المساعد الشخصي الرقمي

مشاهدة النسخة كاملة : ضاع المفتاح والسيارة مقفلة.....وش الحل


صعافيق
21/02/2008, 04:42 PM
السلام عليكم ورحمة الله وبركاته

....هذا الي صار معي ....الموتر يوكون....وش الحل....؟
راعي البرهـ
21/02/2008, 04:55 PM
وعليكم السلام
ماوضحت زين ...يعني مافيه اسبير..اذن مالك الا الوكاله برقم الهيكل يجيبون لك مفتاح
قرم العيال
21/02/2008, 05:00 PM
الحل عند الوكالة ..
صعافيق
21/02/2008, 05:16 PM
حياكم الله اخواني .....مشكورين عالرد السريع...........طيب اليوكن استعمال امريكي.....تتوقع تطلعلي الوكالة مفتاح؟؟؟؟؟....كلمت الوكالة دوامهم قاظي لان اليوم الخميس......
كاشت...كاشت
21/02/2008, 05:41 PM
بالنسبه لليوكن حصل لاخي موقف مشابه وكنت معه وسأذكره للفائده

اللي حصل انه تقفل الموتر يوكن 2005 والسياره شغاله والمفاتيح جوى السياره

لاتقولي وشلون تقفل مدري المهم فجاءه نبي نفتح الموتر لقناه مقفل والسياره شغاله:eek:

قال اخوي وش الحل قلت له رح جب لك كهربائي ونا بحاول على الاقل اطفي الموتر

المهم رحت لوجه الموتر ودخلت يدي وسحبت سلك الكبوت ونفتح كبوت الموتر بعدها جلست ادور الفيوز

لقيت على اليمين فيوز كبيره اكبر من الفيوز العاديه شكلها مربع قريب من شكل الكتاوت لمن يفهم بالكهرباء

تقريباً بحجم علبتين كبريت:D المهم رفعت الاول ماصار شي طبعا السياره شغاله رفعت الثاني تدرون وش صار

طفت السياره ورجعته انفتح قفل الابواب :) وقسم بالله ان هذا اللي حصل

والشي بالشي يذكر ونت جرب اخوي ارفع الفيوز اللي يمين مدري يمكن تنفتح سيارتك

بس اذا انفتحت لاتعلم احد لانها بتكون ثغره في اليوكن:D
.أبوعبدالرحمن
21/02/2008, 06:27 PM
الله يعينك وان شاء الله بتستفيد من الكشّاته
مريقب العيفار
21/02/2008, 06:38 PM
اخوي معاه يوكن 2005

قفل على المفتاح

وفيه صيخ نحاس يستعمل للحام قوي وصغير

جبنا واحد وفتحنا فيه السيارة
wewe150
21/02/2008, 07:13 PM
بالنسبه لليوكن حصل لاخي موقف مشابه وكنت معه وسأذكره للفائده

اللي حصل انه تقفل الموتر يوكن 2005 والسياره شغاله والمفاتيح جوى السياره

لاتقولي وشلون تقفل مدري المهم فجاءه نبي نفتح الموتر لقناه مقفل والسياره شغاله:eek:

قال اخوي وش الحل قلت له رح جب لك كهربائي ونا بحاول على الاقل اطفي الموتر

المهم رحت لوجه الموتر ودخلت يدي وسحبت سلك الكبوت ونفتح كبوت الموتر بعدها جلست ادور الفيوز

لقيت على اليمين فيوز كبيره اكبر من الفيوز العاديه شكلها مربع قريب من شكل الكتاوت لمن يفهم بالكهرباء

تقريباً بحجم علبتين كبريت:D المهم رفعت الاول ماصار شي طبعا السياره شغاله رفعت الثاني تدرون وش صار

طفت السياره ورجعته انفتح قفل الابواب :) وقسم بالله ان هذا اللي حصل

والشي بالشي يذكر ونت جرب اخوي ارفع الفيوز اللي يمين مدري يمكن تنفتح سيارتك

بس اذا انفتحت لاتعلم احد لانها بتكون ثغره في اليوكن:D

طيب وشلون أفتح الكبوت

لازم من من جوا الموتر أول بعديدن ترفعة بيدك أنت وشلون فتحته
أبوتركي الخالدي
21/02/2008, 07:20 PM
صعافيق

هذا رقم الشايقي للمفاتيح0552258877

لعله ينفعك بإذن الله
صعافيق
21/02/2008, 08:40 PM
يمااااااال العافية.....عز الله انه ينشد بكم الظهر......
اخوي كاشت...كاشت:وشلون أفتح الكبوت من برا ؟؟

أخوي الصامت ردك أثلج صدري ..ياخلفهم مالك الا دعوة تالي الليل...

