الباترول والبنزيم؟؟؟؟

[عبدالله الصالح]

ياناس ابي رايكم في الباترول وهل فيه احد يعرف حل للبنزيم
علشان تقل صرفيته...... ارجو الافادة

[مكشات]

هلا اخوي القصمنجي
رأيي إن الباترول للقناصة لايُعلى عليه ..
لعدة أسباب منها :
1 - الباترول مريح أثناء المشي على الحصا أو العثامير ..
2 - الباترول لايروغ عند إنحناءات الطرق الصحراوية ..
3 - الباترول وزنه موزع بشكل متساو وعندما يقفز بك لايقع على وجهه كبعض السيارات الاخرى ..
4 - الباترول أقوى عزما من غيره عند صعود التلال الرملية او عند إستخدامه لسحب سيارة اخرى ..
5 - ماكينة الباترول والقير عمليتان ومعمرتان ..

عيوبه :
1 - إستهلاك بنزين عالي ..
2 - الموديلات القديمة وحتى موديل 97 تتفكك من مطبات الصحراء ..
3 - سعر الباترول ينخفض بعد إستخدامه ..
4 - تحتاج لإبدال ماكينة نوافذ الابواب كل ستة أشهر تقريبا ، وسعر الواحدة منها حوالي مئة ريال ..
5 - تحتاج لتبديل فحمات الفرامل مابين ستة أشهر وسنة ..
................
وبخصوص البنزين يوجد حلين له حسب علمي :
الحل الأول : تبديل إبر الكربوريتور إلى إبر اخرى أصغر فتحة .. وأهل الكربريترات راح يقولون لك وش اللي يناسب السيارة ، لكن هالطريقة تقلل من العزم .. وإذا قل عزم الباترول فقدت أفضل ميزة فيه :)
الطريقة الثانية : تركب جهاز فصل الأيونات عن البنزين ، وهالجهاز تحصله عند أصحاب الزينة في الغالب .. وهي الطريقة الأفضل لتقليل إستهلاك الوقود ..
تحياتي لك

[العجمي2]

مرحباالقصمنجي
انا اقول مافيه حل اي شي اتسويه لا زم لها مضره لو فيه حل كان اليابانين عملوه و مافيه ازين من الوكاله:good:

[ابومراكي]

السلام عليكم ورحمة الله وبركاته
والله الصراحه ياجماعة الخير
انا عندي تجربه مع النيسان باترول ديزل الصراحه هو عباره عن (دينا) واسترح
لا عزم ولا غيره يعني حتى التريلات المحمله تسقط عليك
ولا لا صار فيه هواء مقابلك ياويللك لو معك سيكل يمكن احسن لك..
ياجماعه اشتروا بنزين واطربوا زمانكم قبل يجي يوم يصير البنزين ب2 ريالين اللتر
وشوله يرتفع ضغطك بسبة الديزل
والله اني عندي كلام كثير ومليان قلبي من هالديزل اللي يحمي الكبد
اسف على الاطاله ياجماعه لكن ياجماعه شي يقهر ويفقع المراره
بأمان الله

[Bader-M]

السلام عليكم
قام احد الاصدقاء بشراء نيسان باترول سوبر سفاري موديل 92 كربليتر وديلكو عادي من الامارات وفي طريق

عودته للرياض تفاجاء ان السياره يعبيها بحدود الثمانين لتر ولا تمشيه الا في حدود الثلاث مية كيلو وصراحه

انصدم الرجال وفكر يرجع للامارات يبيعها مره ثانيه ولكنه استمر حتى وصل الرياض المهم اجتمع بعض الشباب

وانفحصت السياره فحص جيد ولم يعثر على اي خلل في السياره كل شي يعمل بشكل جيد ولا يوجد اي خلل والسياره

شبه جديده حيث انها لم تمشي الا حدود الثمانين الف كيلو وبعد المشاور ادخلت السياره لدى احد الموجودين

حيث يوجد متسع في بيته وقمنا بفك راس المكينه وسوينا له تلميع بشكل ممتاز لمجاري الهواء والنار بدون

زيادة في الوسع ومن ثم ركبنا الراس مرة اخرى وغيرنا الكويل بواحد اخر اقوى من نوع MSD بلاستر ثري

وقمنا بتغيير اسلاك البواجي باخرى جديده اصليه من الوكاله لتوصيل الجيد للكهرباء واستبدلنا البواجي باخرى نوع

