ايهم احسن صيانه التايوتا ولا النيسان عموما

[الهدد...؟]

السلام عليكم
بعد التحيه
ايهم احسن خدمات الحمراني ولا عبد اللطيف جميل
انتظر ردودكم

[إعصار]

والله الحمراني يشتكون منه واجد ..


وابو جميل طايح سرق وترقيع في السيارات مسجلات عد واغلط ..


الله يعين بس ..:)

[escape_man]

والله اني ما احب انقد احد وهذا اسلوبي بالحياة

لكن سؤالك جاني على الجرح

انا موسوس بالسيارات ومن عام 99 وانا اشري سيارات نيسان

سيارات جبارة وممتازة وسعرها مناسب لكن وكيلها اسواء من السيئ

شفت نصابين لكن مثل نصب هالوكالة مافيه

وشفت سوء معاملة بكل مكان عندنا بهالديرة من وكالات وشركات ومحلات بيع ولكن مثل الحمراني ماشفت

تقول المنة لهم مو لك

والان ابشرك .. تاخذ موعد صيانة ويمكن تلاقي بعد اسبوع وهذا رقم مواعيد الحجز : 2084235

بالله دقوا عليه وشوفوا متى يرد

واذا جبت الموتر عندهم قفلوا عليه يومين او ثلاثة وقلولك دق علينا مهوب الي انت تدق عليهم

وهذي تحويلاتهم : 2088800 تحويلة 143-144-145 بالله شفوا متى يردون عليك

دماااار مع العلم انهم يستقبلون فقط لكل مهندس وطبعا عم 3 مهندسين كل واحد يستقبل فقط مايقارب 8 سيارات يوميا في الرياض كامل ومالهم الا هالمركز.

هذا شغل العرب ... الناس تتقدم بخدماتها ويطورون شي اسمه خدمة العميل ويعطون موظفينهم دورات عليها قبل الدخول بالمجال الوظيفي وهذول يسفلون بالعميل واذا شافك على حق فابسط مخرج "" رح للمدير "" داري ان مديرة اردى منه.

اعتذر عن السلوك السوقي لكن هذا اقل من حقهم وبالصدر شي واجد منهم

[قناص الوعول]

ما يبيلها حكة راس عبدالطيف افضل وكيل في المملكه وهاذا من تجربتي الشخصيه وصيانتها المتميزه واتعامله الراقي وشعارهم داما رضى العميل . . اما الحمراني حدث ولا حرج 1-قطع الغيار غاليه 2- الصيانه رديئه ومواعيدهم بعيد كنها مواعيد مستشفى الملك خالد 3- معاملة الموضفين للعملاء رديه كنك تراجع دايره حكوميه 4- لا يهمهم رضى العميل 5- عدم توفر بعض القطع الغيار لا زم تسوي طلبيه للقطعه ولا تحصلها الا بعد شهر او اكثر 6- اسعارهم في الصيانه اسعار خياليه 7- اذا صار خلل في السياره وصار تصليحها على الظمان يماطلون بك لين تعاف السياره وشركة نيسان كلها ـــــــــــــــــــــــــ الان هل تقارن بين النهار = واليل

[غضنفر]

ابو جميل خدماته شي
يكفيك بس
انك اذا اخذت موترك منهم بعد الصيانة
يدق عليك واحد من موظفيه ويسألك عن رايك في الخدمة واذا لك ملاحظات

[فزاااع]

والله ياأبن الحلال كلن اسؤء من الثاني لا عبد اللطيف ولا الحمراني اهم شي هات فلوسك واشتر السياره
وبعدين في حريقه ماحد يعطيك وجه ونصابين محترفين 00 انا اذكر واحد قالو لي عن سالفته وهي ان معه سياره كامري ووداها للصيانه حقت عبد اللطيف عشان يغيرون القماشات وقالو له خل السياره وتعال بعد ساعتين
عشان تلقاها خالصه طبعا انتم عارفين بعض السيارات يركبون لها البلاستك ذي اللي تربط الطاسه بالجنط عشان ماتطيح الطاسه 000 الرجال راح ورجع بعد ساعتين وقالو له سيارتك خالصه هات فلوسك وادفع !
راح يشيك على سيارته ولقى البلاستك ماانفك منه شي بالكفرات الاربع الرجال شغل مخه شوي وزهم الفلبيني اللي بزعمه غير له القماشات قال له صاحب السياره انتم بالوكاله عندكم القطع ذي البلاستيك حقت ربط الطاسه بالجنط ؟؟؟ قال له لا ابدا مهيب عندنا اطلاقا راح لم مدير الورشه وسأله عشان يتاكد قال له مدير الورشه لا مهي عندنا !!!!!!!!!!!!!!! هنا السؤال طيب قال وش لون غيرتو القماشات يانصابين وهو لازم يقطع البلاستك من الطاسه عشان وبعيدن تفكون صواميل الكفرات انتم حراميه ؟؟ قام يتلعثم المدير 0 وقال والله لااشتكيكم ثمن لفلفو الموضع مع صاحب السياره وقالو احيانا تصير اغلاط واخطاء من العماله اسمح لنا
وابشر باللي يرضيك وتصليح سيارتك على حسابنا

بالله بعد هالموضوع مهووووووووووووووووب نصاابين
الله المستعان بس

[باترول 585]

السلام عليكم..

