طرمبة البنزين 99 الحل الاخير

[مخاوي قناص]

السلام عليكم الى جميع من يملك جي ام سي 99وعانى من مشكلة طرمبت البانزين الحل بسيط وغير مكلف 250 سعر الطرمبه دلفيه استرالي + 150تركيب المجموع 400 ريال لاغير والحمد لله على السلامه اخوكم مخاوي قناص
http://www.mekshat.com/pix/upload02/images62/mk32037_b7r64924.jpg

تم رفع الصورة من قبل المشرف

[صحن قلابة]

السلام عليكم ,, يارجال عندنا جمس نفس الموديل خسرت على الطرمبة اكثر من ربع قيمته ومع ذلك مالقيت لها حل ,, اخر شي صرت ارهم لها طرمبة تويوتا وكل ثلاث شهور او اربعه اغيرها ,, بس ياليت تخبرناتفاصيل اكبر عن هالطرمبة ونوعيتها وكم لك وانت مركبها وين احصلها وين ركبتها فيه ولك مني الدعاء في ظهر الغيب

[الدحبول]

مخاوي قناص
كم لك من يوم مركبتها ؟؟
ممكن وصف لكرتونها وإذا في صورة يكون أحسن ؟؟ لون الكرتون ورقم القطعة
من وين اخذتها ؟؟

[مخاوي قناص]

السلام عليكم اسف طولت عليكم هذي الطرمبه تجي لحالها بدون عوامه يعني القلب لحاله الدنمو فقط لاغير وهي مخصصه للجمس 95 اكثر من يركبها سواقين الخط الي سوها لي قالي ركبتها لكثير من الجموس 99 ولا احد اشتكى منها موجوده عند محلات قطع الامريكي للمعلوميه الطرمبه الي افقرتنا 750ريال القلب حقها صيني وبعضها تايوان الي عنده استفسار اناحاضر اخوكم مخاوي قناص

[الدحبول]

الله يلعن الامريكان وخصوصنا G M C
يبيعون الطرمبة مع العوامة مايبيعون الطرمبة لحالها
وطرمبهم مش حلك ان طولت سنة
بيض الله وجهك يذيب بقول للربع يلي معهم جموس

[.أبوعبدالرحمن]

فيه ايضا حل اخر وهو تركيب طرمبة (في اكس ار) وايضا الشبح مقاس 500


هذي كلها لو تتركب على الجمس بإذن الله ان تنسى مشكلة الطرمبة

[dosss]

أولا أشكر كاتب الموضوع والإخوة الذين علقوا على الفكرة



وأنا عانيت من طرمبة بنزين اليوكن 99 أمريكي ، وقال المهندس إنها من عدم انتظام الدائرة الكهربائية .

وكانت تظهر لي في الطبلون عبارة chek gages وبحثت عن معناها فلم أجد إلى ذلك سبيلا

فكل كهربائي يدلي بدلوه و يتطببون بسياراتنا ويتعلمون ونحن الضحايا


المهم أنني اهتديت إلى شور شروا من يقرأ وهو تركيب طرمبة vxr والحال ماشي من شهر


تقريبا والحمد لله . والتركيب تم في ورشة ابو عادل قريب من كبري طريق الخرج بالصناعية


القديمة ،، وللجميع تقديري واحترامي ..:j

[لن أمل من العطاء]

dosss

يا حبيبي المبه اللي تقول
لا تظهر الا عندما يكون احد مؤشرات العدادات في غير وضعه الطبيعي يعني اذا ارتفعت درجة الحرارة او نزل مؤشر البطارية الى الاحمر لازم الاحمر في اي مؤشر يقوم يأشر ولكن لا اعلم انه يشتغل في عداد مستوى البنزين ما قد اشتغل معي

الحالة الثانية انه يكون في احد العدادات عطلان يعني مؤشر الحرارة عطلان على طول تشتغل اللمبة

عند بداية التشغيل يومض لفترة قصيره للفحص عن الاعطال ثم يطفا مثله مثل لمبة الايه بي اس و لمبة الزيت او البطارية او السيرفس انجن سون

