ارجوكم حل سريع رجه بالجيب

[051]

بسم الله الرحمن الرحيم
عندي gx موديل 97 وذبحني بالرجه لدرجة انه فكك السيارة
غيرت له الهوبات مرتين وقماشات جديدة وسويت له صيانه للدوده على قول الميكانيكي
وهالحال قديمه معه وش السواه

[واثق]

يمكن عمود الكردان (أظن اسمه كذا) الموصول بالدفرنس الخلفي وحتى الأمامي عليه (طين) حاول تغسل السيارة من الأسفل وبإذن الله تنحل المشكلة
وفقك الله

[راعي الأفلح]

الله يكون في عونك ومثل ماقال اخوي العامود فيه مشكله اما طين او ميلان ويذا كان ميلان ياتغير العامود او تحط تحضيره وتتحمل الرجه في شبك الدبل ويذا ماطلع من العامود فايكون من احد الجنوط تاكد من الوزن والله يعينك

[مبعوث]

الرجه ؟؟؟ اذا تقصد الدركسون يلف يمين ويسار على سرعه معينه او ضربت مطب
فعليك بتغيير المساعد الامامي على طول ومعه ربلات القواعد اللي يركب فيها المساعد وبعدين رصص التواير وان شاء الله بتفتك من الرجه ( اذا نفس الرجه اللي في بالي )

[بـــ نجد ـــرق]

اخوي حدد نوع الرجه؟؟؟؟

لاكن الوالد معه نفس موترك

ورايح ذاك الييوم يغيير له صليب بس اللي ركبوه ماركبوه زين

المهم بعد ماركبوووه صارت السيارة تنتفض والطبلوون يهتز اذا وصلت 100 كم تقريبا

الزبده شييك على العموود

تحيتي لك

[ss454]

تحياتي
الله يكفينا وياك المشاكل ويصلح حال موترك وييسر دربك .. امين .

الرجة انواع ، بس وشي الرجة الي بموترك
- اذا مع الفرامل : فالمشكلة بالهوبات او الكليبرات يكون واحد منها عاض او به مشكلة .
- هل هي بالدركسون : معناه مثل ماتفضلو الاخوان يامساعد الدركسون او جلد التعليق الامامي او مشكلة باحد الكفرات الي قدام .
- اذا الرجة بالبودي كامل وباردة ( 2-3 هزات باثانية ) ( مقياس رختر على غفلة :) وتظهر من 80 وطالع معناة الكفرات او الجنوط .
- اذا الرجة ناعمة وقوية (( ورة )) وتزيد اذا زريتة بنمرة معناه مشكلة بالعامود الخلفي ( صلبان او عامود ) .
- اخيرا اذا الرجة بس مع شبك الفرارات فمعناه البلا بعامود الدبل واذا ما عندك فرارلت فشبك الدبل ومش 60 - 80 ثم افصل الدبل وشف اذا تحس ان الرجه تغيرة معناه البلا بعامود الدبل .


في طريقة بس يبيلها طولة بال
تجي يوم فاضي ( صباح الخميس مثلا )

ارفع الموتر من الدفرنس الخلفي بحيث يكون كفرين بالهواء وشغل الموتر وامش حتى سرعة 120 والموتر معلق وشف هل تحس برجة او خل احد يشوف لك الكفرات والعامود كان فيه شي ظاهر مع وجو اخذ الحذر .

اذا نعم معناه مشكلتك ورا ( صليب او عامود او جنط او كفر ..)

واذا لا ، فرفع الكفرات الي قدام او افصل الفرارات ( اذا كان موجودة ) وشغل الدبل وشوف ان كان فيه رجة فحاول تحدد هل هي من عامود او من كفر ، لكن ان مالقيت رجة فحتمال يكون عندك مساعد الدركسون او جلد التعليق الامامي .

واعذرني على الاطالة

واتمنا لك التوفيق

ابو خالد

[ابوعبدالهادي]

سوي ترصيص أرضي أكتروني ولا تخسر نفسك بتروح الرجة

[الفتكي]

السلام عليكم
كل عام وانتم بخير
اخوي 051 ولا يهونون الربع اتوقع ان يدبل مساعد الدركسون اذا كانت الجنوط سلق لأن الدفرنس الامامي ياي زي الباترول انا حصل عندي ثلاث سيارات باترول اذا ركبت كفرات بالون تجي الرجه وادبل مساعد الدركسون وتروح لأن الرجه تجي عن سرعة 80كم واذا ركبت كفرات عاديه تروح الرجه. والله يجيب لك الحل بأسرع وقت.واعذرني اذا اخطأت.

[051]

جزاكم الله الف خير
انا تأخرت عن الردود لظروف