هدد 2008 ((( نـــــــثـــــــل ))) للاسف

[ghamdiaam]

هدد 2008 ماشي 3000 كم






قير عادي

اول مشاكله رااااااح فيه القير
(((( يعني بالعربي (((((((( نــــــــــــــثــــــــــــــل )))))))))
وهو عند ابو جميل الحين علشان يغير قير جديد
(((( مسخـــــــــره الارض ))))))
وهذي صوره الموتر
http://www.up-00.com/uploads/fAF95039.jpg (http://www.up-00.com/)







وهذي صوره صاحبه بعد ما نثل الموتر

اسألوه يعلمكم




[url=http://www.ro3a.net]http://www.ro3a.net/uploads/b7935b5fe7.jpg[/url




]
[/quote]

تحيــــــــــــــــــــــــــــاتي لكم

[alkongrs]

الله يعوض عليك

[Black VTC]

طيب وش خرب القير ... والله يعوض على راعية

[سراب اللال]

الله يعوض راعيه خير
وققديمك نديمك

[Desert_Man]

وش السالفه ... ؟؟؟ إذا هذا في القير العادي أجل وشلون الاوتوماتيك ؟

بالله عطنا العلم تراي قاعد أجمع دراهمي وابيع بهالقشل اللي عندي ابي اطلع لي واحد لا أتوهق ..

لاهنت

[anas]

حسبي الله عليهم والله لو انها (((( لادا )))) اول مرة اشوف قير عادي ينفرط ، وشكل اللاند الجديد القير غير مناسب للمكينة .. الله يعوض عليك .. ويكفيك مسخرة وكالة عبداللطيف جميل ..

[HAS5SAN]

يارجال
بالله عليك عليك أنت صادق
أرجو منك التفاصيل
تكفى تكفى عاجل
قدام نتوهق
الله يرحم والديك

[شروكي ربع]

الله يعوض راعيه ..


وليش مسجون ؟؟ :p


لا يكون راح يشتكي على الوكالة وسجنوه :D


ترا اي شيء هاليومين ممكن يصير :D

[abo fasil]

الله يعوض علية

[بيت طين]

ممكن ان الكلام صحيح بس الموتر موقف علي قول اهل نجد ومقنوص عليه ومجرب واذا خرب مع انسان ماهوب معناته انه بيخرب مع الباقين ومن يتق الله يجعل له مخرجا واللي يشري بمال حلال يبارك الله فيه ..

[شروكي ربع]

ممكن ان الكلام صحيح بس الموتر موقف علي قول اهل نجد ومقنوص عليه ومجرب واذا خرب مع انسان ماهوب معناته انه بيخرب مع الباقين ومن يتق الله يجعل له مخرجا واللي يشري بمال حلال يبارك الله فيه ..


وراك طبيت في الرجال ؟؟


ان شاء الله انه متقي الله وشاريه بفلوس حلال ..


الله يهديك بس ..

[بيت طين]

الله يجزاك خير اخوى شيروكي ربع من نزل هالموتر وانت تسمع قصص غريبه عجيبه من الناس وكلا خايف علي موتره اللي شراه قبل هالموديل انه يطيح سعره وانا ماقصدت اخونا بنفسه ولكني اتكلم بصوره عامه ولا اقصد الرجال نفسه والله يقول في محكم التنزيل اذا اتاكم فاسق بنبأ فتبينوا ان تصيبوا قوما بجهالة صدق الله العظيم وبعدين كل خبر ماهوب زين يجيبه عضوا جديد او عضوا قديم بس يدخل باسم جديد ماتلاحظ هالشي وعلي الانسان انه يتقي نفسه في كل افعاله واقواله من جت السيارات للسعوديه وكل موديل يخرب منه سيارات محد قال شي ليششششششششش بالذات هالنوع من السيارات وهالسنه بالذات السياره مجربه ولا عليها كلام والله يبارك للناس بحلالها بغض النظر هل المورد ابو جميل ولا غيره قاموا الناس يحاربون ابو جميل علشان نروح نسوق لوكلاء السيارات فى الخليج مع ان الموتر السعودي افضل من غيره الا في بعض المواصفات خصوصا المستعمل اشترى سياره من السعوديه ولا اشتري من الخليج وهذا الهدف من التسويق ضد وكلاء السيارات في السعوديه.وتقبلوا تحياتي..اذكر عام 97 واحد من خويانا شاري كراسيدا من الوكاله وقايم عليه دفرنسها بعد اول مشوار ولا قالوا الناس شي بالعكس استعملوها الناس ولا احلا منها والان نرجع لنفس الموضوع..