ارجو اني افدك وشكرا

[مخاوي قناص]

السلام عليكم جميع الله يسلم جميع من تفاعل وشرفني بمروره وارجو من الاخوان الي له خبره في تنزيل الصورابرسله صور الطرمبه وسائط على الجوال لكي ينزلها على الموضوع ونفيد اخواننا ونكون شاكرين له مخاوي قناص

[مخاوي قناص]

السلام عليكم يا شباب:director: اخواني:director: يامكشاتيه :director:واحد يرسلي رقم جواله على الخاص ارسله صور الطرمبه ينزلها لنا على الموضوع ونكون شاكرين له نفيد اخوننا اخوكم مخاوي قناص

[0العاصمي0]

مشكووووووووووووووووووووور وماقصرت اخوي
هذا رقمي ارسلي وسائط وانا راح انزلها بأذن الله
053678412

[0العاصمي0]

مشكووووووووووووووووووووور وماقصرت اخوي
هذا رقمي ارسلي وسائط وانا راح انزلها بأذن الله
0533678412

[مخاوي قناص]

العاصمي ارسلت لك الصور الله يسلمك ويجزاك خير اخوك مخاوي قناص

[dosss]

لن أمل من العطاء (http://mekshat.com/vb/member.php?u=43653) http://mekshat.com/vb/images/statusicon/user_offline.gif





ياحبيبي : نعم أفدتني كثيرا فقد كانت اللمبة chek gages تؤشر بسبب عطل مؤشر الزيت وليس لها علاقة بالخلل في طرمبة البنزين ، وعرفت هذا بعد فحص السيارة .

أشكر لك مداخلتك واهتمامك ، ودمت بود وعافية .

[لن أمل من العطاء]

dosss

يعني اجابتي صح


الله يوفقك ويأخذ عمرك ويدخلك الجنه مع الابرار....

طيب اش صار بعدين

هل المؤشر عطلان او ساعة الزيت الخاصة بنقل القراءة من المحرك للمؤشر

وكيف انحلت المشكله

[ابو رفيعي]

يا اخوان الحل الزين للطرمبه
هو مجرب على كابرس 94 ويوكون 99 وسوبر بان 2003

هو ان البنزين لا ينقص عن الربع في التانكي ابد وشوف وشلون راح تعيش معك الطرمبه

الي يقول كل 3 شهور اغير جرب هاذي الثلاث شهور وشف وشلون راح تطول معك الطرمبه

[مخاوي قناص]

يا اخوان الحل الزين للطرمبه
هو مجرب على كابرس 94 ويوكون 99 وسوبر بان 2003

هو ان البنزين لا ينقص عن الربع في التانكي ابد وشوف وشلون راح تعيش معك الطرمبه

الي يقول كل 3 شهور اغير جرب هاذي الثلاث شهور وشف وشلون راح تطول معك الطرمبهابورفيعي شرفتني بمرورك انا اخوك ولاكن انا جربت الطريقه الي تقول:no: :no: :no: :no: اكثر طرمبه طولت عندي 6 اشهر

[مخاوي قناص]

مشكووووووووووووووووووووور وماقصرت اخوي
هذا رقمي ارسلي وسائط وانا راح انزلها بأذن الله
053678412 العاصمي جوالك ما استقبل الرسائل الجوالات مختلفه جوالي m70:confused: :confused:

[0العاصمي0]

http://www.up-00.com/uploads/B7r64924.jpg (http://www.up-00.com/)



واعذرونا عالتأخير...............

[monsixnet]

بارك الله فيك

[مخاوي قناص]

الله يسلمك وبارك الله فيك اخوي العاصمي

[سفاري فتك]

الا يأخوان ابعدوا عن الامريكي لابارك الله فيه
علل في علل خذو ياباني احسن منه واجد صح انه اغلاء بس لك والمستقبل
يمسك قيمته ولابه خسائر مثل الامريكي

[الوافي0]

