محتاج قطع تشليح باث فندر

[خ الفياض]

السلام عليكم
ياشباب سيارتي باث فندر 2001
ابغى قطع تشليح لها
اللي يخبر لي تشليح في حايل ولا المدينه ولا الرياض ولا القصيم عنده باث من 2000 الى 2005
تكفون بعطينا اساميهم ولا جولاتهم ولا ارقام تلفونات لهم
القطع المطلوبه
قربة موية المساحات كامله
الفيبر اللي يجي حول الكفر الامامي يمين مع النسافه والجلده الصغيره
الكشاف الصغبر اللي بالصدام يمين
الجلده اللي تجي فوق التنده اللي يركب عليها الشبك ودي اركب شبك والجلد ماهي موجوده
اسعارها بالشركه مبالغ فيها جدا جدا


اتمنى من المشرفين الكرام عدم نقل الموضوع الى اي قسم
اي واحد عنده اي طلب من طلبات ممكن يتصل علي ولا ناوي يبيع السياره اشتري منه الجلد اللي فوق التنده لانها لا تؤثر اطلاقا على قيمة السياره
0506346580
الفياض

واخير اسفين للازعاج

[خ الفياض]

ياشباب وينكم تكفون عجلو علينا

[alkongrs]

ابحاول اجيبلك رقم تشليح وتستاهل والله يكتب الي فيه الخير

[خ الفياض]

دورت في العجلان بالقصيم وكذلك الخضير ولا يوجد المطلوب
كل الشكر للشباب اللي ارسلو لي عن طريق الخاص او الجوال واقولهم الله يفرج همومكم ويدخلكم الجنه بلا حساب ولا عقاب
ولد العمده انا بنتظارك الله يحغظك يا نشمي انت وعيرك من رجال هالمنتدى

[خ الفياض]

دورت في العجلان بالقصيم وكذلك الخضير ولا يوجد المطلوب
كل الشكر للشباب اللي ارسلو لي عن طريق الخاص او الجوال واقولهم الله يفرج همومكم ويدخلكم الجنه بلا حساب ولا عقاب
ولد العمده انا بنتظارك الله يحفظك يا نشمي انت وغيرك من رجال هالمنتدى

[شروكي ربع]

اذا بتشتري تشليح لن تضمن انه اصلي او تجاري ..


نصيحتي لك مادام هي قطع خارجية ..


خذ التجاري ( جديد ) ولا تشاور ..


ولا تفرق بين الاصلي والتجاري لا التحمل ولا الشكل ..


وبالتوفيق ..

[المميـز]

اذا كان عندك رقم العجلان او الخضير

اتصل عليهم وخذ منهم ارقام التشاليح الثانيه


او اسألهم من اللي عنده باثفندر وهم يبي يفيدونك

انا قبل فتره كنت بتشليح القصيم وشفت كم باثفندر عند تشليح بس ما اعرف اسمه ولا رقمه

لو تروح لهم افضل لك

[ابوقاسم]

هلا اخوي
راجع الخاص
وان شاء الله انك تستفيد

[خ الفياض]

هلا اخوي
راجع الخاص
وان شاء الله انك تستفيد
ابو قاسم الله يشرف مقدارك ويخليك لا اهلك
كلهم ماعندهم مطلوبي شاكر ومقدر لك هذا المعروف

[خ الفياض]

اذا بتشتري تشليح لن تضمن انه اصلي او تجاري ..




نصيحتي لك مادام هي قطع خارجية ..



خذ التجاري ( جديد ) ولا تشاور ..



ولا تفرق بين الاصلي والتجاري لا التحمل ولا الشكل ..




وبالتوفيق ..



كلامك الله يحفطك في محله واقدر لك تجاوبك
لكن المشكله انه تجاري مافيه للقطع هذي
والاصلي غاااالي مره مره
لكن الله يعينا بس

[سناعيس]

اخوي الفياض

ما لك بعد الله الا تشليح الحربي في الرياض ( تشليح الحاير)

اول شارع في التشليح بيجيك على طول على اليسار

عنده كمية طيبه من الباث يمكن 7 ان شاء الله تحصل مرادك

[خ الفياض]

اخوي الفياض

ما لك بعد الله الا تشليح الحربي في الرياض ( تشليح الحاير)

اول شارع في التشليح بيجيك على طول على اليسار

عنده كمية طيبه من الباث يمكن 7 ان شاء الله تحصل مرادك
رحم الله واللديك جاري البحث عن رقم هاتفه

[ابوحماد]

في تشاليح الرياض على طريق الحائر

عندك تشليح القريني

أكبر تشليح في المنطقة

بتحصل عنده جميع القطع

الراقم

0505248826 كرار السوداني

0504254976 مصطفى السوداني

[خ الفياض]

ياشباب ان شاء الله حصلنا مطلوبنا عند تشليح الحربي
05074687801
وبكره ارسله واحد من الربع وان شاء الله خير

نشكر ونقدر وندعوا لكل من ساعدنا ولو بدعاء
والله يبيض وجيهكم ويفرج عنكم كرب الدنياء والاخره

[خ الفياض]

ياشباب الحمدلله شريت كل القطع
الا
الكشاف اللي بصدام وسعره غالي بالشركه 500 ريال تقريبا مين يدلنا على تشليح احصل فيه الكشاف والله تعبت وانا ادور لكن هين ماشريته ب500
ولكم الاجر ان شاء الله بالقصيم ولا المدينه

[Abo Nader]

أذكر شفت في العليان يجي طقم ب300 أو 350...

[مُباشر]

أخوي أي كشاف تقصد هو إلي يجي تحت بالصدام ..

إذا هو انا شاري لموتري قبل فتره تجاري حول السبعين