محتار بين الددسن والديماكس دفرنسين

[S.R.G]

السلام عليكم
اولا هذة أول مشاركة لي في المنتدى (اليوم سجلت) وأرجو منكم التفاعل
مع العلم إني من رواد الموقع بشكل شبه يومي

ثانيا أنا أبي سيارة للبر والمدينة دفرنسين وناوي اخذ وكالة إن شاء ومحتار بين الددسن والديماكس
وابي شوركم حيث اني ماعندي خبرة بالسيارات
وايهما أفضل من ناحية الدبل والراحة داخل السيارة
وغيرها من المواصفات اللي لكم بها خبرة

ودمتم ;)

[صحيح]

خذ هايلكس دبل بنزين وبس
صحيح

[S.R.G]

يعطيك العافية اخوي صحيح
بس الجديد شكلة مو ذاك الزود وانا ابي غمارتين

[خوي السرور]

أتوقع نيسان نفارا حلوة بس ماعندي خبر مؤكد عنها

[ناوي نيه]

والله اكيد الددسن

[ابوصنهل]

اشور عليك ياخوي كانك تبي ديزل فخذ ديماكس ون كانك تبي بنزين فعطايا الله الددسن

[./عنيزاوي./]

اذ كانت تيي ديزال الديمكس افضل من الددسن
اذ كانت تبي بنزين خذ هيلوكس



الددسن لاتقربه ابد ابد لانه كثير ه خرابته وضعيف

[HAS5SAN]

لا تتعدى الهايلكس
2008 جي ال أكس- اس
دبل طبعاً
وطع شوري ورح لم الوكالة وشفها بنفسك

[محب النصر]

ددسن وبس هي سيارة البر

[القناص]

أتوقع نيسان نفارا

جديدة
وحلوة
ورزه
ومريحه
ورحبه
وواسعه
ودبل
ويمكن
تناسبك لو جربت سواقتها في الوكالةدفرنسين
:good:

[الموالي]

الددسن /أريح/ مافيه خرابت أبد/ أنا مجرب وغيري كثير
أللي أتكلم عنه >>2007 160hp
>>>>>>>>>>>>>>>>>>>الموالي<<<<<<<<<<<<<<<<<<<<<

[مرعش هدب]

اولا انا اعتب عليك تزور الموقع شبه يوميا ولا سجلت :mad:
ثانيا اذا كنت تبي ديزل خذلك دماكس افضل من الددسن
واذا كنت تبي بنزين خذ ددسن راحة وعزم وشكل:good:
والنفارا الجديد يمدحونه الشباب(( ويقولون اقوى من الهلي وقوته 3000 وفيه نوع سته سلندر )):confused:

تحياتي ,,,

[مشاغب شوي]

اذا كنت تبي ديزل خذ الديماكس

واذا بنزين ددسن

انا معي ددسن دفرنس 2400 كربريتر موديل 99

والله بالبر مايحتاج كل اسبوعين لازم ياالدهناء ولا الطوقي

[z a n h o r]

شف يالغالي

الددسن دبل واربعه سلندر راح يصير ثقيل

والديماكس ديزل انواع البطء

انا رايي تاخذ جيب

وان كان تبي واحد من الاثنين فشوري لك الددسن

والسبب

الدبل قير بالددسن والديماكس ازرار
الددسن بنزين والديماكس ديزل
الددسن ارغب بالبيع والديمكاس مرغوب لكن مو مثل الددسن
الددسن قطع غياره ارخص من الديماكس
الوكيل الحمراني اشوفه افضل من اليمني

من عيوب الددسن ضيقه من داخل وذي من صالح الديماكس

والله يكتب لك الي فيه خير وصلاح

[مساير الليل]

أخوي الكريم أنا ماراح أتكلم من عندي

والصراحه أعتب على بعض الأعضاء ألي يتكلم من عندهـ ويقول الددسن كثير خرابات

عمي معه ددسن دفرنسين 2002 بخاخ مطلعه وكاله ومابقي مكان ماراح له ويومين تقريبا يروح للمزرعه وبر كل أسبوع السيارهـ ماشيه 250 الف تقريبا ولم يشتكي من شي فيها

الشيء الثاني

أنا معي ددسن دفرنسين 2005 بخاخ الصراحه سيارهـ في البر مايحتاج خفيفة نفس وهذا عن تجربه ولم أنقله من أحد أو أسمعه

صرفية البنزين ممتازهـ جدا

العزم على أربعه سلندر ممتاز جدا الراحه مقارنه بغيرهـ من الصندوق مريح

الدبل عصا ترس وليس مثل الديمكس كهرب

السيارهـ مكدهـ ومرغوبه عند البيع وتمسك سعرها


خذ الددسن ولاتتردد
ولاتنسى صلاة الأستخاره

[أسد تميم]

