-------- الخوي عندما تختلف معه !!؟

[قلب ذيب]

اسعد الله اوقاتكم بكل خير
- - حسب خبرتي الطويله في المقناص ومرافقة الكثير من القوانيص والخويا , وجدت ان الخوي نصف القناص
فالاختلاف معه والزعل منه ومفارقه كلها أمور تحصل للقانص مع خويه وحتى مع اخوياه !؟
1 - كيف تختار خويك ؟
2 - كيف تتعامل معه في السياره وفي الهدد ؟
3 - اذا زعل لامر من الامور تتركه والا تصالحه
4 - اذا قال لك : الجماعه ذولا لازم نفارقهم فيهم ناس مايعجبوني ! وغلطوا علي ! كيف تتصرف
5 - اذا هد عليك وشبك طيره طيرك ! اذا قعدعند طيره والاتوسد فراشه عند المعشا ! كيف تتعامل معه ولاقام بعمل اي شي ! لاجمع حطب لاشب نار لاسوى قهوه ! بس يوم تحطون العشا يهجم ويتربع ولايترك مكان للاخرين !!يا والله البلشه ؟
6 - اذا قعد يتمدح ويستهزيء بالاخرين ! وبرزبك واحد من اخوياك وقال لك : ترى خويك دبل كبودنا ! ياأخي تصرف معه الجماعه طفشانين منه !
اجيبوني ؟

[وكري2007]

حياك الله ياقلب ذيب والله كل كلامك صحيح ودائما تحصل هذه الأمور بالرحلات والخوي يبان عند

الطرقات البعيده ويبان لك هو أنسان مع الكل يحط يده مع الريجيل ولا لا

أول شي أختيار الخوي يكون بعلومه وطيبه ومرجلته والرجال واضح من كلامه ويتضح نفسيته

هل هو راعي طرقات ولايفشل بين ربعي حتى لو كان أخوي المهم علومه وسط المجلس’’’’’’’’’

أما من ناحية التعامل ياقلب ذيب بذات بالمهد هل هو أنسان يعرف يعزل الطير أو يهده مافي أي

مشكله أما من ناحية أنه يبي يهد و يعزل الطير وماعنده خبره لا والله مايحق له ’’’’’’’’’’’’’

أما أذا زعل ياقلب ذيب من ناحيتي أنا أطيب خاطره وأراضيه قبل جيتي له يبشر بالعز والطيب

وأن جلس مسوي زعلان على أمور تافهه لا والله أخليه يولي لين يعرف أن لله حق ’’’’’’’’’

أما بالنسبه للسؤال الرابع والله مشكله كان اللي معك ربعك ورايح معهم طرقه وتقول فيه ناس مايعجبوني

أقوله اذا مو معجبك ياصاحبي الله معك شد رحالك واللي غلط عليك تصرف معه ويكون الأمر بينك وبينه

ولا تعكر مجاز القنوص ,,,,,,,,,, أما بالنسبه لشبك الطيور مع بعض بالنسبه لي يبشر باللي يبي

بس لا يخرب جوي وقت القنص هذا العلم؟ أما تولسد فراشه عند المعشا وأخوياي مجتمعين هذه بلا بوك ياعقاب

أما بالنسبه أنه لم يفعل شي لايعمل قهوه ولا يطبخ أو يفزع بالعاميه بالنسبه لي أشتغل ولا أشيل همه ولا كأني

عنه أنه مشتغل والشرهه عليه وهو اللي يحس بنفسه نقص عن باقي الرجال ؟

ههههههههههههههه والله البلشه ياقلب ذيب ياكثر هالحركات أتصير عند بعض الأخوياء

همه يملا بطنه ويرقد وبس ؟؟؟؟؟؟؟؟

أول شي مادام حركاته كلها كذاااا لايشره عليه ولا أستمعله وبيني وبينك أقوله ترى أخوياي

متضايقين منك وكذا أكسب 10 ولا 1 والواحد ذا أذا عدل علومه يبشر باللي يبي أما دامه

مع الخيل ياشقرا على كيفه يمدح ويستهزي ويسب لا والله مو كفووووووووو؟؟؟


وبالنهايه تقبل مروري وسامحني بالقصور ياقلب ذيب وبشر عساكم زهبتو للمقناص.....

ياقلب ذيب خوتك بغالي الأثمان تنشرا,,,,,,,,,,,,,,,,وتساهيل ربك على العباد مكتوبه

تقبل تحياتي ..........أخوك وكري 2007

[سنجااار]

والله خوي كانه بيني وبينه رفقه قديمه ورجال يستاهل من يراضيه راضيناه وان كان هد علي يمكن الرجال فيه عجله وماهقيت بتصير معي ان شاء الله بس لا صار يتسدح ولايزين شي يمكن اعذره ان كانه لاقي جره وهدينا عليها وان صار يتمهزاء بالرجال لا والله فلا بيه ولا بي خوته

[قلب ذيب]

وكري 2007
شكرا لك ولمداخلتك الواقعيه . واكيد عن ممارسه واقعيه
بارك الله فيك .
عن المقناص نستعد ونعد ونجهز الطيور .والسفر قريب والله يحييك 0
تحياتي

[قلب ذيب]

سنجاااااار
هلا وغلا
كلامك 2صحيح وفي محله وعن تجربه
اثمن مرورك وتعقيبك الطيب