وش رايكم بالشروكي للبر

[ابوراضي]

انا ابي سيارة للبر ولا معي فلوس كثير ونصحني واحد من الشباب بالشروكي وابي رايكم بصراحة
الشروكي كويس ولا لا؟؟؟

[بدوي جنوبي]

السلام عليكم ورحمة الله وبركاته

اهلا بالاخ ابو راضي وحياك الله بقسم السيارات

الشيروكي سياره قوية وخفيفه ،،،
تبقي مشكلتها في كثرة اعطالها وتحتاج الي صيانة بصفه دوريه

لكن اذا لقيت جيب نظيف نظيف توكل علي الله وخذه
قد تحتاج الي بعض التعديلات عند الاستخدام للبر

اتمني لك التوفيق



علي فكره ترا غيرت العنوان :D

[صنهات بلش]

اخوي ابو راضي ... تبي النصيحه .

النيسان الباترول رخيص وقوي .... دور من موديل 88 الى 94 وتلقى .. لو تسوي له بعض الصيانه .

مع تمنياتي لك بالتوفيق .

[مخاوي الذيابه]

أخوي ابو راضي ...

الشروكي بالبر ما عليه كلام

لكن مشكلتة في كثرة الخرابات

وكان تبي الشور ...

الباترول رخيص وزين بالبر ..

[راعي الركيات]

الشروكي اذا فكه الله من الخربات خذ موتر بيعجبك لك علتة في الخربات

[The End]

أخوي معه شروكي 2006 زي العسل ... عيني عليه باردة من يوم ماشراه إلى يومنا هاذا ماصلح فيه شي

وفي البر بطل واستهلاكة للبنزين قليل (يصلحله بنزين 91)

الأن مخفظين عليه في الوكالة >>> سعره جديد حاليا 69900 ريال

[ابوراضي]

الله يعطيكم العافية ما قصرتوا وجزاكم الله خير

[جمعان 22]

الشروكي


انا بقولك اللي اعرفه

سيارة كثيرة الاعطال ...... ممكن تنكبك في اي رحله طويلة وتضر لسحبها معك بونش

حرارته ترتفع بسرعة ..... واذا استخدمت الدبل ...ينصح بوضع قارورة ماء في السيارة عشان توقف وترشه على الراديتر والمكينة ...لان حرارتك بتكون مرتفعة جدا

اما في الصيف ....الله يعينك


السيارة فيها عيب خطر جدا جدا ...... وهو عمود القاردن ممكن يسقط على الارض في اي لحظة اذا كنت تستخدم السيارة في البر او تستعرض فيها او ترفع ضغطها عموما

اذا سقط العمود من الخلف الله ستر ....اما اذا سقط من الامام ...بتروح مثل اللي يقفزون الحواجز بالعصا :d


توزيع الوزن في السيارة غبي ...... الوزن كله في اول السيارة ومن الخلف خفيفة جدا

يعني اذا نطحت شئ او نزلت من مرتفع السيارة بتروح على وجهها وهذا معروف عن الشروكي


ما يحمل شيئ واذا حملت فيه بتنزل السيارة للارض من الخلف


ضيق المساحة ...... ليس لثقيلي الاوزان فقط ..... لكل البشر من 55 كيلو الى 550 كيلو



مميزات


سيارة مكينتها قوية ونشيطة ......


باختصار الشروكي سيارة سبورت واقرب لسيارات التفحيط من سيارات البر والترحال

[ابوحمد..]

اهلا ابوراضي ..
الشروكي باختصار .للي كشتاته في البر واجد
(من البر للورشه طواااااااااااااااااااالي)
نصيحه دور بديل
وشكرا

[الدحبول]

http://nissan-me.com/Arabic/Files/images/vehicles/pick-up/gallery/wallpapers/pickup-640x480-02.jpg

[الحر الاسمر]

السلام عليكم

اخوي ابو راضي الشروكي زين وخفيف
مايرده طعس أهم شي أنك تسوي عليه
صيانه أول مره انشاءالله يسلك معك
أخوك معه شروكي دايمآ في البر
وراعي قنص أنا شاريه مستعمل
من واحد ماأعرفه يعطيك العافيه

