مشكلة الترصيص

[عاشق برادو]

يا جماعة الخير أنا عندي مشكلة بالبرادو وهي أن السيارة ترتج لما تكون سرعة السيارة 100 أو قريب منها وكلما أروح أرصص تقعد فترة ثم ترجع الرجة مرة ثانية وللمعلومية أنا مخلي هوا الكفرات 30 وسألت أكثر من بنشري قالي ما في علاقة بين أنك تمشي على كفر منسم ورجة الموتر

فما الحل برأيكم ؟؟

[Black VTC]

جربت تسوي ترصيص ارضي (كمبيوتر)؟؟

[عاشق برادو]

سويت ترصيص أرضي مرتين و3 مرات ترصيص اليكتروني

[ناصح]

نعم ترصيص أرضي

ويفضل أن يكون عند شركات كبيرة مثل وكالات الإطارات

وسق أن رصصت باترول عند وكالة يوكوهاما والنتيجة كانت ممتازة

[دار منيخ]

اذا كانت الجنوط تجارية انصحك تروح الى الورش اللي بالصناعية اللي يعدلون الجنوط وخلهم يركبون لك جلبة ويعدلون الجنوط على المخرطة ثم قم بالترصيص الارضي وموقعهم عند ميزان المجد واليرموك 0

[بدوي جنوبي]

اخوي برادو هل سبق فكيت اعمدة الدوران ؟

[عاشق الفيضة]

هل فحصت أعمدة الدوران وأيضاً الجنوط
وإذا كانت سليمة أفحص رمان العكوس
وتقبل تحياتي

[Sawahtr]

مثل ما قال الأخ عاشق الفيضة
و اتمنى لك التوفيق

[عاشق برادو]

يا جماعة الخير ترا الموتر جديد ماله 5 أشهر معي لكن مع المطامر والطعوس
أرصصه كل فترة ولا أعمدة الدوران ما فيها خلاف والحمد لله عموما أنا بروح وكالة دانلوب وسوي ترصيص أرضي بإذن الله وإذا ما نفع سويت فحص كلي والله يعين .. ويعطيكم العافية

[الدبل الثقيل]

اذا كان فيه طين لابد على الجنوط من داخل فهو سبب الرجه .

[بادي خير]

مشكلة بالبرادو وهي أن السيارة ترتج لما تكون سرعة السيارة 100 أو قريب منها


اخوي الحل انك لا تمشي ميه و لا قريب منها وريح دماغك ترى الموتر اذا عطيته وجه غثك

[بليزر اسود]

اخوي انا تعبت مع الرجه وخسرت واجد ولكن مافيه امل وكل الأفكار الي ذكروها الأخوان سويتها ولكن الرجه باقي ورضيت قلت خلاص رجه رجه نمشي والله يعين وبعد مرور فتره رحت للبنشر وقلتله فك الكفرات ونظفها من الداخل وفعلا فكها ولقي كميات من التراب وطلع هذا السبب للرجه والحمد لله الحين تمام جرب وأن شاء الله يكون هذا السبب وترتاح

ولكم جميعا تحياتي

[مساير الليل]

إذا كانت سيارتك من وكالة عبداللطيف جميل

لاتتعب راسك الجنوط تجاريه

أحد المعارف شراء لاند كروزر في أكس أر فل كامل وأشتكى من الرجه دخله على الوكاله 8 مرات ونفس الحال ترجع الرجه

وراح ليماني في الغرابي بيسوي عندهـ ترصيص قاله نصيحه لاتعب راسك الجنوط تجاريه قال كيف السيارهـ مطلعها من الوكاله جديدهـ

يقول وراح للمستودع وجاب جنوط تجاريه فكها من الكرتون وفك كفراته وقال شف هل فيه فرق هذي ألي عندي تجاريه وألي على سيارتك مثلها بظبط

أصبر والله يعينك

[yazeed999]

اخوي المشكله واضحه ترصصها وبعدين تطلع لنفود وتنسم الكفر طبيعي وترجع لك المشكله
واذا تبي تعرف رصصها ولا تنسم الكفر وتشوف ما ترجع الرجه

[yazeed999]

طبيعي ترصصها وتطلع للنفود وتنسم الكفر بس رصصها ولا تنسم الكفر وتشوف ما راح ترجع لك الرجه مره الثانيه

قاعده اذا رصصت الكفرات وتنسمت مره ثانيه فطبيعي ترجع الرجه مره ثانيه