شيروكي كلاسيك ( عيوب وميزات )

[Khalid AlGhamdi]

السلام عليكم ورحمة الله

للاخوة اصحاب الشيروكي ياليت تتكرمون بوضع ميزات وعيوب الشيروكي لاني ناوي اشتري واحد ومتردد ( طبعا من الشكل القديم 2000 او 2001 ) .

لي تجربة قصيرة لمدة 3 اشهر تقريبا مع موديل 2000 كلاسيك

الموتر في البر لايعلى عليه قوي وخفيف حتى مع الحمل الموجود داخل السيارة وعلى السلة من خيام وموية ... الخ
استهلاك البنزين معقول جداً ولايذكر ( اقتصادي ) .

لكن من المشاكل اللي واجهتني

1 - رمان الدفرنس الخلفي .
2 - ونه في الدفرنس الخلفي .
3 - خرب الكومبيوتر واضريت اغيره .

هل المشاكل هذي مشهورة في الشيروكي بشكل عام ؟ مع ذكر ميزات وعيوب الشيروكي
كلٍ حسب تجربته وخبرته .

[جميل جمال]

هلا اخوي MaxPower ...

من المشاكل المشهوره عن الشيروكي بالنفود انه يحتمي بسرعه ..

يعني بعد ما ترقى به طعسين الاه محتمي ..

لكن هذي بسيطه بانك تركب مراوح اضافيه له ..

هذا اللي عندي وممكن باقي الشباب يخدمونك ..

[الاجودي]

انا اتكلم عن تجربتي الخاصة

شروكي سبورت مديل 2000

في البر والنفود خوش موتر بس الحراره ترتفع بسرعة مع التطعيس وتشغيل الدبل

وكثرة خراباته غثا

ينسم هوا بعد ما تتعدى 100

وانا ما انصحك فيه

[المغترب]

هلابك الاجودي..

انا عاملت الشروكي ثلاث سنين ..

بمديلات مختلفة ..

من 1996و1998و2000 ..

ومالقيت فيها مشكة الا نها بالشعيب ونت تمشي شويشوي عشان ترما فجئه ترفع رجلك عن الكلتش
تحن المكينه كئه يجمع بانزين ولازم يسوي هالحركه بستمرار كل مدة معينة ..

لاكنه اذا اخذته نضيف عزالله انه اخو قلبك بصرفبه البانزين والصيانة اذاعرفتله..

وترا حرارته على 100 طبيعي بالصيف و الشتى لاتخاف الانه فيه صخان ..

[سيف السيف1]

سلام الله عليكم
نصيحة لوجه الله من أراد شراء شروكي لا يشتري إلا نظييييييييييييييييف
مميزات الشروكي كثيرة
* قلة صرف البنزين
* موتر نشيط يسعدك في البر
* خفيف يصلح للصحراء والاسفلت
* نصبة
* يتحمل الشيل خاصة إذا دعمت السست
*المكينة تعتبر من أفضل المكائن بقلة الخراب وهذا كلام الميكانيكين وأصحاب المخارط
================================================== ====
القير العادي أكثر خراب فيه فحمة القير وسعرها 250 ريال يعني اتخرب كل سنتين تقريباً
ما عدى ذلك من أعطال أوخراب يعتبر أمر عادي هذا بالنسبة للشيروكي أل سبورت ومن على شاكلته
أخوكم معه شيروكي مديل 93 له ما يقارب ست سنوات معي ولافيه نفودأو شعيب في أي منطقة إلا مشاه
http://www.mekshat.com/pix/upload/images2/ppp.jpg

[الاجودي]

اخوي المغترب

الحرارة ما تاصل للميه

الحرارة تاصل للاتش

والي كان معي قير اتمتيك

وشاريه ماشي 20 الف

والدبل ما عمره شغل يعني مانزل من الزفلت ابد

وايضا واحد من الشباب كان معه شروكي 96 موتر

بس يذبح بكثر الخراب

ويقولون الزين مايكمل

الا الباترول كامل والكامل وجه الله

[المغترب]

أخوي الاجودي ..

تئكد من مروحة التبريد والبلف حق الحراره الاتاخذها الامن الوكالة ..

