ابغى حل يا النشامى

[AL7OB WA7D]

بسم الله الرحمن الرحيم
السلام عليكم ورحمه الله وبركاته.... اما بعد


موتري جيب بترول (سلق) الزيت ينقص ولا فيه تهريب ولا يطلع مع الشكمان ومدري وش فيه المهم انه اقلق راحتي ومدري وش اسوي فيه المهم رحت لكم ورشه البعض يقول غير الكارتير ونشوف والثاني يقول طرمبه البنزين ونشوف والطامه الكبرى واحد يقول وضبه وعسى المشكله تنحل
موديل 1992

[ابو كلام]

بسم الله الرحمن الرحيم

السلام عليكم ورحمه الله وبركاته.... اما بعد


موتري جيب بترول (سلق) الزيت ينقص ولا فيه تهريب ولا يطلع مع الشكمان ومدري وش فيه المهم انه اقلق راحتي ومدري وش اسوي فيه المهم رحت لكم ورشه البعض يقول غير الكارتير ونشوف والثاني يقول طرمبه البنزين ونشوف والطامه الكبرى واحد يقول وضبه وعسى المشكله تنحل

موديل 1992

لا يقلقك ولا شي انا ابسألك كم ينقص من علبه عند ممشاك اكثر من 1000 كيلوا

[صلفيق]

اذا كان يطلع مع الشكمان دخان ازرق يبيله شنبره يعني توضيب مكينه اذا كان عادي دخانه فانه غير كيذا

[م.أبوإبراهيم]

انا اسمع كثير من الناس يشكون من نقص الزيت وكذلك سيارات جديدة إذا كانت ما تدخن ازرق ولا فيه تهريب شف اول شيء هو يقلب الزيت اسود مره هذا كربون يدخل على الزيت ويلون الزيت هذا بداية نقص زيت وضعف شنبر وكان الزيت بني غير نوع الزيت ترى يمكن بعض انواع الزيوت تتبخر

[الرادار الاسود]

ممكن صوفة المكينة الخلفية مع داير القير ولا يبين

[الوعب]

السلام عليكم ورحمه الله و بركاته


اخوي اذا كنت مركب على السياره هدرز ,, فا الهدرز بعد مرور فره يخلي السياره تصرف شوي زيت
ولكن لااعلم مقدار الصرفيه لاني ما قدر ركبت هدرز على شي من السيارات الي شريت ولكن هي معلومه معروفه

[samfj40]

يعتمد الصرف على عمر المكينه وحالتها او تخزين السياره لفترة طويله بدون استخدام مما يتسبب في نشوفة جلد البلوف وتشققها ويبدا صرف الزيت0 لاحظ السياره عند تشغيلها الصباح بعد وقوفها لمدة 12 ساعه0 ان طلع دخان ازرق ثم اختفى بعد ماتحتمي المكينه فهذه جلد بلوف 0