شوفوا يا شباب هن كل الاثنتين ماعندك احد سرق كذب سوء صيانه
لكن عبد اللطيف ازين الشين زي مايقولون وماشوه سمعة النيسان الا الحمراني

والله يصبرنا عليهم ويهديهم

هذا رايي وتقبلو تحياتي..

[برادو vx]

والله يا عبداللطيف جميل إبداع بلا حدود (والله هذا الكلام بن مجاملة) . .

ياخي صيانة الف ببلاش وتعال في أي وقت (60دقيقة والسيارة خالصة) . زمع توفر جميع و جميع الخدمات . .

وغيرولي البخاخ على الضمان وفي وقت قياسي . .

وازعجوني كل يوم واحد داق من الراياض ولا من جدة ويسأل هل الخدمة زينة إلى إنهم سألوني هل شربت

عصير ولا لا . .

[hdd4004]

الحمراني اخذت من عنده موعد بعد اسبوع (والله لو اني اطرهم )

وبعد اسعار خياليه المهم يوم جيت قلت عندي موعد قال اصبرادور

يحوس في الاوراق يمين يسار سألني عن اسمي ثلاث مرات

يوم خلص قال انك اصلاً ما اخذت موعد قلت لا والله اجل وشلوه جاي عندك قاعد اطر قال لامو كذا لكن وقطعت كلامه وقلت تدخل سيارتي الان والا اشوف لكم صرفه بعد نصف ساعه دخل السياره بعد الطقاق (يأخوان هل الحمراني يوزع السيارات ببلاش عشان كذا معامله والله العظيم تقول كنك جاي تطر عندهم ولا يوزعزن فلوس) شركة الحمراني صراحه شوهت سمعة شركة نيسان واذا استمر الوضع كذا راح الناس يكرهون النيسان

[غضنفر]

الحمراني لا تقبل عليه ابد بعد الــ 1000
الا اذا بالسيارة خلل

[محسن اليامي]

والله مدري عن الحمراني وعبداللطيف

لكن في الكويت عندنا البابطين النيسان والله مافي أحسن من المعامله والأستقبال حتى إذا خذيت السياره منهم دقوا عليك واسألوك عن السياره

وكذالك الساير تويوتا ماشاءالله خدمته متميزه

[مـدحـدر]

الحمراني خدماته صفررررررررررررررررررر ونصاب


عبداللطيف بياع كلام فقط

لكن الجبر وكيل نيسان بالمنطقه الشرقيه من تعامل معه

ننتظر ردود اهل المنطقه الشرقيه


وشكراً

[سفاري نجد]

الموضوع حلو وشيق ،،،

انا جربت تويوتا أيام زمان قبل عشر سنوات ما يعلى عليهم الأن ما ادري ،،،

اما نيسان إذا طحت بيد أجنبي من الجنسيه العربيه يا ويلك يفتح الله تسحيب على كيف كيفك

ما ينفع معه الا الهواش وبس والا بيضيع دورك ،،،

أجل لو تسمعون عن صيانة الجميح والعيسى اشد من ابو جميل والحمراني احجز موعد بعد اسبوع

والجميح ما عنده الا فرع واحد للصيانه زحمه غير طبيعيه ،،، لانه قريب من البيت ..

واذا دخلت السياره عندهم صيانه دوريه تجلس اربع ايام على ابو تغيير زيت وسيفون وتشييك ،،، وش عليه مدري

[الوافي2008]

من نا حيتي انا جربت الا ثنين ما فيه مقارنه ولا فيه اي شبه الحمراني تعيس والله انك تكره السا عه الي تقبل عليهم فيها اما عبد الطيف جميل ممتاز يحترمونك عندهم صيانه سريعه تجلس في محل زي الصاله عندهم نت مساج عصيرات شا هي هذا حق الصيا نه السريعه ثم يغسلون السياره ويسلمونك ايا ها هذا فرع خريص خريص
تقبل مروري اخوك الوافي2008

[ابوريناد1979]

الحمراني مشتق من كلمة حرامي ولكن عدل بالأسم شوي
وعبداللطيف افضل منهم بكثير

[الهدد...؟]

