شيئ ينسم العجلات بدون تعب ومبرمج

[كويشت 99]

احبابي في الله أريد أن أسئل عن شيئ ينسم العجلات الى ضغط معين مثلاً 15 وكأنه مبرمج على ذلك واذا كنتم تعرفونه من وين اشتريه :confused:
وجزاكم الله عنا كل خير

[البكور]

يا ليت توضح السؤال شوي يعني تبي شي ينقص الهوا لحاله مثل الهمر ولا تحطه على البلف وينقصه الى درجه معينه

[كويشت 99]

أخي وحبيبي في الله اقصد تحطه على البلف وترفع يدك عنه

[كويشت 99]

اخي وحبيبي في الله عذرا على عدم الرد السريع لأنه عندي ضيفان واقصد تحطه على البلف زي ما تفضلت ولاكن ترفع يدك عنه ويضل باتل ينسم لحاله
وجزاك الله كل خير

[سيف الظفير]

احبابي في الله أريد أن أسئل عن شيئ ينسم العجلات الى ضغط معين مثلاً 15 وكأنه مبرمج على ذلك واذا كنتم تعرفونه من وين اشتريه :confused:
وجزاكم الله عنا كل خير



فيه مقياس على شكل قلم وتلقاه في الجموس الجديدة سهل ودقيق جداً

[كويشت 99]

فيه مقياس على شكل قلم وتلقاه في الجموس الجديدة سهل ودقيق جداً
ما أقصد القلم لأن القلم طال عمرك لابد تمسكه بيدك( جعلها ماتمس النار)والي أقصده يضل باتل على البلف من حاله لين ينسم للقياس المطلوب ويقف التنسيم

[مقلع الرمث]

ادخل على الرابط هذا وشوف الافكار الجديده http://www.mekshat.com/vb/showthread.php?t=113547
وخذ الرابط هذا برضو افكار جديده
http://www.mekshat.com/vb/showthread.php?t=116339
امل ان تعجبك افكار ومسوبي مكشات
واسف على الاطاله

[كويشت 99]

يعطيك العافية اخوي مقلع الرمث الصراحة ذيب الآن وجدت ضالتي وان كان تعرف من وين اشتريه في مملكتنا الحبيبة تسوي فيني خير:eek:

[القناص]

لقيته بس غويلي
ب300 ريال
عند محل اسمه 4500اي اف اي
مخرج15 باتجاه الغرب من الدائري الشرقي
اول اشارة يمين ثمن اول اشارة يمين مره اخرى
يجيك المحل على اليسار فتحتين اسمه 4500
فالك التوفيق

[ali_11]

اخوي كويشت انا سمعت انهم بيخترعون سياره تنسم من كيفها واذا وصلت المكان المناسب صفطت وظبطت لك الشاهي والقهوه وبعد ما تطلع الازفلت تنفخ كفرها من نفسها بس هم الحين مختلفين في الشكل كيف يخلونه
والا اقول استقدم بنقالي وخله بس لتنسيم الكفرات والله حاله من جد

[كويشت 99]

أشكرك أخوي القناص على ردك واقول اسم على مسمى وبارك الله فيك وفي الأخوة المشاركين ولا أنسى الأخوة الأفاضل القائمين على المنتدى المميز وأقول الله يجمعنا معاكم في الفردوس الأعلى.

[كويشت 99]

الأخ ali_11 بارك الله فيك قد يكون شيء تسئل عنه ويفيدك بالذات اذا كنت بالحالك في المناطق الرمليه وعامل الوقت مهم جدا وايضا حاجة عندك مش مهمة وعند غيرك غاية في الأهمية وارجو أن يكون ما كتبته مهوب طنز ولاسخريه .

[ali_11]

ياخوي انا من جد ما اتطنز او اسخر بس انت عجزان تنسم كفر وتوزنه والله يا انت بتتعب بالبر خصوص اذا تبي تخش رمال يعني خلنا ناخذها بالعقل وانا اسف اذا زعلتك بكلامي

[الهواوي]

أخوي فيه الراس حق لي تعبئة الهواءصغير وتشبكه وتخليه ينسم وممكن تركب فوقه عيار لقياس الهوى . تحياتي

[كويشت 99]

أشكر الجميع على التعاون الإيجابي والمتميز في هذا المنتدى المبارك وكما سبق بأني قد وجدت ضالتي ولكم مني التحية والأكرام
وأما أخي ali_11ماصار إلا الخير علماً بأني كنت أقنص بالرملة من عام 1417هـ أيضاً نحن في تطور والإكتشافات الجديدة نستخدمها بما هو مفيد ونحاول أن نحذو حذوهم في الإبتكار وشكراً

[almanai]

موجود على الرابط
http://www.parksoffroad.com/prodreview/deflatortest/deflatormain.htm

[كويشت 99]

أشكرك أخي almanai على هذا ولكني لاأجيد اللغة الإنجليزية وبلإضافة أني أريد الشراء والأفضل في مملكتنا الحبيبة وأشكرك مرة أخرى على تفاعلك الطيب

[ali_11]

ما تعرف انقليزي وتبغى من مملكتنا الحبيبه
بس كل اللي في السوق صيني
وش نسوي انا اقول خلنا نشوف يمكن نقدر ندبر الوضع

[اخو نورة]

كويشت لو تكرمت وين لقيته وبكم لاهنت وهل هو استرالي والا تايواني؟

[.. Anas ..]

هلا وغلا
شف يا غالي
عند السنيدي شنطة بمقاس البوك . يجي به أربع بلوف , تركبهن على بلوف الكفر وتضبطهن على الضغط اللي تبي . 15 ,,, 20 الي تبي .
قيمتــهن 60 ريال

من أخوووك مواطــن

[أبو فيصل]

الله يجزاك خير على الموضوع وبالفعل أحتاج أمشي أحيانآ من فجر بسرعه فوق الــــــــــ 140 وفي نفس الوقت أظهر من الخط وأنسم التواير في دقيقتين من 30 الى 20 أو 18 <<< للصقاقير أيام العبور !!!

بس وين نلقاه في الشرقيه ولاّ من يجيبه من السنيدي؟

[عطارد]

اخوي اذا انت بالرياض وانت على الدائري يجيك مسجد الراجحي على اليمين لف يمين وامش شوي بتلقى على يسارك محل المقناص او القناص عنده قطع تركبها على البلف وتنسم الهوى على قد ما تبي بس يبيلك تعرف وزنية الهوى