يا شباب ترى اغلب العطل يكون من الفيششششش الي يركب بالطرمبه
يعني راس الفيش يتحرك وهذي صارت معي بسيارتين يوكن وجمس الطرمبه خرابها ما هو بسهل انها تخرب بسرعه شيكوا على الاسلاك ترى اغلب الخلل منها والكهربائي ما يعلمك عشان تفك عنده باستمرار ويحط العيب بالقطع فارجو الاتنباه لهذي النقطه

[رحال200]

السلام عليكم

مساكم الله بالخير

يااخواني انا انصح انكم تركبون الطرمبه الاصليه حقت بلدها وقيمتها 850 وابتعدوا عن التولييف لاني مجرب علي Gmc موديل 98 وركبت الطرمبه وسوت لي مشاكل وتعطلت علي السياره بالخط من جده الي الرياض وذلك بسبب ان ضخ البنزين فيها يكون مختلف عن الطرمبه الاصليه يكون معدل ضخ البنزين فيها اقوي وبذلك يؤثر علي المنظم


واتمني لكم دوام الصحه والسلامه

[ALI_M]

يا اخوان بالعربي لا تخلوا البنزين ينزل عن الربع بأي حال من الأحوال

عندنا يوكن 98 غيرنا الطرنبة 3 مرات من يوم طلعناه من الوكالة وكله بسبب عدم تغيير الفلتر حق البنزين وان البنزين يقل عن الربع او انك تعبي السيارة بنزين وهي شغالة

علما ان سعر الطرنبة الأصلية 1450 ريال اما اللي موجود في المحلات وغير هذا السعر يمكن يكون اصلي بس الرقم حق الطرنبة يختلف فك حقت الوكالة وطابق عليها او اطلب رقمها من الوكالة واشتر زيها

مع العلم انها في الوكالة بـ1700 ريال

وميزة الطرنبة تعطيك تنبيه قبل ما تتعطل بمدة وهي انك لمن تكون ماسك خط ويعني جاي من مشوار لمدة اكثر من نصف ساعة

تسمع صوت صفير ولا تتعطل الطرنبة من اول مره تنطفي السيارة مرة وثنتين يمكن خلال يومين الى اسبوع

وبالعربي ولف حقت لاندكروزر اصلي بحوالي 500 ريال وليس الياباني بحوالي350 ريال مع اجرة الترهيم الشغلة كلها يمكن 800 ريال

وبالتوفيق

[pass2love]

Delphi

دلفي قطع امريكيه ممتازه ولو لها مصنع في اكثر من بلد منها استراليا

اشتريت سلف كابريس 93 بسعر 270 ريال

ماشاء الله تبارك الله له سنه ونصف وومتاز جدا

وهي شركه افضل من اي سي دلكوا الي كثير منها مقلد

تحياتي

[مخاوي قناص]

Delphi

دلفي قطع امريكيه ممتازه ولو لها مصنع في اكثر من بلد منها استراليا

اشتريت سلف كابريس 93 بسعر 270 ريال

ماشاء الله تبارك الله له سنه ونصف وومتاز جدا

وهي شركه افضل من اي سي دلكوا الي كثير منها مقلد

تحياتي هذا الكلام الي سمعته ان دلفي قطع جيده وهي افضل الموجود اما هل تركب على انواع اخرى من السيارات الله اعلم كل طرمبه لها قوت دفع خاصه بها

[بدوي جنوبي]

ما شاء الله عليك مخاوي قناص
حاول ترسل اكثر من صورة اوضح من كذا
وانا اعدلها في الصفحه الاولي
عشان اثبت لك الموضوع

بالتوفيق

[مخاوي قناص]

ما شاء الله عليك مخاوي قناص
حاول ترسل اكثر من صورة اوضح من كذا
وانا اعدلها في الصفحه الاولي
عشان اثبت لك الموضوع

بالتوفيق
الله يسلمك مشرفنا ومشرفني بمرورك الطيب عطني رقم جولك وبرسلها لك وسائط اوضح وادق انشاء الله

[مخاوي قناص]

هذي الصوره اوضح انشاء الله http://www.mekshat.com/pix/upload02/images63/mk43977_123.jpg

[مخاوي قناص]

اخواني هذي الصوره هي صورة المحرك او الدنمو قلب الطرمبه وهو اهم قطعه في الطرمبه ولاكن احذركم لا تركبها الا عند واحد له خبره في التركيب والترهيم