الددسن(ابوعزيز) وروح لهلك وانا اخوك الديماكس راح عزه من يوم رخص البنزين

[أشيقراوي]

لا تدور غير الهايلكس دفرنسين غمارتين

قوه وراحه ورساوه

[S.R.G]

بارك الله فيكم جميع وماقصرتم
واشكر جميع الاخوان واخص الاخ مساير الليل والاخ مرعش هدب على الاضافات المميزة
واعتذر عن عدم متابعة الردود لإنشغالي هذي اليومين

[rpk]

ددسن ديزل قوي يجيب 190 بلراحه غير الخفه والعزم

[alkongrs]

عندك هايلوكس ولاددسن وافضل الهايلوكس

لني اليوم زرقت للمعارض وانهبلت يو شفت هايلوكس دفرنسين دبل لا وشو جي ال تماتيك

[رياض السنباطي]

حسب مانسمع الددسن أفضل

لاكن بكم سعرها الجديدة بالوكالة ؟

[ابوصنهل]

شف ياخوي معي ديماكس يردح له حول السنتين ولا اطلق منه وهذي صورته




http://www.moq3.com/img/17012008/f3798061.jpg (http://www.moq3.com/img/)

[قسوره2006]

اخي : تبي الشور من مجرب


ولله الحمد والمنه جربتهم كلهم

وانا نصيحتي لك وبدرجه الاولى : لا تبعد عن التويوتا عليك بالهلي الدفرنسين 2008

يجي نوعين نوع برفارف وهو الافخم ونوع بدون رفارف وهذا منوة البر بالنسبه لي عشان ما تشغلك الرفارف وتحكك وتجمع الطين وتنكسر مع المطناج



واذا لك رغبه في الديزل : لا تتعدا الديمكس بس الدبل زر وعوكاسه كثير وقطع غيار الاسوزو غالي

وانت الحكم


خذ النصيح ولا راح تندم


خذ الهلي

كلهم صدامات فيبر

خذ الهلي دفرنسني دبل قير

وبس وبس تويوتا وبس

[بارود برنو]

الهايلكس الجديد صارووووووووووووووووووووووووخ
كل شي فيه مايحتاج غير البودي خفيف جدااااا حافض عليه
ولو تبي الصدق السيارات الجديده كلها بوديها خفيف
انا جربت الهايلكسات كلها من الثمنينات
الي 2005
التغيرات من مديل الا اخر بسيطه جدا
عكس
2006
تغير ميه وثمنين درجه
راحه بالخط
راحه بالبر
تكيف ممتاز جدا
مافي صوت مكينه ولا صوت هواء
تمشي ماتدري عن السرعه كم
عزم ماشاء الله
المقعده الخلفيه مريحه جدا
والاماميه اريح
لا اريد ان افصل اكثر ولا ماأخلص
يكفيك اسمه
اذا لم يعجبك الهايلكس
لا تبعد عن النيسان
وليس لي خبره في الديمكس
هذي وجهت نظري

[ليالي المكشات]

خذلك هدد 2000 او 2001 مستعمل بحشمة ازيلك يا رجال حرام تحط 72 الف في ونيت والله حرااام

طبعا اذا قلت المستعمل خربات ومدري ايش رح افحصه في الوكالة ثم افحصة في الصناعية القديمة من باب الاحتيااااااااط لورشة لها شهرتها وتخاااف على سمعتها

[VTC]

طبعا اذا تبي ديزل فعليك بالددسن لأن الجديد الديزل تيربو وعزمه ممتاز ومع ناس واجد 2006 يمدحونه وعزمه قوي اقوى من البنزين احصنة
اما اذا تبي بنزين فأتوقع الهايلكس افضل من جميع النواحي قوة وشكل وعزم

[أبو مها]

شف يالغالي

الددسن دبل واربعه سلندر راح يصير ثقيل

والديماكس ديزل انواع البطء

انا رايي تاخذ جيب

وان كان تبي واحد من الاثنين فشوري لك الددسن

والسبب

الدبل قير بالددسن والديماكس ازرار
الددسن بنزين والديماكس ديزل
الددسن ارغب بالبيع والديمكاس مرغوب لكن مو مثل الددسن
الددسن قطع غياره ارخص من الديماكس
الوكيل الحمراني اشوفه افضل من اليمني