سوبر بوش بلاتينيوم وازلنا المروحه واسبدلناها بمروحه كهربائيه اخذناها من مكسيما حيث وجدناها الانسب

من ناحية ابتعادها عن بكرات السيور ووجود سرعتين فيها ووضعنا لها حساس يعمل مع فتحة بلف الحراره

وبعد ذلك ركبنا فرارات للدفرنس الامامي وبعد ذلك تم استبدال الكنداسه بواحده اخرى اكثر تهويه ولكن بدون

صوت زائد وبعد ذلك وضعنا عازل حراري خاص على خرطوش قربة الهواء لكي لا يتاثر الهواء القادم

للمحرك بحرارة القزوز ...

النتائج حسب ما افاد صاحب السياره ...

طلع يجرب السياره اول ملاحضة السياره تحسن عزمها بشكل ملحوض السياره اكثر هدوء والسرعه تحسنت

كثيرا حيث ان السياره تمسح طبلونها بكل سهوله المهم صار التانكي يمشيه اكثر من اربع مية كيلو بدلا من

حدود الثلاث ميه والرجال انبسط من السياره ...

السلبيات ...

ارتفاع الحراره عند استعمال الدبل اكثر من المروحه الميكانيكيه ولكن ليس بالارتفاع الزائد الشي الثاني

البطاريه عند استخدام كبس في البر تنسحب بسرعه حيث ان المراوح تستهلك بعض الكهرباء خاصه مع اشعال

المكيف والنور في وقت واحد ...

بعد مده تم استبدال الديلكو العادي باخر الكتروني وكان افضل من السابق والرجال مشى على السياره حتى

الان اكثر من مية وخمسين الف بعد التعديلات والحمد لله لا يوجد مشاكل ...

قمت بوضع هذه التجربه لمن اراد الاستفاده منها ...

وتقبلو تحياتي

مارين
..............................
كما ووضح كاتب هذا الموضوع شخص اسمه مارين
وهذا ربط الموضوع (http://alsaha.fares.net/sahat?11@145.WsptgZTLE4W.3@.1dd4535c)
............................
تقبل تحياتي

[بــرق الشمال]

أخوي القصمنجي السلام عليكم رأيي انا وانت حر يازين بيعته
لأن كان معي سلقه 2002 ربع مهبول بس لحس مخي باالبنزين
وبعته بخساره لأني شاريه وكاله .وشريت عقبع شاص(عاشت أيامه)
وانواع الوناسه:good:

[عقرب الليل]

شف اخوي انا معي سفاري99
وياكل اكل البنزيم كنت اغير الزيت فوكس وبعدين غيرت زيت سوبر قلف
وحسيت ان الموتر تغير صرفيت مره
وحطيتله تحضيره(فرارات )وخف الموتر وقوي عزمه
ومشاءالله الحين مايصرف ابد يعني الفل يمشيني مابين500-600كيلو
وسوالطريقه ومرايحتندم عليها

[ولد روضة سدير]

السلام عليكم .... خذ هالحكمه مني اذا كان الموتر يعطيك اللي تبيه عطه اللي يبيه يعني اذا انت مستانس منه وهاب ريح ما يهم البنزين انه عتدي موديل 2002 فول الخزانين يمشيني 600...650 كليو بالخط بس داخل الديره500....550 بس يستاهل ..................وانت ما قلتلنا كم موديل موترك بخاخ وله غيره

[عبدالله الصالح]

مشكورين ياشباب صراحه ماقصرتو وبالاخص( طاير بالعجه) مشكور اخوي....
صراحه انا معي باترول ولاحظت شي في الروحات والجيات انا ما امشي الا 120 ولاحظت الفرق
اذا مشيت اكثر من 120 بدا الموتر يصرف واذا مشيت 120 صرفيته صراحه
ما اجامل مثل التويوتا gx بالخط و صراحه اذا كان الخط مثلاً400 كيلو واحد يمشي 150 واحد يمشي 120 السرعه بالخط ماتفرق الا ربع الى ثلث
ساعة لذا لا تمشي الا 120 وبس علشان الصرفيه......

[عبدالله الصالح]

انا موتري كلبليترياخوي ولد روضة سدير....

[القهوه]

السلام عليكم ..........بالسبة لصرفية البنزين ركب مراوح مكسيما وترتاح أوأشتر 2003أقل صرفية