[السنع كله]

انا بالامس رهمت طرنبة تويوتا وعلى الله التوكل وكم الجمس غثيث

[لن أمل من العطاء]

انا بالامس رهمت طرنبة تويوتا وعلى الله التوكل وكم الجمس غثيث


حبيبي قلنا بالضبط اش نوع الامريكي اللي معاك ووين رهمت وكم التكلفة واهم شيء اش الطرمبه اللي ركبتها حقت لاندكروزر اي موديل بالضبط

وهل لفت انتباهك شيء غريب تود الاشارة اليه ليستفيد اعضلء المنتدى من تجربتك

وشكرا لك

[مخاوي قناص]

حبيبي قلنا بالضبط اش نوع الامريكي اللي معاك ووين رهمت وكم التكلفة واهم شيء اش الطرمبه اللي ركبتها حقت لاندكروزر اي موديل بالضبط

وهل لفت انتباهك شيء غريب تود الاشارة اليه ليستفيد اعضلء المنتدى من تجربتك

وشكرا لك لن امل من العطاء علامك اناخوك زعلان :mad: :mad: :mad: ذحين يجيب التفاصيل بس انت لا تعصب :no: :no: :no:

[لن أمل من العطاء]

ماني معصب لكن لكي نستفيد من التجربة


شكرا لمرورك اخي الكريم


وتذكروا

لن أمل من العطاء

[لن أمل من العطاء]

تدرون وش الحل

انا باركب دينمو غطاس وارد باغانم واشغله بماطور كهرباء

واتحدى عاد تخرب

[االديحاني]

بارك الله فيك

[vx444]

السلام عليكم
مرحبا يالربع
هل الامر متعلق بالـ 99 وما دون
والي موديل 2002 ونيت استعمال امريكي هل يعاني من مشكلة ............؟
والشكر موصول للجميع

[البدائع ديرتي]

اخوي مخاوي قناص الله يجزاك الف خير على المعلومات الطيبة لأني عانيت كثيراً من الطرمبة اكثر من (8) مرات.
ارجوا انك توضح اسم الورشة او رقم هاتف او جوال للاتصال و وين احصل على طرمبة دلف

اخر مرة ركبتها بعطلة الربيع الماضية حقت فورد اكدبشن (8) سلندر بورشة بصناعية العروبة وصى عليها ابو عبدالرحمن الصفيان بالبداية مالها صوت لكن اليومين هذي اذا طفيت السيارة تسمع صوت ( زنه ) تكفى رد .

تقبل م ر و ر ي

[بنزرت]

سلام يا اخوان
مشكله طرمبه الامريكي انها اذا خربت مره وحده تخرب دايم
وعلى فكره ترا المشكله تكون مو في الطرمبه بل بالكمبيوتر لانه ربما يعطي كهرباء زايده او ناقصه ومن ثم تخرب الطرمبه.....وسبب خراب الكمبيوتر ان بعض الناس لما تخرب الطرمبه لانتها عمرها الافتراضي او لانه مخليها تسحب من الوسخ اللي في التانكي انه يقوم يبي يوفر على نفسه ويشتري طرمبه اصليه او تجاريه من السوق(قلب طرمبه ) وبعدين هالطرمبه تعطي معلومات خاطئه للكمبيوتر مما يزيد او ينقص الكهرباء و بعدين حتى لو ركبت اصليه ما راح تضبط معك لانه انتقل الخراب من الطرمبه الى الكمبيوتر
صار معي هذا الشئ مع سياره جمي 96 غيرت الطرمبه (قلب طرمبه بــ 120) وخربت بعد مده ثم غيرتها بثانيه وخربت مره ثانيه ثم رحت للجميح وغيروها لي بــ 3400 ريال وبعد اقل من شهر خربت وغيروها بوحده ثانيه لان الاوله على الضمان وبعت السياره بعد التغيير على طول
والحل انك تقوم بتغيير الطرمبه من اول مره بوحده اصليه عند الوكيل الله لايوفقه وهو يعطيك الضمان وسلامتكم

