ما شالله ولا تزعل من كلمة الحق
على قولة المثل اسئل مجرب ولا تسئل طبيب

ان شالله ابنزل موضوع كامل عن الفورتشنر عن قريب فئة اربع اسرندل بس خلون ازرق للوكاله ان شالله :good:

[راعي العوبا]

ياهلا ابو دانه وحياك الله:) .. وهلا فيك ولد العمدة مرة اخري.;) ومنورنا بتواجدك .. والله دام يكسر الظهر وغير مريح شكلنا نبي نهون الحين ماكفانا الهايلوكس تكسير ظهر:no: نجيب ذا ه :).. وعموماَ جزاكم الله خير جميعاَ..

[الربذي]

دامك استشرت فسادلي برائي عن الفورتشر اربعه سلندر ماله عزم مع النفود وسال مجرب واذا غرس ومعك عفش مايقوم بالدبل الخفيف لازم تعشق الثقيل ومطبه يكسر الظهر تعليقه قاسي مره اما سته فهو بحق رائع وعزمه حلو ويطربك بس نفس التعليك ومكينته مكينة برادو

[راعي العوبا]

ياهلا يالربذي نورتنا ... والله الكل تقريباَ اجمع انه غير مريح والله يسهل .. وشاكر لك

[محمد السالم]

السلام عليكم ورحمة الله وبركاته
اتمنى لكم دوام الصحة والعافية ويكفينا ويكفيكم شر السيارات ، انا شريتلي فورشنر بعد ما سألت عنه وبعد ما شفت الي فسوق من متسوبشي ونيسان لقيته حليل من ناحية السعر وحيث انه عايلي وتوكلت على الله وشريته من دون دبل لانه ما هو خاش براسي اخذ دبل اربع سرندل المهم مديله 2008 مصنوع في شهر 12 / 2007 يعني ماله شهرين اخذت زيرو من شركة النماص وهو تقريباص وكيل لعبطاللطيف جميل لكن سعره ارخص ب 2000 رايال المهم الموتر ما مشى معي 2500 الا ويطبع ذاك الصوت بالمكينه انننننننننننننننننننننننننننننننننننننن وقمت يبالحبيب ووديته لهم الصيانه وتعال شوف مره دينمو ومره بكره ومره سير ومره بلوف وخش على مدير الصيانه والعن ابو جده لعان على طول سلام مافيه وبعد روحه وجبيهههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههه غيرو لي مكينه جديده ولي الحين شهر وسياريتي مرميه عندهم كل يوم امرها واقول الله يلعن من صنعها ويستاهل الضرب من ضيع عصاته على قول الشايب :mad: :( :rolleyes:

[الربذي]

السلام عليكم ورحمة الله وبركاته
اتمنى لكم دوام الصحة والعافية ويكفينا ويكفيكم شر السيارات ، انا شريتلي فورشنر بعد ما سألت عنه وبعد ما شفت الي فسوق من متسوبشي ونيسان لقيته حليل من ناحية السعر وحيث انه عايلي وتوكلت على الله وشريته من دون دبل لانه ما هو خاش براسي اخذ دبل اربع سرندل المهم مديله 2008 مصنوع في شهر 12 / 2007 يعني ماله شهرين اخذت زيرو من شركة النماص وهو تقريباص وكيل لعبطاللطيف جميل لكن سعره ارخص ب 2000 رايال المهم الموتر ما مشى معي 2500 الا ويطبع ذاك الصوت بالمكينه انننننننننننننننننننننننننننننننننننننن وقمت يبالحبيب ووديته لهم الصيانه وتعال شوف مره دينمو ومره بكره ومره سير ومره بلوف وخش على مدير الصيانه والعن ابو جده لعان على طول سلام مافيه وبعد روحه وجبيهههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههه غيرو لي مكينه جديده ولي الحين شهر وسياريتي مرميه عندهم كل يوم امرها واقول الله يلعن من صنعها ويستاهل الضرب من ضيع عصاته على قول الشايب اضحك الله سنك:mad: :( :rolleyes:
الله يعينك صراحه امر مؤسف طيبين قبل اخذ الدراهم يشيلونك على كفوف الراحه واذا دخلت برصيدهم كشروا انيابهم
لكن المفروض يعطونك سياره جديده وهل معطينك سياره الحين دام سيارتك عنهم ولا اخذ وهم يدفعون الايجار صراحه بدات تويوتا تفقد بريقها

[راعي العوبا]

ياهلا بك ياخونا محمد .. ونورتنا والله سيارتك فيها عيب مصنعي الله يعينك علييها وعليهم وان شاء الله تعوض خير .... وسمعنا كلام واجد عن هالفورتشنر بين مداح وبين ذام .. لكن الله يكتب اللي فيه الخير ومشكووور اخوي مرة اخرى ..

[الجفن]

بختصار الفرتنر لا تاخذ الا ست سلندر فقط انا بصراحه معي واحد فل كامل ما شاء الله تبارك الله اما اربع سلندر ما ينفع عزمه ميت بالمره

[راعي العوبا]

ياهلا وغلا فيك يالجفن ارررحب .. يعني العزم ماينفع حتى بالديره وعلى الخط . ولا قصدك بس بالبر وعند تشغيل الدبل والتطعيس .. وشاكر لك اخوي ..

[راعي العوبا]

..........................الى الان انتظر مشاركات البقيه ...................

[صنيتان]

السلام عليكم ورحمة الله

سؤالي للاخوة اللي جربوه ليه الدبل فيه Ll/hl/hh/h
ممكن احد يفسرها وبعدين الزر اللي على يسار السائق وش مهمته هل لشبك الدبل الخفيف
ارجو ممن لديه خبره توضيح ذلك