ازعجني صوت الهواء في السياره وش الحل

[مقلع الرمث]

اخواني معي باترول وازعجي صوت الهواء مع الباب اليمين وانا ماشي تقريبا 140 الى 160 يزود مره ولمني سكرت الهوايه يروح اشوي بس لاخ مخذ جاء الصوت ابغى حلول الله يعافيكم

[عاشق الفيضة]

أعتقد ربلات الباب والبدي مع أحتمال الباب يبي له وزن أيضاَ

[بدوي جنوبي]

تبي حل سريع ورخيص

عندك جلد تغليف مواصير مكيف الاسبلت

مصنوعه من الاسفنج سعرها 5 ريال وطولها مترين لكن علمها مثل جلد البيبان اللي سعرها يصل اكثر من 200 ريال وانا جربتها وعمليه ،،


http://img.tradekey.com/images/uploadedimages/offers/5/9/A164545-20060926081659.jpg

[أسد تميم]

انصحك بوزن البيبان وهناك طريقه اخرى زياده وهي تقوم على الربل الي على البيبان وتجعل فيها فتحه صغيره ومن ثم تدخل لي مكيف وإن شاء الله لن تسمع صوت وهذه مجربه

[tabrak]

إليك الطريقه بعد اذن اخي اسد تميم


تقدر تسويها بنفسك بحيث تفتح فتحه صغيره بالربله وتاتي بلي المكيف وتدهن مقدمته بشحم حتى يسهل الانزلاق وتقوم بدفعه برفق حتى يصل طرف الي الى الفتحه ثم تقوم بقطع الي بحيث يكون فيه زياده بسيطه ثم توصل طرفي ألي بعضه ببعض وتقوم بإقفال فتحة الربل بسلقون اسود ,,,,,,,, ولا من شاف ولا من دري

محبكم / ابو فهد

[أبونورة777]

اخوي tabrak

بعد اذنك تشرح لي الطريقة تكفى .. ما فهمت وشلون الله لا يهينك .. الموضوع يهمني والله

بعد اذن صاحب الموضوع طبعاً ..

[القناص-sniper]

مقلع الرمث موضوعك رائع وجميل والاغلبيه يعانون منه

انا بصراحه ماعندي شي اقوله غير اللي قالوه الشباب الله يعطيهم العافيه

افكار رائعه ومجنونه

الله يعطيكم العافيه يا شباب ما قصرتم

تحياتي للجميع

[tabrak]

اخوي tabrak

بعد اذنك تشرح لي الطريقة تكفى .. ما فهمت وشلون الله لا يهينك .. الموضوع يهمني والله

بعد اذن صاحب الموضوع طبعاً ..


ياعزيزي يابونوره 3سبعات

انت لو تلاحظ ربل الباب تجده مجوف من الداخل يعني فاضي كل ماعليك تشقه شقيق صغير ودخل لي ماء الصحراوي دار ما دار داخل الربله لما تلتقي اطرافه وبالتالي يملاء الفراغات التى بين ربلة الباب وبدي السياره,,,,,,,,,,,,,,,, وانت سالم وغانم

[Mohammad]

فكره جميله ونتمى ان يكون هناك صوره مع الشكر والتقدير

[المهذبي]

فكرة أكثر من رائعة واتمنى لو تشرح بالصور وما هو لي المكيف وين نحصله وشكراً

[shaheenshah]

اخوي مقلع الرمث
انا ما ابي احطمك بس المشكلة هذي في الباترول كله خاصة من 97 وتحت ومستحيل انها تنحل لان لي المكيف اللي يقولون الشباب كلها كم يوم وترجع حليمه لعادتها القديمة لا ولو تطلع اللي اللي في الربل بعد تشوف ان الهواء زاد ، حتى الربل اللي يحطونه لك عند الغرابي اللي يقولك عشان الهواء انصحك ما تركبه لان فيه اكثر من واحد ركبه ويوم شاله طلع الصوت اكثر من اول ونصيحه خلك على ما انت عليه احسن لك ، ولكن يمكن لو توزن الباب يمكن يخف عليك شوي بس بتصير صكة الباب قوية

تحياتي...