مشكور ي على التفاعل
الفوزان
21/02/2008, 08:46 PM
الظاهر في خدمه من جنرال موتور تقدم عن طريق الوكلاء يحلون مشكلة , سبق وان سمعت عن نفس مشكتك وحلها من الوكالة , ولكن لا اعلم اين قرءتها
السنع كله
21/02/2008, 11:13 PM
اركب على التنده ومعك صيخ خمسه ملي وفيه عكفه وخل اخر يساعدك على فتح ثغره من الربل الاعلا للباب وانت فوق تدفع الصيخ حتى ياصل لعتلة الفتح وقد جربتها وانا عند محطة في الصيف الماضي والسيارة جمس 99
ناوي نيه
21/02/2008, 11:37 PM
رح للشايقي ويضبط وضعك يطلعلك مفتااااااااااااااااح جديد مكانه في الخبر شارع الزينه
صقر البحيرات
21/02/2008, 11:45 PM
والله ودي اخدمك
لكن انا مختص من الددسن وتحت
الله يعينك
انا انرفع ضغطي سكرت السياره والمفتاح داخل والسيارة مثل ما قلتلك ددسن 2004 حاولت حاولت
وهي تجيني العنز واكسر المثلثه وافتح الباب وثاني يوم ركبت زجاج للمثلثه
لكن تكسير الزجاج وسيلت العاجز
الله يعينك
ديزب
21/02/2008, 11:48 PM
على العموم إن كان تعرف راعي ونش من اللي يسحبون السيارات بناء على أوامر المرور ( مثل اللي بمكة المكرمة ) فهم اعرف الناس بفتح السيارات
تحياتي
معلم 1
22/02/2008, 12:51 AM
أخي صعافيق
لا للوكالة فيها من النصب والكذب الشيء الكثير ، ماعليك إلا أن تتصل على أصحاب الخبرة المختصين بالمفاتيح ، وسوف أعطيك رقمين :
البرادي للمفاتيح بالقصيم أبوعبدالله صاحب خبرة أكثر من 18 سنة في عالم المفاتيح ورجل حبوب يفيدك لو كنت بعيد عنه 0505144693

أبوعبدالله مستشار المفاتيح بالرياض معروف 0504189905

أرجو أنني أفتك
تلسكوب 1
22/02/2008, 03:44 AM
صعافيق
كل هالمفتاح بركه الي خلانا نشوفك في مكشات وانت مسجل في تاريخ التسجيل: Jun 2003

وان شاء الله الشباب ما قصرو معك والله يطرح فيهم البركه وعساك فتحت موترك يالسنافي لا تنسى تبشرنا

والله يعافيك .
صعافيق
22/02/2008, 11:51 AM
قولوا آمين ....ياجعل كل من رد علي بهالموضوع بيوم هالجمعة الفضيل ان الله يجمعن فيه وبوالدي ووالديه بجنات الفردوس.......

ابشركم ...فتحت السيارة,جبت صيخ ويالله دخل مع زاوية الباب حق السواق ومديته لين فتحت القفل
واويق تحت مقعد السواق ولا هذا المفتاح طايح ......

كل الشكر للأخوان الي حطو لي ارقام
ياجعلة بموازينهم....آمين
ابو سيف عنزي
23/02/2008, 09:35 PM
اذا كان له رموت كلم احد اخوانك ياخذ الرموت الاحتياطي ويظغطه وانت تكلم بالجوال ووجه الجوال لسياره ويفتح انشاء الله .

الله يوفقنا وياك
ahmed_717
24/02/2008, 12:20 AM
للمعلوميه ياشباب
اذا موترك وكاله ومازال على الضمان اتصل على الرقم المجاني الي بالاستكر وخصوصا للسيارات الامريكيه ( الجميح - التوكيلات - بالبيد ......... الخ ) وفورد ويجيك حق المفاتيح ببلاش وعلى حساب الوكاله :D :D :D

المعلومه ذي من الشايقي الي بالدمام

وفقكم الله
ناوي نيه
24/02/2008, 05:49 AM
اذا كان له رموت كلم احد اخوانك ياخذ الرموت الاحتياطي ويظغطه وانت تكلم بالجوال ووجه الجوال لسياره ويفتح انشاء الله .

الله يوفقنا وياك

هههههههههههههههههههههههه
تمزح ولا صاادز
Black VTC
24/02/2008, 11:56 PM
اذا كان له رموت كلم احد اخوانك ياخذ الرموت الاحتياطي ويظغطه وانت تكلم بالجوال ووجه الجوال لسياره ويفتح انشاء الله .

الله يوفقنا وياك


صادق والا تمزح و ابجرب طريقتك على محمل الجد مع اني اشك فيها فنياً كلامك غير منطقي :)
اطلنطا
09/03/2008, 04:32 PM
اتمنى ان لايكون قد تاثرت الربل الي في الباب لان ممكن يدخل هواء وانت ماشي مما قديسبب سماع اصوات مزعجه

تقبل مروري

اطلنطا
ولد وايل
09/03/2008, 11:10 PM
يقولون فيه طريقه مجربه تتصل على احد معه ريموت ويضغط عليه وانت حاط الجوال عالسبيكر
ولد وايل
09/03/2008, 11:12 PM
كـــــــــــــــــــــــلام الوايلي ابوسيف عنزي صحيح
سعد777
09/03/2008, 11:12 PM
اقول ياحليل الأكسبدشن رقم سري على الباب يفتح ويقفل حتى لو السياره شغاله
ابو سيف عنزي
14/03/2008, 01:25 AM
هههههههههههههههههههههههه
تمزح ولا صاادز


هذا حسب معلوماتي وانا اخوك
الوديع
08/07/2010, 12:31 AM
فكرتها حلوة