الانه يقولون عنه الأصلي وهم يكذبون ..

أذا البلف مزبوط هو الي يتحكم بدرجة الحراره..

أسئل مجرب ولاتسئل طبيب..

[Najd^Prince]

بسم الله الرحمن الرحيم


((^ MaxPower ^))
بصراحه انا من الناس اللي غير مقتنعين بالشيروكي ,, لكن شفت مع واحد من أخوياي
(( Cherokee_Country )) وبصراحه بعد هالموتر أرتفعت أسهم الشيروكي عندي :D

ومن مشكلات الشيروكي:
1/ ونه في الدفرنس عند المشي (( زي ماقال أخوي MaxPower ))
بس هذا شي طبيعي في الشيروكي .
2/ ضيق المرتبه الخلفيه .

ونصيحه (( Country )) أو (( Grand Cherokee )) وبس ;) .

Najd ^ Prince

[Khalid AlGhamdi]

جزاكم الله خير وماقصرتم على هالمعلومات الكافيه الوافيه

الحقيقة اني مع المشاكل اللي واجهتها في السابق مع الشيروكي الا اني لازلت مغرم فيه الحقيقه

لذلك فبإذن الله باخذ شيروكي الفين قير عادي ستاندرد


لاني لاحظت عزمه اقوى بكثييير عن الاتوماتيك لكن فيه شيء بسييييط وهو ان كل اللي لقيتهم فيهم صوت خيف بالقير اذا كان فاضي لكن اذا دعست كلتش او عشقته بنمره يختفي الصوت !!!

هل هذي هي الفحمه اللي ذكرتها ابوفارس ؟؟

وبالنسبة لمشكلة الحرارة ، فانا اشوف انها طبيعية على 100 لكن هل ممكن تركيب مروحة اضافيه لزيادة تبريد المحرك ؟؟


بالنسبة للشيروكي ستاندرد يجي طبلونه لمبات بالنسبة للحرارة والزيت

هل من المفيد تغييره الى طبلون مؤشرات

او مؤشر الحرارة اللي يركبونه تحت الطبلون يكفي وهل فعلا هو دقيق او ماعندك احد ؟

واخيرا هل فيه ورشه معينة تنصحون فيها ومجربينها لصيانة الشيروكي ؟

وشكرا لكل من اثرى هذا الموضوع بخبراته

[المتنبي]

لا تركب مروحه ولا شي لان اداء مكينة الشروكي الامثل ما يكون الا والحراره على النص

وعندي وصيه لك من خبرتي بالشروكي ياخوك
لازم تركب خراطيش وكاله عشان ترتاح
لان الخراطيش التجاريه ما تتحمل حرارة الموتر وما تكمل معاك شهرين

[القناص]

السلام عليكم
التشيروكي شيخ البر والرمل
مهوب تشخيص وبس زي اليابانيات
واللي يعتني بالتشيروكي يصونه هو احسن من غيره لانه سيارة بر فعلا
لانها صنعت اصلا للبر والوعر ويكفي ان اسم جيب ماخوذ منها اصلا JEEP
فمن يشاهد المقارنات على الانترنت يلاحظ تميز التشروكي
ومن بغى التشيروكي يطول معه لازم يحافظ على الصيانة الوقائية لدى الوكالات او الورش المعتمدة
وسيحب هذه السيارة حتى النخاع;)

http://home.earthlink.net/~kromjp/jpeg/jeep4.jpeg
http://tci-off-road.4x4.nu/vehiculos/jeep/ocs03.jpg

http://www.worldoffroad.com/images/animate/cherokee.jpg

http://www.bc4x4.com/tr/2000/rc00/lt/rclt-15.jpg

http://www.bc4x4.com/tr/2000/rc00/lt/rclt-1.jpg


http://www.pmdessentials.co.uk/graphics/events-intro.jpg

http://www.truckworld.com/Readers-Rides/images/1999/99-sep/rudnick.jpg

http://www.truckworld.com/Readers-Rides/images/2002/apr-02/452002_62712-2-47.jpg

[Khalid AlGhamdi]