[مقلع الرمث]

مشكورين اخواني وماقصرتوا على التفاعل
اخوي بدوي جنوبي وين احصل جلد التغليف الي تقول عليه
اخوي تبراك اعتقد الي الي تقول عليه لي مكيف صحراوي ولا اخوي ارجو التوضيح لو سمحت وهل جربت الطريقه هذي ونفعت معك ارجو التوضيح

[tabrak]

مشكورين اخواني وماقصرتوا على التفاعل

اخوي بدوي جنوبي وين احصل جلد التغليف الي تقول عليه

اخوي تبراك اعتقد الي الي تقول عليه لي مكيف صحراوي ولا اخوي ارجو التوضيح لو سمحت وهل جربت الطريقه هذي ونفعت معك ارجو التوضيح



صحيح لي ماء مكيف الصحراوي ويوجد بالسوق مقاسين لا ثالث لهما اذا كان صوت الهواء قليل خذ المقاس الصغير وغير ذلك خذ الكبير .

جربناه حتي بالباب الخلفي والنتيجه :good:

نصيحه بعد ماتركب الي على طول أوزن الأبواب ,,,,,,,,,

[د ك م 586]

اخوي مقلع الرمث

قبل كل شي تاكد من وجود الصاجه الداخليه في الرفرف الامامي وان كانت موجوده تاكد من تربيطها لانها تسمح بمرور تيارات هوائيه الى داخل الرفرف ومن ثم احداث صوت هواء في الباب.
اذا حصلت كل شي تمام من ناحية الصاجه تاكد من ميزانية الابواب واكثر مسبب لخلل الميزانيه هي المفصلات ويبين ذلك بفتح الباب وهزه للاعلى والاسفل في حال وجود فضاوه تكون خربانه وكذلك يكون الباب ظاهر اكثر من الرفرف.
ممكن يكون الباب محتاج الى ثني من الاعلى اي من الاطار العلوي للباب (اطار القزازه ) لانه في الغالب ينثني الى الخارج مع كثر المدابج بالباب وطريقة تعديله هي انك تتكي للباب بركبتك من الداخل وتقوم بسحب الاطار الى الداخل ولا تجيب كل قوتك عشان لاينثني زياده عن اللازم . عذرا للاطاله واتمنى اني قد افدتك

[تايقر]

افضل طريقه مثل ما قال اخوي tabrak

ومجربه 100%

[مقلع الرمث]

اخوي مقلع الرمث
انا ما ابي احطمك بس المشكلة هذي في الباترول كله خاصة من 97 وتحت ومستحيل انها تنحل لان لي المكيف اللي يقولون الشباب كلها كم يوم وترجع حليمه لعادتها القديمة لا ولو تطلع اللي اللي في الربل بعد تشوف ان الهواء زاد ، حتى الربل اللي يحطونه لك عند الغرابي اللي يقولك عشان الهواء انصحك ما تركبه لان فيه اكثر من واحد ركبه ويوم شاله طلع الصوت اكثر من اول ونصيحه خلك على ما انت عليه احسن لك ، ولكن يمكن لو توزن الباب يمكن يخف عليك شوي بس بتصير صكة الباب قوية

تحياتي...
اخوي احب اقولك ان الباترول الي معي 2003 فتك :) وكان معي من 97 وتحت الي بالتوقيع وكان فيه هواء:mad: برضوا لإن الاول كل من سألته قالي هذا لازم يدخل هواء ولااجربت:no2: حلول معه
ابغى حل الله يعافيك للفتك :)

[أبونورة777]

جزاك الله خير اخوي tabrak

ما قصرت وضحت الطريقة .. بس ينفع للباث فندر .. فيه صوت بسيط ؟؟

[abdulrhmank]

بيض الله وجه راعي الموضوع وكل راعي فكرة جميلة ....اوردها والله استفدنا ...منها ......مشكورين جميع .

[د ك م 586]

اذا موترك فتك وتبي تحط لي المكيف اللي يدخل بربلات البيبان انصحك تروح لورشة النويصر المتخصصه بالتربيط لانهم يركبون اللي بدون اي قطع بالربله اضافه الى ان اللي من التوع الاصلي ولو يحصل لك تربط وتضمن الموتر مره وحده (والله بيتغير الموتر جذريا مثل ماصارلي)

[عاشق الغضا]

يامقلع الرمث انا كان معي موتر 97باترول ربع فيه وشه مثل ماتفضلت لكن قمت بتنزيل القزازه ثم قمت بتمييل الباب من الزاوية العلوية من يمين ثم ضبط الموتر ,,,,,,,,,,فاسأل مجرب ولاتسأل طبيب:no2:

[مقلع الرمث]

مشكورين اخواني على التفاعل ونأمل أننا أفدنا وأستفدنا بعد طرح هذا الموضوع وننتظر منكم الافكار الجديده لحل مشاكل الهواء

[أبونورة777]

اخوي د ك م 586

وين مكان ورشة النويصر بالضبط .. وهل يوجد رقم لهم لاهنت ؟؟

وجزاك الله خير اخوي ..

