فزعتكم وشوركم علي

[sall]

السلام عليكم

لي فترة وانا ادور سيارة وعجزت لا ارسي على شي حتى بعض الناس بدوا يقولون مارح تشتري الا بعد سنتين صراح طفشت ولا فيه شي حلوو ويستاهل الا الغالي
(مد رجليك على قد لحافك)
شفت اللاند كروزر (تراه المفضل عندي) غااااااالي
شفت الباترول سفاري غااااااااااالي
بديت ادور بالربعوع نيسان أو تايوتا ، صراحه ما يستاهل
بالوكاله ومو متوفر النيسان ربع بـ88.000 ريال سياحي مرررره درايش هندل
ربيعان تايوتا غاااااااااالي 100.000ريال على موتر زي هذا

وما ابي الا جيب

وش أشتري تكفووووووون ساعدوني ودلوني على الخير

جزاكم الله خير وأنتم مرجعي بعد الله

[.أبوعبدالرحمن]

طيب انت كم فلوسك تقريبا اللي تبي تحطها للسيارة ؟؟؟؟؟؟؟

[ولد وايل]

اذا تقدر عالربع خذه ودرايشه مقدور عليها بالغرابي تسوي الكفت طيب خذ لك اكس تيرا نيسان

[عاشق السيل]

أنت أول قل كم فلوسك وإن شاء الله تلقى من يشور عليك زين ،،

وبعدين ترى مو لازم تاخذ جديد !!!

بانتظار ردك ......

[sall]

شاكر لكم تفاعلكم معي
فلوسي جزاكم الله خير 80.000 وقابله للزيادة الى الـ 85.000 - 90.000 حسب الظروف ذاك الوقت

وما أقدر إلا اني اقول جزاكم الله خير الموضوع مررررررررره مشغل راسي:confused:

[cute]

اذا فلوسك ببحر الثمانين خذلك ربع نيسان وانت مغمض وحتى لو قدر الله ماجازلك تقدر تبيعه وتراه شيك مايطيح بسعره واجد وبعدين تراه مريح وهادي بالخطوط وعزمه نشيط بالبر وقبل كل شي لاتنسى تصليلك ركعتين استخاره وسلامتك

[SE.3500]

الصراحة لو أن الباثفاندر 2007 على نفس الشكل القديم كان نصحتك به

أنصحك بربع النيسان تراه ممتاااز لكن يبيلك تكب عليه فلوس(تظبطه).

[الذيب المغترب]

السلام عليكم
مسيكو بالخير...خذلك فورتشنرtoyota جديد حليل وسعر مناسب

[برنو بيشة]

اذا فلوسك ببحر الثمانين خذلك ربع نيسان وانت مغمض وحتى لو قدر الله ماجازلك تقدر تبيعه وتراه شيك مايطيح بسعره واجد وبعدين تراه مريح وهادي بالخطوط وعزمه نشيط بالبر وقبل كل شي لاتنسى تصليلك ركعتين استخاره وسلامتك


ونعم الشور وما تندم أبد

[sall]

السلام عليكم

جزاكم الله خير على النصايح

ربع نيسان فيه واحد جديد وكالة بـ 88.000ريال بس ستاندر متوفر حالياً بس انا متردد بقوة يعني انا ابي ازيد على فلوسي منا ومنا سلف شي عشان بالاخير اشتري شي زي هذا
يعني لو انه بـ 75.000 ارحم اخذه وانا مرتاح بس زيادة هل 10.000 رددتني لاني ابي اتسلف
محتاااااااااااااااااااااااار والوالد ما أيد الربع النيسان بهذا السعر ابداً يقول غباء

اما الفورشنر تصميمه الداخلي والخارجي مو ذاك الحلو خصوصاً من داخل وخصوصاً اني كنت اضحك به اول ما نزل ماله داعي اشتريه
شخبـــييييييييييييط براسي والله ما ادري وش اقول ما ادري وش اسوي
ما عندي مشكلة انتظر لكن اشتري الشي الزين

((((((((ياااااااااااااااااااااااااااويلي يالهدد بس))))))))))

[بدوي جنوبي]

الله يرزقك بهدد قول امين

[نمر 33]

شفلك هدد خليجي مستعمل من قطر ولا الإمارات تحصل

إذا تبي جديد خذلك فورتشينر جديد2008 وأتن مغمض سعره في بحر الثمانين دبل و6 سلندر وتراي مثلك ماجازلي أول مانزل بس الأن أقتنعت فيه وذف

الله يرزك الي يطيب خاطرك

[عقام جدة]

الله يوفقك ويرزقك الزين

[شقران نجد]