ابشركم شريت شيروكي 2000 سبورت :) ادعوا لي بالبركه ياخوان
وان شاء الله قريباً اجيب لكم صوره من قلب الصحراء :cool:

اخوي المتنبي مشكور على النصيحه بخليه على وكالته ماني مغير فيه شي

القناص وعليكم السلام ورحمة الله وبركاته

جزاك الله خير بس وين الورش المعتمده اللي تنصح فيها لان الوكاله مثلك عارف صيانتهم ناااااااار

[سيف السيف1]

أخيMaxPowerألف مبروك الله يطعمك من خيرها ويكفيك شرها إن شاءالله..
الفحمة ألي ذكرت ما تطلع صوت إذا كان فاضي وإنما تروح دعست الكلتش ..
على العموم إذا كنت قريب من القصيم فيه ورشة صاحبها سعودي يشتغل بيده وشغله كويس ورخيص متخصص شيروكي

[القناص]

السلام عليكم ورحمة الله

الف مبروك يا خوي والله يطعمك من خيره ويكفيك شره
اخوي انا مجرب صيانة الوكالة وهم ارخص من الوكالات الثانية
واذا انتهى الضمان فجدده من عندهم سنتين اضافية ب 3 آلاف ريال
عشان تاخذ راحتك ولاتهتم حافظ على الصيانة الدوريه عندهم كل عشرة آلاف وهم يتكفلون باي عطل من الصدام للصدام ما عدا الاشياء الاستهلاكيه
مبروك
وفمان الله

[راعي الحمره]

الله يعطيكم العافيه يا شباب وعساكم على القوه , اخوي MaxPower نصيحتي لك اذا معزم تاخذ شروكي اخذ 2000 اولا اجدد ثانيا رفعته ما هي مثل باقي الشوروكيات اذا كان عندي 93 والحيت عندي 96 بس لما جربت الــ 2000 تحسفت اني ما اخذته , وانت عارف ان كل موتر في هالدنيا له مزايا وعيوب الكامل الله بس , والي حببني بالشروكي وانشالله باخذ واحد ثالث ان قطع غياره متوفره عندنا بالكويت بشكل عجيب جدا وبالذات بالسكراب ورخيصه والموتر منتشر عندنا بالكويت بكثره ويعتبر الاول الى الآن بالعدد , والــ 2000 طبه بالبر زين وديكوره جامد ما هو مثل الــ 96 وتحت هذي نصيحتي والشباب ماقصرو بعد .


مع تحيات
اخوك راعي الحمره

[Khalid AlGhamdi]

الله يجزاك خير ابوفارس ، لكن اللي اخذته انا قير اتوماتيك مو عادي :)
وانا في الرياض للاسف ماني بالقصيم ،
لكن ادع لي ماحتاج اي ورشه :)
--------------

القناص وعليكم السلام ورحمة الله وبركاته
الله يجزاك خير يالغالي لكن صيانة الوكالة انا سبق جربتها الحقيقة شغلهم محترم لكن الفاتوووووووووره :confused:

وهذا اللي يخليني ادور ورش ثانيه لكن ان شاء الله ماحتاج لاي ورشه باذن الله

مع اني اقول الوكالة لاتروح لها الا اذا كان الشغله مهمة ( مكينة ، قير ، دفرنس ) لكن فحمات وماشابهها اعتقد الورش اللي برى ارخص ولاهو شي خطير ممكن يجيبون فيه العيد :cool:

اما بالنسبة للضمان فهي حركة حلوه صراحه لكن اللي اخذته انا جايبه صاحبه من امريكا مو سعودي فما اعتقد الوكالة بيقبلون يعوني ضمان عليه مقابل 3 الاف ولا كان الحين نقزت لهم :D

واالله يبارك فيك ويجزاك خير


--------------


ياراعي الحمره انا شريت خلاص الحين موديل 2000 ابشرك الحمدلله
ادع لي بالبركه :cool:




--------------



جزاكم الله خير جميعا يا اخوان على ارائكم واقتراحاتكم ولانستغني عنكم
اخوكم :)

[كلاشنكوف]

max
الله يباركلك فيه ...
بس كم اسعارها...
تحياتي