[د ك م 586]

اخوي ابو نوره
وصف الورشة : تنزل مع مخرج 17 باتجاه الغرب وتعدي الإشارات حتى توصل محلات قطع الغيار وبنك الأهلي على اليمين ( يعني توصل كبري الخرج ) ترجع من عند الإشارة وتعدي اللفه الأولى الثانية وتدخل مع الثالثة وتعدي اللفه الأولى على اليسار وتدخل مع الثانية تلقاها ثالث ورشة على اليسار

ولو ما دليت أسأل تدل لأنهم مشهورين على مستوى الصناعية القديمة

وعساك على القوة

[أبونورة777]

مشكور اخوي د ك م 586

الله يعطيك العافية ..

[Black VTC]

الافكار اكثر من رائعة و انا اشكو من نفس المشكلة فجزا الله كل من شارك خير الجزاء والشكر اولاً لاخوي مقلع الرمث على اثارة هذاالحوار

[محمد الحريقي]

الصراحة انا عندي نفس المشكلة
ويعطيكم العفية على معلوماتكم القيمة
بعد اذن صاحب الموضوع ظبعا

[صقرالعرب2007]

تبي حل سريع ورخيص

عندك جلد تغليف مواصير مكيف الاسبلت

مصنوعه من الاسفنج سعرها 5 ريال وطولها مترين لكن علمها مثل جلد البيبان اللي سعرها يصل اكثر من 200 ريال وانا جربتها وعمليه ،،


http://img.tradekey.com/images/uploadedimages/offers/5/9/A164545-20060926081659.jpg



أخوي الله لا يهينك ليتك توضح طريقة تركيب الجلد هذي و وش الحجم المطلوب و كيف أحطها بالسياره..؟!؟!؟!؟

الرجاء مزيداَ من التفصيل لا هنت:D

[مساير الليل]

ياخوان كم يكلف الشغل عند النويصر
وهل هو غالي أو رخيص ياليت تفيدونا

الأني أعاني من نفس المشكله وسديت المثلثات بسلكون لكن ماراح التنسيم

[مقلع الرمث]

لا اله الا الله محمد رسول الله
ياليت احد يدلنا على افكار جديده ومشكورين على المرور

[مشعل العيسى]

كيف يتم وزن البيبان وهل هناك ورش متخصص في ذلك

[gx-low]

ارفع صوت المسجل ولا تدقق واجد

[اسدهم]

رح للسمكري وزن ابوابك كاملة مع ربالات جديدة وكالة اذاكانت رخيصة وذاكانت غالية رهملها لي

[فتى الوادي]

رأي الشخصي فيما ذكره بعض الأخوة حول إدخال لي ماء المكيف الصحراوي في جلدة الباب .. أنا جربت هذا الشيء وعملها لي ورشة النويصر في الرياض لكن ما خليتها شهر .. قام يظهر اصوات وزوزة في الجلب .. وطلعتها وغيرت الجلب كاملة وأنتهت المشكلة ..
وانتبه كذلك من الجلب اللي في شارع الغرابي أو جلب اللي تستخدم في التكييف هذه انا اعتبرها دمار للأبواب ..

أنا أنصح وبشدة ومن واقع تجربة بالتالي :
تغيير الجلب + وزنية الباب وتضبط معك إن شاء الله

[الصارم 444]

لي المكيف مثل ماقالوا الاخوان مجرررب من نااس واجد

[شلشكو2011]

الحل كالاتي :
1- لي المكيف والطريقه شرحوها الاخواااااان ماقصروا
2- اذا ما عجبك الحل بعد فتره الله يعينك على الجديد
ملاحظه
اسال عن سعر الجديد قبل التجربه ان خارج معك ok
بس هاااااااه علمنا وش صار معك بعدين
والله يوفقك