بالخير اخوي sall

اول شي استخر الله سبحانه ثم خذ في شور اخوانك بالنسبه اذا انت رجال ما نت متعدي الموترين اللي ذكرت ربع نيسان او تويوتا خذ النيسان اريح وارغب في البيع وزباينه واجد .....ودي اقولك لاتتعدى الهدد لكن ماراح تلاقيه بالقيمه هذي واذا ماعندك مانع بشور عليك بموتر ببحر الميه وقيمته فيه خصوصاَ اني فهمت من كتابتك انها سياره شخصيه وانت عزوبي للحين .....

http://www.mlama.com/up/uploads/94c5a50dc8.jpg

والله يوفقك ويكتب لك الخير ....

اخوك
ابونمر

[عاشق السيل]

طيب ليش ماتدور ربع نيسان 2005 أو 2006 مستعمل بافضل المواصفات وتبي تلقى النظيف بإذن الله ،،

وإذا قلت لازم جديد اتكل على الله وخذ السياحي حتى لو تسلف زيادة فلوس تراه يستاهل وإن شاء الله إنك تبي تحافظ عليه وتخليه معك سنين وصدقني ماراح تندم على مثل هالموتر !!!

أسأل الله الكريم رب العرش العظيم أن يرزق السيارة اللي تطيب خاطرك ويطعمك من خيرها ويكفيك شرها ...

[sall]

السلام


أمس رحت درت في الوكالات تايوتا (فورتشنر- سته سلندر توماتيك فقط بـ 103.000 ريال)
( برادو توماتيك بس 125.000ريال) قفلت معي


رحت لمتسوبيشي ابي ربع باجيروا قالي ما فيه الا فل كامل جنط 18 مكينة 3.8 سته سلندر توماتيك دبل قير مراتب جلد فتحه فل فل كامل مره مراتب كهرب بـ 111.000ريال قفلت معي زود


رحت لفورد ابي أسأل عن اكسبلورر دبل وسياحي بـ 96.000 ريال ما يستااااااهل طبعاً توماتيك بس ابد ما يستاهل.


آآآآآآآآآآآآآآآآآآآخ وش اسوي

[شقران نجد]

اخوي sall.....

سلامتك من الأاااااخ .....

شف وانا اخوك لا تتعدى النيسان والتايوتا اذا انت رجال تستخدم تبيع اللي ذكرت كله ماراح يمسك قيمته لو بغيت تبيع يعني خلك على الربع النيسان او شاص تويوتا او ربع تويوتا ولا تفكر بغيرها ,,,,,

الميتسوبيشي حلو وعملي ولكن جود السوق ولا جود البضاعه وقليل زباينه ويكسرون قيمته والفورد اكسبلورر عائلي وكبير

والله يوفقك بالموتر اللي يسر خاطرك

[sall]

السلام

رحت امس أشوف الدوج رام (حوض) قالوا لي فيه قير عادي ودبل عصا (يعني الدبل زي القير)
سياحي بـ120.000ريال هبااااااااااال
وش بهم العالم كذا الاسعار مب صاحيه ابد ليه؟

ونبحل حنا يا المشترين .
شكلي والله أعلم آخر شي اخذ لي يوكن استعمال امريكي يمكنه رخيص ولا وش رايكم

[صقرالعرب2007]

والله اليوكن حطه على يمناك

[المميـز]

انت شكلك تبي جديد ويكون جيب ويكون قير عادي وياباني

مالك الا

البــاجيــــرو

سياره يابانيه ممتازه وتتحمل كل شيء

والدبل ( دف لوك )

موديل 2008 اربع ابواب فتحه وثلاجه خبري فيه مايتعدى 96000ريال

واذا ماتبي فتحه وثلاجه تلقاه عند الوكاله بـ 88000ريال

واذا تبي ربع باجيرو وش تبي بالفل خذ اللي اقل من الفل بدون فتحه وثلاجه وقير عادي وجنط 16 ( تراني ما اقصد اللي مثل حق الدوريات )

وعليك
بالاستخاره بعد الاستشاره

[alkongrs]

فورتشنر 4اسلندر انا جربته خط ونفود راحه قيمتوه 85الف الى 87الف
تقبل مروري

[مـدحـدر]

ههههههههههههههههههههههههههههههههههههههههههههههه
ههههههههههههههههههههههههههههههههههههههههههههههه


سبحان الله مثل حالتي



رااااسي دااااااااااااااااخ من كثر الارياء


والله يعينك ويعينا



بس اقولك فكر بال fj كروز تراة بالميه الف وقيمته فيه لو اني عزوبي كان شريته بدون ما اشاور



متابع