المساعد الشخصي الرقمي

مشاهدة النسخة كاملة : لعشاق السيارات القديمة: هاف ميركوري 1966


دوج بارويقن
03/02/2008, 01:37 PM
بسم الله الرحمن الرحيم


السلام عليكم ورحمة الله وبركاته


لدي سيارة تعرف باسم الهاف ميركوري 1966....وهي نفس الهاف فرت 1966 بالشكل الخارجي ولكن تختلف بالعلامات على السيارة من الخارج.....لدي استفسار لعلي اجد الجواب للعديد من الأسئلة لدي هنا......هل يوجد من يعرف الفرق بين السياراتين من ناحية قوة المكينة.....وتاريخ السيارة في بلادنا......الهاف فرت اشتهر بانه كان ملك التهريب في بلادنا في السابق.....من لديه اي معلومة....الرجاء لايبخل علي


تحياتي


http://photos.imageevent.com/saudipw/powerwagoninsaudi/websize/IMG_3428_3.jpg
القناص-sniper
03/02/2008, 01:46 PM
ان شاء الله يفيدونك الشباب
شيخ الشرقية
09/07/2008, 01:21 PM
ألي أعرفه أنه الطبلون يكون جلد بس عن قوة المكينة مدري والله
الدبره
14/01/2011, 07:30 AM
وعليكم السلام

هلا بالبرويقن

بخصوص الفرت والمركني

اعطيك مثال

لما نلاحض شركة جمس وشفر كلهم يتشابهون بالونيتات بس تخلف العلامة الامامية والباب الخلفي اما القالب واحد والمواصفات تقريبا مثل بعض

اما الفرت فهو مثل المركني واختلافه بالباب الخلفي والعلامات الجانبيه والكتابه الي فوق الشبك الامامي بسبع احرف ميركري

بخصوص الماكينه فالميركري اقوى ماكينه من الفورد وهي نفس الشكل تختلف بالبساتم مقاسها اكبر 4.5 يعني زي بالجمس 350 وفيه 454 واذا تبي تعرف ان الماكينه مكينة مركني فيها 3 ادله
1 - حرف T بالثلاجة جنب الكبليتر من الامام = وهذا مو دليل لان بعض الفروت يركبون ثلاجة مركني
2 - رقم 502 يجي على السرندل من الامام تحت الكويل جنب الطرنبه بالجهه اليسرا من الراكب وهذا دليل موكد بانها مركني اما بالنسبه لرقم الفورد فهو يختلف يجي رقم 352 بالهاف والعايدي
3 - البستم اكبر وعمود الماكينه اضخم مقاسه ولا يركب للفورد واذا ركب مايدور بالفورد

اما بخصوص التلبيسة الطبلون فهذا مو دليل لان بعض الفروت تجي تلبيسه والبعض مايجي ولميركري يجي تلبيسه والبعض مايجي على حسب المواصفات والمورد وكذالك الراديو يجي ببعض السيارات والبعض مايجي

وفيه ناس الان يجيب سياره فورد 66 ويركبله واجهة وعلامات وباب خلفي ميركري لان الميركري اقوى في هذاك الوقت واحسن سمعه بالتهريب واذا تبي تتاكد ان السياره الي امامك هل هي ميركري او فورد افتح باب السواق وشف البليته المعدنيه وتاكد من رقم الشاصي اذا اول حرف F35 فانه فورد واذا صار الحرف M35 فانه ميركري واذا مالقيت الرقم بالباب تاكد من الشاصي وله رقمين بالشاصي واحد امامي والثاني بنص الشاصي جنب بطارية السياره من اعلى الشاص
الامامي بالجهه اليمنى بجانب القزوز الي راكب بالماكينه والثاني ويسمى بالسري افتح غطا البطاريه تلقاه فوق البطاريه بين الشاصي والغماره

هذا معرفتي بالفروت وعذروني على الاطاله
جديعان
14/01/2011, 12:17 PM
مااا شا الله تراني من هوات السيارات القديمه وعندي ثلاث تايوتا
عزوبي
14/01/2011, 12:46 PM
مشاء الله تبارك الله
جزلا
14/01/2011, 01:18 PM
ماشاء الله تبارك الله
ابوصالح77
14/01/2011, 02:10 PM
ما شاء الله تبارك الله
الله يعافيك يالدبره على هالمعلومات