[عاشق z71]

طيب حبيت اسال يالغالي هل مشكلة الطرمبه فقط بموديل 99

[البدائع ديرتي]

السلام عليكم مخاوي قناص
ارجوا الرد على الله يحفظك

[مخاوي قناص]

اخوي مخاوي قناص الله يجزاك الف خير على المعلومات الطيبة لأني عانيت كثيراً من الطرمبة اكثر من (8) مرات.
ارجوا انك توضح اسم الورشة او رقم هاتف او جوال للاتصال و وين احصل على طرمبة دلف

اخر مرة ركبتها بعطلة الربيع الماضية حقت فورد اكدبشن (8) سلندر بورشة بصناعية العروبة وصى عليها ابو عبدالرحمن الصفيان بالبداية مالها صوت لكن اليومين هذي اذا طفيت السيارة تسمع صوت ( زنه ) تكفى رد .

تقبل م ر و ر ي منك السموحه انا خوك والله اني انشغلت وتوي الي شفت رسالتك الطرمبه طال عمرك موجوده في المدينه المنوره محلات السلامه لقطع الامريكي و محمد حمزه

[مخاوي قناص]

طيب حبيت اسال يالغالي هل مشكلة الطرمبه فقط بموديل 99
الله يسلمك انا سمعت انها الى 2001 هلمشكله مستمره

[العودالازرق]

قبل ثلاثة أشهر حصلت معي مشكلة الطرنبه والحمد لله لقيت
عند ورشة شلنجر حل لها طرنبة الماني ضمان شهرين
لكن ما يعلموك أي سيارة إلماني
المهم قيمتها 800 ريال
والزين فيها تحسن أن الموتر تغير عزمه عساها تدوم
الصراحه طرنبه تستحق الثمن

[مخاوي قناص]

قبل ثلاثة أشهر حصلت معي مشكلة الطرنبه والحمد لله لقيت
عند ورشة شلنجر حل لها طرنبة الماني ضمان شهرين
لكن ما يعلموك أي سيارة إلماني
المهم قيمتها 800 ريال
والزين فيها تحسن أن الموتر تغير عزمه عساها تدوم
الصراحه طرنبه تستحق الثمن
ونااخوك 800 شوي غاليه بس لو هي الماني الماني تستاهل المهم يرتاح الواحد من القلق حقها

[السنع كله]

حبيبي قلنا بالضبط اش نوع الامريكي اللي معاك ووين رهمت وكم التكلفة واهم شيء اش الطرمبه اللي ركبتها حقت لاندكروزر اي موديل بالضبط

وهل لفت انتباهك شيء غريب تود الاشارة اليه ليستفيد اعضلء المنتدى من تجربتك

وشكرا لك 000اهلا بالغالي ::قلب طرنبة vxrموديل2007السعر 500التركيب مع حاجة فلتر او شيء اخر ب300كان العزم احسن نسيت اقول ان نوع الامريكي 1500دفرنسين شفر

[مخاوي قناص]

حبيبي قلنا بالضبط اش نوع الامريكي اللي معاك ووين رهمت وكم التكلفة واهم شيء اش الطرمبه اللي ركبتها حقت لاندكروزر اي موديل بالضبط

وهل لفت انتباهك شيء غريب تود الاشارة اليه ليستفيد اعضلء المنتدى من تجربتك

وشكرا لك 000اهلا بالغالي ::قلب طرنبة vxrموديل2007السعر 500التركيب مع حاجة فلتر او شيء اخر ب300كان العزم احسن نسيت اقول ان نوع الامريكي 1500دفرنسين شفر
السنع كله مرحبا فيك اثريت الموضوع الله يسلمك شاكر مرورك وش مديل سيارتك الله يسلمك اخوك مخاوي قناص

[ابوناصر0]

السلام عليكم...

الحل عــنــدي....وانسى الطرمبة

لقيت ورشة يركب طرمبات الجمس الاصلية ( مع الضمان وبدون ترهيم ) وفني سعودي

وموقعه شمال الرياض شارع التخصصي ...... وهاذا رقم جواله (0567208725 )

وادعوا لي

[مخاوي قناص]

السلام عليكم...