دمت بخير

[abc-00-abc]

السلام عليكم ورحمة الله وبركاتة
و الله الشروكي كثر الحديث عنه
من ناحية الخربات و اذا رحت الصناعية
لقيت كل انواع السيارات في الورش بجميع الموديلات

بصراحة بجربتة مريح في البر و في الخط
من ناحية القوة ما يحتاج اقول ( الكل عارف )
خفيف وزين و ذرف
واهم شي تابع زيوته واهتم في الصيانة الدورية
و الله يعطيك خيرة و يكفيك شره
نصيحة مجرب
اخوك ابو محمد

[مشعل العيسى]

اخوي انا معي شروكي وتبي الصراحة ما انصحك تشريه ابد .. والله مشاكلة كثير مره ... كل ما صلحت شي خرب شي ثاني ... هو زين للكشخه والمساقط .. اما البر فما انصحك به ابد .. مع العلم اني محافظ عليه وما اطلع به للبر ابد ولكن تحسفت اني شريته ... شف لك سفاري او لاند رخيص او هايلكس دبل من الجديدات لو بالتقسيط وربي يعينك ويوفقك ... وخذ شور الاخوان في الردود ...

[ابوطاقية]

الشروكي سياره لك عليها
مشاكلها
1-حراره
2-دفرنس
3-قطع غيار غاليه
4-ورشاته محدوده

[zz822zz]

أنا ياعيال كان معي شروكي صراحة أذبحن بالخربات!!!!!!!!!!!!

طيب ياعيال أنا مثل هل رجال أبغا موتر بر وأنا حاط عيني في جيب جراند شروكي 2002 فل كامل مستورد عليه ضمان سنة كاملة (دفرنس- ماكينة- قير- دبل)وشرايكم أخذه أو لا؟؟؟وكم سعره هو لأن راعي الصاله يقولي 39 ألف وأنا أقوله 36ألف فهل سعره مناسب؟؟؟

[ابوطاقية]

أنا ياعيال كان معي شروكي صراحة أذبحن بالخربات!!!!!!!!!!!!

طيب ياعيال أنا مثل هل رجال أبغا موتر بر وأنا حاط عيني في جيب جراند شروكي 2002 فل كامل مستورد عليه ضمان سنة كاملة (دفرنس- ماكينة- قير- دبل)وشرايكم أخذه أو لا؟؟؟وكم سعره هو لأن راعي الصاله يقولي 39 ألف وأنا أقوله 36ألف فهل سعره مناسب؟؟؟

طع شورى لاتقرب للقراند شروكي
اسبوع معك و3 اسابيع بالورشه
انصحك نصيحة اخ تاخذ للبر موتر ثقه مثل الياباني تايوتا والا نيسان والا بجيرو
وترى بتحصل جيوب يبانيه للبر نظيفه من 20000 الف الي 30000 الف

واذا تبي قوة بكل ماتعنيه الكلمه تاخذ جيب تايوتا والا نيسان رخيص وترهم عليه مكينة امريكي من الموديلات الجديده مثل الكابرس من موديل 2003 وفوق
وترى مايكلف واجد لاكن بتشوف العزم القوى والصراحه يسوى تعبه اسئل مجرب

عندي جيب تايوتا فيبرثلث لونه ابيض موديل 85 اشتريته ب 13 الف مخصص للبر فقط ورهمت عليه مكينة كابرس 2004 الصراحه فرق شاسع بالقوة واقتصاديه بالبنزين وكذلك خفيفة الوزن لانها اخف من مكينة التايوتا والا النيسان تقريبا 80 كيلو

الموتر والحمدلله رحت فيه من الصمان الي حفر الباطن بدون اي مشاكل وكذلك مسكنا الدهناء من طريق الدمام الى حايل والحمدلله ما اشتكي من شي

اذا تبي تكلفة الترهيم كتبتها لك
والسلام عليكم

[سيد النشاما..]