[.أبوعبدالرحمن]

طيب يا اخوي اللي طارح الموضوع

وش اللي خلاه يخرب

رد علينا هذي ثاني مرة اقرا هذا الموضوع يعني قريته في مكشات وقريته في منتدى ثاني


لكن المشكلة اكثر الردود تكون اسئلة ولا اشوف اجوبة منك


والصراحة اشوف في الموضوع عدم مصداقية


واعذرني وانا اخوك انا قلت الحقيقة والا رد على ذا العالم تجي تخوفهم وتروح

علما ان اهل قطر واهل الامارات رهموا سيارات جديد لاندكروزر 2008 ولا اشتكوا منه

ورهموا 6 سلندر ورهموا 8 سلندر وما فيه الا قوة مقاومات وتطعيس ولا اشتكوا منه


وارجو منك اخوي الغالي ترد على الاسئلة المطروحة في الردود السابقة والجاية في هذا المنتدى والمنتدى الثاني

ولك فائق احترامي

[./عنيزاوي./]

لكن ياخوي موضوعك مافيه شي يثبت صحة الكلام

مع التحية
عنيزاوي

[ford]

الله يعوض عليك

[HAS5SAN]

وينك يا صاحب الموضوع
؟؟؟؟؟؟؟؟
الأخ / بيت طين
بالنسبة للكراسيدا وقف تصديره للخليج عام 1996
هذا للتوضيح فقط ويعلم الله أني لا أقصد غير ذلك

[بيت طين]

والله مانيب ملم في موديلات الكراسيدا بس الاكيد ان هذا اللي حصل مع خوينا بارك الله فيك واذا نجح الكروزر الجديد ولا مانجح ماراح يمنع الناس من انهم يشرونه وانا قبل يومين كنت في وادي العجمان نطجني مع الطريق بين النعيريه وجوده 5 سياراة من النوع الجديد ولا اشوف كل هالتهويل اللي تخوفون الناس منه وشاكر لك اخوى حسان علي سعة صدرك وتقبل تحياتي بارك الله فيك ..

[ghamdiaam]

السلام عليكم
واسف على عدم الرد

بس كنت مشغوووول معهم لاني وصلت الموضوع للكبار بالشركه

ولله الحمد بدلولي السياره وكانو متجاوبين معي بشكل ممتاز
وزودتهم مبلغ واخذت gx فل كامل فتحه ودف لوك ومكيفين وونش وغيره


واخيراً الف شكر على مروركم
وشكر ايضاً لاداره عبداللطيف جميل
وشكر خاص للاخ طــــــــه بالشركه

ملاحظه ( الهدد 2008 : سياره جلد بس ركب هدرز وفلتر رياضي وشوف ما شاء الله
سياره عجبتني بس مشكلته مافيه ولا بريال يعني بدون مواصفات

تحياتي لكم واسف للازعاج

اخووووكم بــــــــن زربـــــــــــــــــــــــان

[توسان]

الله يعوضك خيرررررر

[بارود برنو]

المسأله بسيطه جدا لا تاخذ في بالك القير راح
يتغير جديد وعلى حساب الشركه
ومايصيبك الا ماكتب الله لك

وان شاء الله لك خير فيها وماأدراك

تقبل مروري

[دايم البر]

الف مبروك وفي الأمر خيرة
ما شاء الله اخذت احسن منه
لكن اهم شي اقر المعوذات
وحط يمناك على طبلون السيارة او على الكبوت
وقل اللهم اني اسألك خيرها وخير ماصنعت له
وأعوذ بك من شرها وشر ماصنعت له.
ولاتشوف الاكل خير

[shaheenshah]

السلام عليكم
واسف على عدم الرد

بس كنت مشغوووول معهم لاني وصلت الموضوع للكبار بالشركه

ولله الحمد بدلولي السياره وكانو متجاوبين معي بشكل ممتاز
وزودتهم مبلغ واخذت gx فل كامل فتحه ودف لوك ومكيفين وونش وغيره


واخيراً الف شكر على مروركم
وشكر ايضاً لاداره عبداللطيف جميل
وشكر خاص للاخ طــــــــه بالشركه

ملاحظه ( الهدد 2008 : سياره جلد بس ركب هدرز وفلتر رياضي وشوف ما شاء الله
سياره عجبتني بس مشكلته مافيه ولا بريال يعني بدون مواصفات

تحياتي لكم واسف للازعاج

اخووووكم بــــــــن زربـــــــــــــــــــــــان

اول الموضوع تقول انه مسخرة الأرض
والحين يوم غيروه وعطيتهم الفرق واخذت جي اكس تقول ان الهدد موتر؟؟؟؟؟؟؟
لا تناقض نفسك بنفسك ياخوي

[مقلع الرمث]

الله يعوض عليه

[باترول 82]

الحــمــد لله

[ghamdiaam]

اول الموضوع تقول انه مسخرة الأرض
والحين يوم غيروه وعطيتهم الفرق واخذت جي اكس تقول ان الهدد موتر؟؟؟؟؟؟؟
لا تناقض نفسك بنفسك ياخوي

انا ما اناقض نفي يالطيب

تويوتا سيارات ما تحتاج لشهاتدك ولا شهادي من كل النواحي
بس انا عرضت مشكله السياره وراجعت وراها حتى غيروها لي

وبالنسبه لي كان عندي فتك 2006 فل كامل بعته وتحسفت عليه

وكل واحد وما يهوي

بس علشان لا تتحمس واجد

وتحياتي لك

[barracuda]

الله يعوضه بالخير ويفك اسره

[القناص]

الحمدلله على تيسير الامور

لو انه عندالجميح كان مابدل لك السيارة عشان خراب الجير لو يجي بوش في الحوش:)

[أبواحمد]

الله يعوض عليه بأحسن مته
قديمك نديمك

[بدوي جنوبي]

السلام عليكم
اعزائي الاعضاء
تم حذف بعض الردود اتمني ان يكون الانتقاد
والرد بطريقة افضل ،، لكي يستفيد القارئ
ومعرفة الحقائق ،، لهذه النوع الجديد من اللاند
اتمني التوفيق للجميع