الحل عــنــدي....وانسى الطرمبةلقيت ورشة يركب طرمبات الجمس الاصلية ( مع الضمان وبدون ترهيم ) وفني سعودي

وموقعه شمال الرياض شارع التخصصي ...... وهاذا رقم جواله (0567208725 )

وادعوا لي


هلا يالغلا الله يوفقك كم السعر ياغالي
اخوك
مخاوي قناص

[مديون1]

يا اخوان ....
خلو الترهيم وغيره انا مجربها كلها !!!! .. واخر شى قريت قبل سنه ان الحل طرمبة دلفى مثل ما قال صاحب الموضوع وهى اللى فى الصوره .. ويالله لك الحمد حول السنه وما شاء الله ..
جربت الوكاله وثلاثه شهور وخراب وجربت الكهربه والاسلاك والكميوتر وطرمبات فورد ويابانى ولا فاد بس دلفى من سنه ونص الى سنتين ان شاء الله ما تخرب ... .. مع العلم ان موترى جمس دبل (97) بس خل بالك من التالى:
1: حاول انك ما تمشى بسرعه فى البطانيج خاصه التطعيس !!! ليه لان التانكى كبير جدا يمشيك 950 كيلو وانا مجرب بسرعه 130 مكينته 350 يعنى التانكى واسع والطرمبه يلعب فيها البنزبن اذا وصل النص بسبب حركته يعنى مثل قربة الماء
2: اذا بتعبى من المحطه طف الموتر ثم خله يعبى واذا خلصت وحاسبت شغل
3: اذا كنت ماسك خط وقفت لا طفى الموتر على طول اصبر دقيقه ثم طفه
4: كل ستة شهور غير الصفايه تراها ب 25 ريال ويمكن يركبها لك بلاش بعد
5: تأكد من البخاخات ووزن الديلكو لان لها دور فى ذلك والسالفه شغلة حساسات
6: كل شهر افصل اصبع البطاريه وخلها ربع ساعه ثم ركبها يعنى رستتارت للكيموتر حق الموتر
واخير الله يفكنا منه وبحسن منه انه على كل شى قدير سبحانه

[مخاوي قناص]

يا اخوان ....

خلو الترهيم وغيره انا مجربها كلها !!!! .. واخر شى قريت قبل سنه ان الحل طرمبة دلفى مثل ما قال صاحب الموضوع وهى اللى فى الصوره .. ويالله لك الحمد حول السنه وما شاء الله ..
جربت الوكاله وثلاثه شهور وخراب وجربت الكهربه والاسلاك والكميوتر وطرمبات فورد ويابانى ولا فاد بس دلفى من سنه ونص الى سنتين ان شاء الله ما تخرب ... .. مع العلم ان موترى جمس دبل (97) بس خل بالك من التالى:
1: حاول انك ما تمشى بسرعه فى البطانيج خاصه التطعيس !!! ليه لان التانكى كبير جدا يمشيك 950 كيلو وانا مجرب بسرعه 130 مكينته 350 يعنى التانكى واسع والطرمبه يلعب فيها البنزبن اذا وصل النص بسبب حركته يعنى مثل قربة الماء
2: اذا بتعبى من المحطه طف الموتر ثم خله يعبى واذا خلصت وحاسبت شغل
3: اذا كنت ماسك خط وقفت لا طفى الموتر على طول اصبر دقيقه ثم طفه
4: كل ستة شهور غير الصفايه تراها ب 25 ريال ويمكن يركبها لك بلاش بعد
5: تأكد من البخاخات ووزن الديلكو لان لها دور فى ذلك والسالفه شغلة حساسات
6: كل شهر افصل اصبع البطاريه وخلها ربع ساعه ثم ركبها يعنى رستتارت للكيموتر حق الموتر

واخير الله يفكنا منه وبحسن منه انه على كل شى قدير سبحانه


الله يسلمك مرورك اثرى الموضوع تسلم ياغالي مشكورين
وربك يعوضنا خير منها وافضل انه هو الرزاق الكريم

[كبسولة2]

مشكوووووووووووووور