الشروكي وأنا أخوك مثل ماشبه بعض الأخوان :

موتر لامسكت الخط وطلعت من الديرة دلى يتلفت يمين ويسار لين مالقى أحد وقف على جنب متعطل

[zz822zz]

طع شورى لاتقرب للقراند شروكي
اسبوع معك و3 اسابيع بالورشه
انصحك نصيحة اخ تاخذ للبر موتر ثقه مثل الياباني تايوتا والا نيسان والا بجيرو
وترى بتحصل جيوب يبانيه للبر نظيفه من 20000 الف الي 30000 الف

واذا تبي قوة بكل ماتعنيه الكلمه تاخذ جيب تايوتا والا نيسان رخيص وترهم عليه مكينة امريكي من الموديلات الجديده مثل الكابرس من موديل 2003 وفوق
وترى مايكلف واجد لاكن بتشوف العزم القوى والصراحه يسوى تعبه اسئل مجرب

عندي جيب تايوتا فيبرثلث لونه ابيض موديل 85 اشتريته ب 13 الف مخصص للبر فقط ورهمت عليه مكينة كابرس 2004 الصراحه فرق شاسع بالقوة واقتصاديه بالبنزين وكذلك خفيفة الوزن لانها اخف من مكينة التايوتا والا النيسان تقريبا 80 كيلو

الموتر والحمدلله رحت فيه من الصمان الي حفر الباطن بدون اي مشاكل وكذلك مسكنا الدهناء من طريق الدمام الى حايل والحمدلله ما اشتكي من شي

اذا تبي تكلفة الترهيم كتبتها لك
والسلام عليكم

مشكور وماقصرت أخوي



أنا والله من زمان أدورلي موتر زين من هل يابنيات لاكن مالقيت!!!!!!!


أذا كنت خابرلي جيب ربع تايوتا موديل 95 أو 96 يعني أهم شي يكون نظيف وسعره مناسب وشكراً

[شروكي ربع]

أخوي الغالي :



نصيحة مجرب ومرت عليه 3 مواتر شروكي ..


94 - 97 - 98




من تجربة الموتر ما يحتاج ..



خفة وقوة ونشاط ووذف ..



قطع الغيار موجود الامريكي ومقارب جدا لاسعار التيوتا وممتاز ..




الخرابات :




اذا اخذت الموتر النظيف لن يخرب عليك باذن الله ..




لانه موتر قووي وموتر كرف ومو مصمم للديره ;)




استهلاكه للوقود ممتاز ..




وهو ارخص المواتر ( دفع رباعي ) بالسوق وجودته عالية جدا ..




باختصار اذا حصلت النظيف خذه ولا تشاور ..



ملاحظة قوية و مجربة [[ لا يوجد تقارب بين عزم العادي والتماتيك ]]


فالعادي على الاقل عزمه ضعف التماتيك !!


قد تستغرب ولكن هذه الحقيقة ..





نقطة أخيرة مهمة جدا ً :





لازم تشيل معك واير بالموتر ...

























عشان تطلع التيوتا والنسيان من الغراز :D

[ناصر الدهمشي]

والله يوم اني قريت الواير

قلت يبي يجلد له أحد :)

[الوشاح]

معي مديل 2000 من اربع سنوات اكده ماشفت الي يقولونه الناس
لكن لاخذت موتر خذ نضيف
وربي يوفقك ..

[شيخ العزوبية]

اخوي ..

اشتر وانت مغمض ويقولون اسال مجرب ولا تسال طبيب ..!!

انا معي شيروكي م 99 ولا احلى منه .. بس اشتر شي نظيف ..

مثل ماقالو الاخوان خفيف .. ونشيط .. وصرف البنزين معقول .. قطع غياره متوفره ورخيصة .. وفيه ورشة متخصصة للشيروكي في الصناعية القديمة وشغلها ممتاز ولو يخيرك بين القطع اللى تبغى تغيرها اذا تبغى جديد يجيب لك واذا تبغى تشليح يوفرها لك وسعره معقول ..

وانا هالحين ابغى ابيع جيبي لانه باب واحد وابغى اشتري جيب شيروكي اربع ابواب ..