انا الحين مستغرب الي يأيد عبد اللطيف مع انه يلعب بالسياره لعب
والحمراني يجيب السياره مايلعبه مثل جميل ولا وش رايكم

[كتاب]

واحد من الإخوان ذكر كلمة ( عرب )

فينا يالعرب خصلة ثانية وهي أننا نتشكى فيما بيننا بس وما نسوي شي

سيارتي تويوتا وعبد اللطيف وعياله ينصبر عليهم ( فيهم زين مخلوط مع شين ) لكن الحمراني مما أسمع عنه ما فيه و لا شي زين لذلك الراي عندي أن المتضرين منه يجمعون عشرة آلاف توقيع ويرسلونها لشركة نيسان في اليابان وينبهون الشركة أنها تخسر كثير بسبب وكبلها التعبان . ولو كان الوكيل غيره كان تضاعفت مبيعات نيسان .

الحين الانترنت قربت كل بعيد وموقع شركة نيسان مهوب بعيد . كل واحد يقدر يتصل به ، ولكن أرجو الانتباه أن لا نتصل بهم متفرقين وكل واحد يقول شي في اتجاه مختلف لازم يحصل اتفاق ميرسل إلى الشركة رسالة متفق على مضمونها وفيها آلاف التواقيع وشوفوا وش يصير


وسلامتكم

[اسهيل]

ياحليل الوكلاء في دول الخليج ياخي موصفات وتعامل وكل شي
اما في السعودية فاحسن السيئ هو عبد الطيف جميل ليش احسن لاانه له 20%في الميه من شركة تويوتا ولهذا السبب تلقاه يستورد السيارات بدون بعض الاشياء ويركبها في جده من عنده وحماية المستهلك وزارة التجاره نايمين يعني وكل يوم في الصحف نشوف فضايح والله المستعان شدلي وقطعلك والي يروح فيها حنا واسوءمواصفات في السيارات السعودية مساكين

[راعي الركيات]

من خلال تجربه عبداللطيف جميل احسن من الحمراني لكن اسعار الصيانه مبالغ فيها بشكل كبير

[hdd4004]

يا اخوان لو نجمع تواقيع ونرسل لشركة نيسان عشان يادب الوكيل
والله يااخوان ان الزيت والفلتر ياخذ يوم واخل عليهم شرب شاهي وسواليف وياوليك لو تتكلم او تسئل عن السياره تروح غلطة عمر
تقول سارق شي والله بعض الاحيان ان البنزين فل ادخله الوكاله تطلع السياره القاه على النص لو تتكلم انكر هو واخوياه حتى السعودين معامله ما فيه كنك تكلم جدار تلقاه ساعه وساعه لا
والثاني............. اقول خلها على ربك

[RJA]

مازيد على كلام الاخوان...
كانت تجربتي مع الكامري والمكسيما...
الصيانة أسعارها متقاربة مع الزيادة النسبية للنيسان....
الحمراني 100 صفر على الشمال يعني ماعندك احد وفعلا اسوأ مافي النيسان هو وكيلها.....
جميل أفضل الحرامية واحسنهم أخلاقا حيث القطع متوفرة بقوة ولاتخاف من هذه الناحية.....
وفي النهاية.... الله ينقف الحمراني عن النيسان...

[jomran]

والله لاعلى ذا شرقة ولا على ذا غربة كل واحد اسوى من الثاني وكلاء اي كلام بس سرق في ذا الناس الله لا يوفقهم .




مع تحيات jomran

[الهدد...؟]

الحين عبد اللطيف جميل يركب السيارات بجده صحيح الكلام ولا غلط

[.أبوعبدالرحمن]

وانا اخوك صحيح ان عبداللطيف سيء لكن ما يعطيك مواعيد

هذا شيء والشيء الثاني السيارة ان طولت عند عبداللطيف جميل يومين بس

والنقطة الثالثة هي انه له تقريبا في كل حي فرع صيانة


اما الحمراني تحدث ولا حرج ابد خذ راحتك

فرع صيانة واحد بس في الرياض

سوء معاملة كأنك طار السيارة منهم ولا دفعت فيها ولا ريال

والشيء الثاني اسوء موظفين مروا علي موظفين الصيانة بالحمراني

والمشكلة انك اذا بغيت تخوفهم وتقول ابروح لمكتب المدير يقوم الموظف يوصف لك مكتب المدير من زود البجاحه


واما الان صار عبداللطيف جميل افضل صيانة بالمملكة العربية السعودية

بل انهم يهتمون في العميل

[الدبل الثقيل]

كلهم سيئين .... لكن الحق تويوتا أهون بكثير....