سؤال عن الغنم الصينيه ولايرانيه

[مطاربروق]

سؤال يا الربع احد قد جرب الغنم الصينيه او الايرانيه لاني سمعت انه السوق مليان منها وانها تشبه النعيمي تماما ولا يمكن التفريق بينها

[ناصر التميمي]

اخي الفاضل
والله انا ماجربته بنفسي
بس بعض الزملاء جربها
يقول والله انه ماااااااااااااااااااااااااااااااااااااااااااش؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟
النعيمي يابعد حيي لايعلى عليه
وانصحك بنعيمي ديارنا
عليك بالهرافي الصغار
تقبل مروري اخيك خشوم السحاب

[مجازف2010]

اخوي السلام عليك
مافيه فرق بالطعم ولكن الناس عندها العامل النفسي يطغي على العامل الحسي

صيني ايراني سوري نعيمي بربري المهم انه متربي هنا ولا يقل عن ثلاث اشهر وما فوق وتحصل طعمه مثل الزبدة
وعلى فكرة لو صاحب الحلال يبيعك صيني بس يعطيك سعر غالي ب 800 صدقني تبي تاكله بدون ما تفكر اما اذا باعك الخروف رخيص بس 500 او 600 تبي تشك ليه لانه رخيص وهذي والله مصيبه عندنا في مجتمعنا
اقول هذا الكلام من واقع تجربه

تحياتي للجميع

[مطاربروق]

مشكور على سرعه الرد وصدقت الهرافي لا يعلى عليها بس تسبب اللللللللللم في الجيب الوقت هذا

[برق4]

ما مثل نعيمي البلد وباللنسبة للمجمد ماش

[الكهف1]

نفس الخروف
اهم شي في الغنم انة ياكل مرعى عشب هنا او هناك
مشكلت الغنم في الحب او البقايا من الاطعمة

[الطرفاوي@]

وين هذه الغنم ماعمرنا شفناه

[حد الشمال]

والله ان كان الصينيين تربيتهم للغنم مثل بعض صناعتهم اعتقد ماراح احد يشتريه

[البضيع]

وانا اخوك انا مجربها وتراها جيدة وسمان

غنم ديارنا لاتخلو ابدا من الخراج بعكس الصينية

وانت جرب بنفسك لان الاكل اذواق

[بحر الظلمات]

اول مره اسمع بالغنم الايرانيه
لا يكون قصدك الغنم اللي بقم والنجف

[ابوعبدالهادي]

كلها من نعم الله ويارب يديمها نعمة علينا

أهرب منها هروبك من الاسد

أن تبي تأكل خذلك من الزفر لو تغسل يدك بكلوركس ماتروح ريحت اللحم

وأن بغيت تكرم ظيف عز الله اللي بتفشلك 0
أخوك له سوابق معاها

[مطاربروق]

وين هذه الغنم ماعمرنا شفناه
يحبيبي الطرفاوي انزل سوق الغنم في الشرقيه وتشوف الغنم هذي وخللك مع الناس لاتجلس بطرف لوحدك ودمت سالم

[مطاربروق]

اول مره اسمع بالغنم الايرانيه
لا يكون قصدك الغنم اللي بقم والنجف
والله اسواق الغنم في الشرقيه مليانه منها والغنم الي في قم والنجف لا تنطبق عليهم الغنم لان الغنم من بهيمة الانعام اكيد انت فاهمني :D :D :j

[راعي الفروه]

حياك الله ياخوي والله يابن الحلال هذي الغنم والله مانعرفها ولبعد شفتها ولكن حسبنا الله على الي حدنا على هلمور منول ماندور الا النجدي الطيب والا النعيمي وهالحين من تيس باكستاني الى هرفي صيني الى نعجه ايرانيه والخافي اعظم

[محمد باحاج]

ياااااااااااااااااااخوان
السلام عليكم

نذهب للمطاعم الفارهة وفنادق ***** خمسة قدور..أقصد 5نجوم ونتلذذ بأكلاتهم ومشوياتهم في الحفلات والمناسبات.:good:

وننسا أنهم يطبخون لنا لحوم مثلجة بل وقديمة جدا هندي وبرازيلي وصيني :no: اللي سعر الكيلو في البقالة 4.5 ريال
الآن مع ارتفاع الأسعار أصبح 6 ريال

ودجاج بياض عود سعرد الحبة ( 0.5 ) نصصصصصصف ريال :eek:

لأن الدجاج البياض حجمه كبير جدا وعمره الانتاجي سنة واحدة ثم يقتل أو يذبح ويودع في ثلاجات الفنادق التي تأخذه بالحجز عن طريق عمال المزارع وليس عن طريق المزارع رسميا.:j

وكما قال الإخوة الخرفان هذي كلها من نعم الله ولكن تبقى العادات والتقاليد هي المسيطرة ويبقى أثر المرعى على مذاق الطعام يميّزه الذي لم يأكلها من قبل .
وحتى حلالنا البلدي فيه فروق كثيرة من نعيم و حرّي وماعز جنوبي وشمالي نجدي وحجازي. كل له خاصيته.