وفعلاً اذا شريت شيروكي خل معك واير ..





تسحب فيه التويوتا والنيسان ..!!

[Cool 3la 6ooL]

أنا ياعيال كان معي شروكي صراحة أذبحن بالخربات!!!!!!!!!!!!

طيب ياعيال أنا مثل هل رجال أبغا موتر بر وأنا حاط عيني في جيب جراند شروكي 2002 فل كامل مستورد عليه ضمان سنة كاملة (دفرنس- ماكينة- قير- دبل)وشرايكم أخذه أو لا؟؟؟وكم سعره هو لأن راعي الصاله يقولي 39 ألف وأنا أقوله 36ألف فهل سعره مناسب؟؟؟

اعتقد ان السعر مناسب، لان 2006 هيمي بالسبعينات و لاريدو بالستينات

[ابو محمد الزهراني]

ياشباب وش ذا ترى الموضوع قديم

[الحترم911]

عند واحد من اخويياي شروكي 94 باب ابيض للبيع
ومسيوم بـ11الف
للمفاهمه
سعد
0533981308

[قناص طيبه]

والله ياخوي انا كنت مثلك مراوي على الشروكي بس.
طبعا انا مثلك فلوسي على قدي.
ولكن استبدلت الدني بالذي هو أعلى
طقيت يا طويل العمر باترول ربع 99 ب25ألف فقط.

[صايدهم]

ياخوي انا معاي سبورت 97 ولا احله في البر بس العيب تنكي البنزين صغير

[شيروكي99]

مراحب اخوي
عليك بالشيروكي الباب واحد من 98 الي 2000 وياريت يكون سعودي بعد ماعلية طلبات وخفيف وركب جنوط وكفرات 10 انش وادخل البر بدون دبل بس لازم تغير كلتش رياضي من جد اهم شي رمل وصدقني بتشوف متعة البر والتطعيس من جد

وخفيف وعدة انك شاري بانشي

[سوبر VTC]

رد بعنف :d
تبي موتر حمار كده خذ من م2001 و نازل
و اذا اخذت قير تماتيك اهم شي يكون معك حساس مقنت
سعره بالتشاليح 150 و جديد 300
و هو يركب على الحذاف اذا دار الحذاف اشتغل الموتر و مرة طفى على احد الربع بالبسيتينات بقبة و صار الخراب ان فيش الحساس منفصل الحساس اذا دار الحذاف يعطي معلومة للكمبيوتر يعني شغل الموتر
علما ان الفورد و المكسيما يجيلهن 5 حساسات و بعضهن 4 على نفس بكرات المكينه
و هو توفيق بعد الله احيانا تجلد الموتر و لا يخرب
و احيانا ماتجلده و يخرب
و قطع غياره رخيصه مكينته من التشليح راكبه من 2000 الى 2500 الى 2800
لان مكاينه غزت السوق و يجن من اليابان استخدام ياباني يجيك الموتر مقصوص من النص يعني خشه موتر+مكينه+قير
و قطع غياره رخيصه دفرنس كامل ب1500خلفي امامي ب800
رمان كارونة ب100 رمان بنيون ب150رمانين
صليب ب70سبيسر او امريكي ب30
عموما قطع غياره بشكل عام و عموم الامريكي رخيص لتوفره و كثرة استيراد السكراب و ارحم من التويوتا و النيسان اديتر اصلي رصتين ب700 مستعمل ياباني ب350 رصة اردني ب400 علبة دركسون ب150 قير تماتيك مع الضمان ب1100 الى 1600
احد الربع جاب مكينة من الرياض استخدام ياباني مع القير بلاش ب2400 مع السلف و الدينمو طبعا ميكانيكي الرجال
اغلا ما بالشيروكي القير العادي لانه عليه سحب
نصيحتي خذ لك قير عادي

[واطي الجمرة]

بالنسبه لي كمجرب الي يبي شيروكي للبر ياخذ كلاسيك عادي قير عادي ........

ويسوي له بعض التعديلات ونا اضمن له الموتر كد ومد
لاحراره
لاعطالات