ياخبراء الدفع الرباعي ..... استفسار ؟؟؟؟؟ لو تكرمتوا

[زميقه]

السلام عليكم ورحمه اله وبركاته....
يا جماعه الخير .. حبيت تعطوني رايكم في اسئلتي التاليه
1- سيارة بليزر انتشرت في الشوارع وعيني عيها لكن ما هو رايكم بهذه السياره عمليه او لا ؟؟؟؟ ياليت مقارنه بين المميزات والعيوب
2- الدبل ( الدفع الرباعي ) فرقه في السعر عن العادي 4000 ويمكن تزيد شوي هل الدبل فيه عملي او مجرد اسم دبل يعني كلمه دبل في البليزر تسوى ؟
3- هل الدبل يثقل على السياره ومزعج في الصيانه ؟
4- هل صحيح ان القير ما يتناسب مع المكينه ويسبب انه يجيم .؟
ولكم احترامي

[زميقه]

ما هيقتها منكم ولا رد

[for]

والله اسئلتك بروفشنال

ودي اتفلسف لكن ماعرف اجابات والموضوع يهمني

[ذيب بلاده]

والله انا مالي خبره في ذي السياره بس الشركه عالميه انشاء الله مافي عيوب

[سكب]

والله من تشوف خشم السياره في الارض اغسل يدك


تحياتي

[بواسامه]

السلام عليكم ورحمه اله وبركاته....

يا جماعه الخير .. حبيت تعطوني رايكم في اسئلتي التاليه
1- سيارة بليزر انتشرت في الشوارع وعيني عيها لكن ما هو رايكم بهذه السياره عمليه او لا ؟؟؟؟ ياليت مقارنه بين المميزات والعيوب
2- الدبل ( الدفع الرباعي ) فرقه في السعر عن العادي 4000 ويمكن تزيد شوي هل الدبل فيه عملي او مجرد اسم دبل يعني كلمه دبل في البليزر تسوى ؟
3- هل الدبل يثقل على السياره ومزعج في الصيانه ؟
4- هل صحيح ان القير ما يتناسب مع المكينه ويسبب انه يجيم .؟

ولكم احترامي

هلا والله بولد الديره
المهم الموتر لا يهمك انتشاره فكثير ممن اشتروه ينشدون الراحه وفخامة الامريكي وغير عملي للبر ابدا لعدة امور قربه من الارض والامريكي معاكسه كثير وصوفه دايم تخرخر
نع الدبل بكل تاكيد يفرق عن العادي ومايبيلها مشاور
نعم الدبل يثقل والدفع الخلفي فقط اخف من الدفع الرباعي ويتبين هذا اذا ركبته فرارات لمن يشتكون من الدفرنس الامامس اما بحنه ورجه في السياره وحرة الجيوب المعروفه عندما يمشي 140 وفيها
اما سؤالك الرابع فلا اعلم انه غير متوافق واول مره اسمعها
وفقت للخير

[سلطان بن محمد]

الياباني وبس . . .
الأمريكي خذ فخامه وراحه بس أما العملي فـ أخو قلبك الياباني إذا كنت راعي بر ومكشات وروحه وجيه
اجلده لين يقول للعنز ياخاله ومع ذلك مايضره وسعره فيه إذا بغيت تبيع
هذا مالدي أقوله وتقبل مروري

[الرسن]

من عيوبه انه غير مرتفع عن الارض
لايتحمل المسافات الطويلة في الصحاري
اضافة لذلك انه غير عملي لهواة البر والرحلات
من اسباب ذلك دبله ضعيف وهذا عن تجربة احد الاقرباء
معالسلامة