أما الأغنام التي تتوالد هنا وتأكل من مرعى الأرض فلن تميزها أبدا .


رأي خاص يحتمل المعارضة وشكرا


وأنا اليوم بسوي سباق بين الخرفان ونشوف والفائز سيأخذ أكبر نسبة تصويت لاهنتوا











هذا الأسترالي شوفوا وسامته لكن لاتسألوني عن طعامته
http://www.sheep101.info/Images/sheep_racing.jpg


وهذي مطارحه بين سواكني واسترالي .............وأعتقد الاسترالي اللي ماسك بريك راح فيها

http://www.viewcalgary.com/peter/stampede/various/images/DSC_4913.jpg


وهذا مسابقة ملكة جمال النعاج ....والترشيحات لكم

http://www.sheep101.info/Images/agrodome2.jpg



وبعد مباراة الأهلي والاتحاد كان للجمهور رأي ورأي آآآآآآآخر

http://www.tribuneindia.com/2005/20050219/wd2.jpg


والمعذرة على القصور في التغطيات

[pass2love]

انا قبل اسبوع شاري سواكني مربي في السعوديه والله مدري من كم

سبحان الله علي طعمه شئ مو طبيعي

ومثل ماقال الاخوان اي غنم تربي هنا وتكون سنها صغير اكيد بتصير طيبه

[القرعاني 2008]

اخي الفاضل
والله انا ماجربته بنفسي
بس بعض الزملاء جربها
يقول والله انه ماااااااااااااااااااااااااااااااااااااااااااش؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟
النعيمي يابعد حيي لايعلى عليه
وانصحك بنعيمي ديارنا
عليك بالهرافي الصغار
تقبل مروري اخيك خشوم السحاب

:good: :good: 100%
بس لا تطلب النعيمي الا من دياره يابو وراجع معلوماتك ترا النعيمي الطيب عندنا _(( مناطق الحدود العراقية)) سوريا - دير الزور

هذاك النعيمي ياخلف جدانــــــــي

شاكر لك على سعة صبرك ياخالــي......

تقبل مروري ولا تاكل شي ماتبخصه :no2:

[هاي لكزز]

لا مو اي غنم مرعاه شعير قصدي هنا زين
كلنا نعرف البربري ونعرف طعمه صحيح انه طيب وهذا من نعم الله علينا
لكن فيه احسن منه لدرجة انك ما تفكر تسئل البربري بكم
النجد درجه اولى بس مع الاسف من يوم ما استوردنا الاعلاف من الخارج
والخراج او الثعل لاعب فيها فمالنا الا النعيمي وهو كيف المفاطيح
- على قولت مصري الفحاحيط -
المجلوبات من سوريا طيبه ما فيها كلام
لـــكن الله يرزقنا بربيع الي يغنيانا عن الشعير و الأعلاف المستورده

لا اله الا انت سبحانك اني كنت من الظالمين

[أبو رداد]

الهرفي النعيمي ومرعاة شيح وقيصوم .... مافوقه طعم
اما الغنم الايرانيه ... الي نعرفها في سوق الاغنام في الامارات يسموها (غنم الجزر) فهي جيده ولابئس بها
والصينيه ماقد شفتها في سوق الاغنام ولاقد جربتها
وسلامتك

[محمد6655]

الذ لحم ودرجه اولى التيس ثم الهرفي النعيمي ثم النجدي وطبعا الغنم في منطقة نجد لحمها لذيذ بسبب اشجار الارض (الرمث وغيره وطبيعة الجو)ثم الحري واما المستورد فهو مايصلح يوكل قبل مايعلف بالسعوديه اقل شي ثلاثة اشهر وبعد مايعلف فاحسنه النعيمي السوري ثم السيكل السوداني ثم النعيمي التركي ثم الايراني ثم الخروف الصيني وغيره ولكن كل المستورد اذا ماعلف وتربا بالسعوديه اقل شي ثلاثة اشهر يصير بلحمه ريحه وصنقه وزخمه كريهه وماهي لم سنع وتقبلوا تحياتي اخوكم(شريطي غنم سابق)

[أسد سياتل]

أخواني الأعزاء :
حبيت أشارككم ببعض المعلومات المفيده ومن مصادر موثوقه بالنسبه لتربية الماشيه في الصين. فقد عمدت دولة الأردن بتصدير الآف من ماشيتها وخرفانها الى الصين وذلك لتوافر العشب ولرخص الأيدي العامله في مزارع خاصه ومعزوله تمااااما بحيث يتم الأنتاج ومن ثم يتم أستيرادها مره أخرى بالآلاف الى الأردن ومن ثم الى الدول المجاوره وليس هناك فرق بين الخروف الشمالي السعودي أو الخروف الأردني المستورد المحافظ على بيئته الجينيه ومن ثم ينطبق الكلام على الخروف الأيراني وذلك لتوفر المراعي لديهم. وبعدين قولي وش عندنا من مراعي عشان نقول اللي عندنا أحسن كلها عايشه على شعير (مهجن) وأرجو أن العامل النفسي مايبعد بكم بعيد.