صوت تصفير في الاندكروزر

[يا من يراعيني]

السلام عليكم
طبعا اللي يقرا العنوان يتوقع التصفير من الابواب:no2: :no2:
التصفير سلمكم الله من المكينه في كل الحالتين يعني مشغل المكيف ولا مطفيه التصفير موجود وخاصة اذا كنت واقف ....
الصوت يقل اذا مشت السياره
Gx_r 2003
وش الحل يا اهل الخبره

[رجل كريم]

وعليكم السلام ورحمة الله وبركاته:

اخي الكريم اشتر بخاخ خاص بالسيور وتلقاه في محلات الزينة بخمس ريالات ورش السيور والبكرات والمحرك شغال وان شاء الله تنتهي مشكلتك .. واذا استمرت شيك على شدادات السيور ..

تحياتي ..

[سندهم]

البلى من سير المكينة غيره وشف ::good:

[غالي]

انا كانت عندي المشكله هذي لكن
اذا شغلت المكيف فقط طلع صوت التصفير
سلمك الله رحت لورشه في العروبه
وقال رح اشتر مكره الي تركب فيها السير حق المكيف طبعا تصير طقم مع (مدري وش اسمه وربي نسيته)
المهم انه كامل بحوالي 600 ريال واكثر
المهم شريته ورجعت للورشه
قال لي الميكانيكي ابفتح المكره وبشوفها من جوه اذا تتصنفر ماتواكلت الا قليل صنفرناها بالمخرطه
واذا والله رايحه فيها مره
غيرناها على كل محنا فاتحين القطعه علشان ترجعها
قلت ابشر شورك وهداية الله
والله ويفتحها وقال ان شاء اله تمام ابوديها للمخرطه وماعليك
الزبده وداها ورجعوها وتم تركيبها وتعبئة الفريون من جديد ( طبعا لازم يفضيه قبل لايفك القطعه)

ولله الحمد والمنه الصوت راح حتى هالحظه وله تقريبا 6 شهور وماشفت الصوت المزعج الي كان يطلع عند تشغيل المكيف (كنه صارور مزارع :) )

فا انصحك اذا رحت وقالوا من المكره قله افتحها وشف تنفع معها المخرطه او لا

لان سعرها بكل السيارات غاليه من 500 وفوق باعتقادي
والله الموفق

[يا من يراعيني]

داكار / ابوسند
الله يعطيكم العافيه نبي نجرب اللي قلتو عليه و عسى يفيد ان شاالله
في انتظار باقي الاخوان

[يا من يراعيني]

اخوي (غالي) الله يعطيك العافيه
شاكر لتفاعلك مع الموضوع ولا يهونون الاخوان
نفس القطعه اللي تكلمت عنها انا مغيره عند البازعي قبل 6 شهور بسبب الصوت المزعج وخذو علي مبلغ و قدره ماني متذكر المبلغ بالظبط
لكن هالحين طلع الصوت مره ثانيه.... طبعا الضمان حق البازعي انتهى
ابي اجرب اللي قالو عنه الشباب و انشا الله نطلع بنتيجه
شاكر لكم جميعا و في انتظار تفاعل باقي الاخوان