من عيوب الددسن ضيقه من داخل وذي من صالح الديماكس

والله يكتب لك الي فيه خير وصلاح

وكيل الاسوزو اليمني وكذلك العيسى والاخير ارخص بقطع الغيار الاستهلاكية
وانا ارشح الديماكس التيربو اسوزو 3000 CC ديزل
ولا يوجد فرق بين الدبل الازرار عن العصا وهي مجربة

[غيث 6]

السلام عليكم اخوي الددسن او الهايلوكس اما الددسن والديماكس مااعتقد فيه مقارنه اذا نظرتك ونيت فعندك الددسن والهلي انا جربت النوعين بين ددسن دفرنسين 2003وهايلوكس دفرنسين 2001الحقيقه هاذي هي سيارتنا الي نعرفها وكلها جيدة انا اعجبت في قوت الهايلوكس ولاكن يعيب على الهايلوكس ارتفاعة الزايد بالذات لي الشخص المتزوج ام الددسن فعيبه ممشاة اوعزمه في الخط ام قومته فهي ممتازة بخاخ النظريه عموما الهايلوكس والددسن هي ونيتنا وبس اتمنا لك التوفيق

[مقلع الرمث]

اخوي احب اقولك لا تقرب الديماكس تراء قيره دمار وكم واحد من اخوياي معه وحده ولكهم خربت القيور عندهم وازيدك من الشعر بيت لا جيت تشري قطع لا زم تمسك اعصابه راسك ياااخوي لا تقربه نصيحه لك والله قريب لي معه 2005مدري 2004 باعه بتراب الفلوس وهو شاريه 75 الف جديد وقلتله ليش بعته الموتر لسه جديد مامشاء الا حول مئه الف تزود ولا تنقص قال ذبحتن ذبح ويقول تعرفت على حقين القيور بعد ماااسحبوا عليه الوكاله وعيوا يصلحون له ويقلونله هذا القير انت الي امخربه مع العلم اعرف كم واحد معه زيه دفرنسين وخرب قيره ومره لقيت حقت شركه يقول تونا امصلحين قيره برضوا انصحك اخوي بالددسن ولا تعداااه تراه والله موتر وخاصتن الجديد ان بغيت نافار ولا ددسن تراه اكويس وامجربين الدفرنسين ممتاز جدا ورخيص واكويس وقطع غيار متوفر لكن نصيحه لك لا تشري دمااااكس تراهاااا دمار لا نه شي شايفه بعيني واااسف على الاطاله

[إعصار]

نصيحة ..

الديماكس عمره قصير ولا يعيش يصلح لشركة تحميل وانت جاي وصيانة الوكالة والقطع الغيار لك عليها ..

الددسن ممتاز يعيش أكثر من الديماكس وأخف وأرخص وأرغب عند البيع ..

نصيحة .. الهايلكس خذ وانت مغمض والله معي وحده 2007 بنزين بدون رفاف ..

موتر خط .. نشاط .. أرغب عند البيع من الددسن والديماكس .. صيانة الوكالة أفضل من الددسن والديماكس ..


قطع غيار رخيصة ..

ومميزات كثيره ...


وفي الاخير لاتنسى الأستخارة وانا اخوك ..

[خشم الحيد]

اخوي انا كنت مثلك محتار بين الددسن والديماكس وسئلت الناس الي جربتهم ونصحوني بالهايلكس وفعلا شريت هايلكس غمارتين ديزل موديل 2006 جديد فل كامل وركبت عليه شد وتوانك ماء وكفرات بلون 820 على15 والموتر مخليه للعزبه بس يعني ما اطرد عليه وقنصت فيه الشمال كله والربع الخالي بصراحة موتر ينشد به الظهر في العرق نسم للكفرات ويمشي مشي الجيوب وفي البر ما تحتاج محطة البنزين اقرب عايدي وقف عنده وعب التانكي وحاسب اهله وفي الخط يمشي 140 وهو محمل نقدت عليه في العزم ضعيف بس اذا عطاك عمره روح مايرده شي ومافي شك البنزين بيجي افضل في العزم لللأخوان الي يبون يطيرون انصك فيه .

[راعي الحميّة]

وانا أخوك أشتر أي شي الا الديماكس نصيحة لوجة الله انحش من اي سيارة من ايسوزو أنا عندي جيبين تروبر واحد موديل 93 والثاني 2003 وجابولي الظغط طبعا قطع الغيار ما تلقى أبد منقطعة لأن السيارة ما تصنع والشي الثاني أخيس صيانة صيانتهم اجل صيانة ال 45 الف تكلف 1200 ريال مع العلم ما فية أي قطع غيار كلها زيوت وخلافة صار رنج روفر الوكيل الي أتكلم عنة هو اليمني على طريق خريص