ماهو أفضل محل لتعديل الجمس في الرياض ؟

[جال القلايل]

السلام عليكم ورحمة الله وبركاته ،،

ياليت لو حد يفيدنا من الأخوان في الرياض عن أفضل محلات التضبيط والتعديل للجمس هناك ،،

الجامبينات والشد الخشب وجميع الإكسسوارات المتعلقة بالجمس البيك أب ،،

[جال القلايل]

معقولة ماحد يعرف ؟

[جال القلايل]

للــرفــع ،،

[وسيـع البـنايد]

حـياك الله .. يا جـال القـلايل

ومرحبا بك في ديـرتك .. بالنسبة للجموس في ورش كثيرة وبالنسبة للإكسسورات
أظـن إن الغرابي فيه كل اللي تبي من شـد ومن تخشيب .. أما بالنسبة للتعديل على الموتر
فالإخوان يفيدونك عن أسماء الورش المجربة ..

[جال القلايل]

حـياك الله .. يا جـال القـلايل

ومرحبا بك في ديـرتك .. بالنسبة للجموس في ورش كثيرة وبالنسبة للإكسسورات
أظـن إن الغرابي فيه كل اللي تبي من شـد ومن تخشيب .. أما بالنسبة للتعديل على الموتر
فالإخوان يفيدونك عن أسماء الورش المجربة ..


لاهنت على ردك أخي الكريم ، وياليت تحدد لنا موقعه أو رقم تليفونه !

وبانتظار بقية الأخوة لعل هنالك محلات أخرى لإكسسوارات الجموس من شد وجنوط وخلافه ،،

[جال القلايل]

وينكم يالنشامى ؟

[أبو إبتهال]

ابشر بلي اعرفه
بنسبه للاكسسوارات مثل ماتفضل الاخ وسيع البنايد رح للغرابي
واذا كان موترك قديم فيه محل شفته في الصناعيه القديمه يصلح الفرود والدوج القديم اواي سياره خاصه اذا كانت قديمه واظن اسمه الطيف وموقعه بعد ما تتعدا ميزان العضيب بتجاه الشرق اول دخله يمين يجيك على اليسار
اما تجهيز السياره ببطاريه احتياط اول لمبات او ماطور هواء اوتوليف اي شي تبغاه فيه محل سوافي موقعه بعد ماتتعدا مخرج 18 بتجاه الشرق في الصناعيه الي على يمينك اذا انتها البنيان يجيك شارع على اليمين ادخله يصير وجهك جنوب بعدها يجيك كبينة اتصالات ومحلات على اليمين لف بعدها وتجه غرب ثاني شارع على اليسار ادخله بتجيك الورشه في نهاية الشارع بوجهك وشغلهم نضيف انا مجربهم بس مشكلتهم غالين واعذرني اذا صار في خطى في التوصيف لاني اخر مره جيتهم قبل سنه وركبت عندهم بطاريه احتياط في جمس ايام رخص البطاريات والحمدلله مالقيت اي مشاكل واعذرني على الاطاله او التقصير
وتقبل احترامي

[جال القلايل]

ابشر بلي اعرفه
بنسبه للاكسسوارات مثل ماتفضل الاخ وسيع البنايد رح للغرابي
واذا كان موترك قديم فيه محل شفته في الصناعيه القديمه يصلح الفرود والدوج القديم اواي سياره خاصه اذا كانت قديمه واظن اسمه الطيف وموقعه بعد ما تتعدا ميزان العضيب بتجاه الشرق اول دخله يمين يجيك على اليسار
اما تجهيز السياره ببطاريه احتياط اول لمبات او ماطور هواء اوتوليف اي شي تبغاه فيه محل سوافي موقعه بعد ماتتعدا مخرج 18 بتجاه الشرق في الصناعيه الي على يمينك اذا انتها البنيان يجيك شارع على اليمين ادخله يصير وجهك جنوب بعدها يجيك كبينة اتصالات ومحلات على اليمين لف بعدها وتجه غرب ثاني شارع على اليسار ادخله بتجيك الورشه في نهاية الشارع بوجهك وشغلهم نضيف انا مجربهم بس مشكلتهم غالين واعذرني اذا صار في خطى في التوصيف لاني اخر مره جيتهم قبل سنه وركبت عندهم بطاريه احتياط في جمس ايام رخص البطاريات والحمدلله مالقيت اي مشاكل واعذرني على الاطاله او التقصير
وتقبل احترامي


جزاك الله خير وبيض الله وجهك يا ابو ابتهال ،،

[طارق الحربي]

حدد وش تبي وان شاء الله نفيدك بس المشكله كل شي بالرياض

[جال القلايل]

حدد وش تبي وان شاء الله نفيدك بس المشكله كل شي بالرياض


وضحت وش أبي في بداية الموضوع :

( الجامبينات والشد الخشب وجميع الإكسسوارات المتعلقة بالجمس البيك أب )

[طارق الحربي]

الشد الخشب ما اتوقع تلقاه بالرياض لانه كما اعرف شغل الكويت

اما الاكسسوارات مافيه اكسسوارات كثيره يعني يمكن تفصل شد وهنقلين وحنيا حديد بورشة المميز وهي احسن شي بالرياض بالصناعيه القديمه

الجامبينات ما ادري وش تقصد فيها

تقدر تشتري شنطه حديد من السليماني بالغرابي تقريبا ب 1400 ريال حلوه ومفيده وقويه

هذا اللي ببالي لان الجمس حوض ماله اكسسوارات واجد