مشكلة بدبل الجمس حوض مهم لو سمحتوا !! [الأرشيف]

مشاهدة النسخة كاملة : مشكلة بدبل الجمس حوض مهم لو سمحتوا !!

طارق الحربي

23/10/2007, 02:24 PM

السلام عليكم ورحمة الله وبركاته

اخواني

انا عندي جمس حوض 2004 ابو رفرف سعودي دبل زر

وصارت تطلع لي رساله بمركز الرسائل اللي بالطبلون تقول ( صيانة الدفع الرباعي ) وجيت ابشغل الدبل بالضغط على الزر ورفض يستجيب الين وقفت وطفيت السيارة ورجعت شغلتها واشتغل

مكتوب بكتيب التشغيل حق السيارة ان هذا هو الحل واذا طفيت السيارة ولا اشتغل الدبل يجب تصليح الدبل والوكالة تقول هذي مجرد برمجه لان السيارة ماشيه 50 الف كيلو

المشكله لو صارت لي المشكله هذي بالبر وطفيت السيارة ورفض الدبل يشتغل وش اسوي ؟

هل افك فيوز الدبل ويشتغل ؟

او وش اسوي

وهل فيه طريقة ابرمج الكمبيوتر على كيفي واحذف واعدل عند محل معين ومتخصص ؟

لكم تحياتي

sami200

23/10/2007, 06:01 PM

تاكد من حساس الدبل لايكون عطلان

طارق الحربي

23/10/2007, 11:41 PM

الدبل مهو خربان بس انه تذكير بمركز الرسائل لضرورة الفحص

المقصد كيف اخلي الكمبيوتر حق السيارة مايتحكم بالدبل او بغيره يعني مايلزمني اني اروح للوكاله ابرمج الكمبيوتر ؟

بدون لوحات

23/10/2007, 11:48 PM

زر الدبل عندك عطلان اللى فى الطبلون غيره سعره حوالى 250 ريال ويضبط معك

قناص الحبارى

24/10/2007, 12:26 AM

طارق الحربي

24/10/2007, 12:29 AM

يا اخواني الاعزاء

المسألة مجرد برمجه حيث اني طفيت السيارة وشغلتها واشتغل الدبل عادي جدا

بس المشكله ان الكمبيوتر احيانا يقفل الدبل عشان اروح للوكاله واشيك ويبرمجونه بس وهذا حسب كلام موظف الصيانه

المقصد كيف الغي خاصية ان الكمبيوتر حق السيارة يوقف الدبل ؟

قناص الحبارى

24/10/2007, 12:34 AM

طارق الحربي

24/10/2007, 12:46 AM

اخوي قناص الحباري اشكر تفاعلك معي وان شاء الله يرزقك بجول الحباري وتصيد درج وطيار :)

المقصد ان كمبيوتر السيارة يقفل علي الدبل ولا يخليه يشتغل لان السيارة ماشيه 50 الف كيلو متر

الحمد لله الدبل مافيه شي والدليل اني اطفي السيارة واشغلها وتروح الرساله اللي تقول ( افحص الدفع الرباعي ) من الطبلون ويشتغل الدبل عادي بس انا ودي اني اكنسل هالخاصيه من الكمبيوتر او هل اقدر اذا طلعت لي الرساله اسحب الفيوز مثلا ويشتغل الدبل مابي الموتر ينكبني بالبر

لك تحياتي وشكري

قناص الحبارى

24/10/2007, 12:53 AM

الليله أفصل أصابع البطاريه الأثنين وخلها للصبح مفصوله وأذا جيت تروح للدوام أو دبر لك سياره وخلها للظهر

هنا الكمبيوتر يعمل أعادة برمجه لنفسه وتروح الرساله بأذن الله وترتاح يالذيب

ولا تنسى أنك تشيك فيوز الدبل التحتي وخل معك واحد أحتياطي بدرج السياره(((( للطوارئ ))))

نصيحه للغالين

وتقبل مني أجمل تحيه

أخوك/ قناص الحبارى

المواكب

24/10/2007, 01:15 AM

اخي الفاضل طارق الحربي بعد التحية أولاً مثل ماقالو الاخوان افصل اسباع البطاريع لمدة ربع ساعة . ثانياً اذا ولعت لبة الدبل قم بطفاء المحرك وشغل السويج واصبر حتى تجي المبة التي تريد ثم قم بتدبيل على البنزين 16 مره وهذا الطريقة انا مجربها والحمدلله ماشية معي مثل الساعة . اخوك المواكب عنيزة

طارق الحربي

24/10/2007, 02:54 PM

اخوي قناص الحبارى

عسى الله يعنيني على رد جميلك انت والاخوان

بس فيوز الدبل اللي بالدفرنس وين محله بالضبط

لك تحياتي

طارق الحربي

24/10/2007, 02:55 PM

اخوي المواكب

لك كل الشكر على اضافتك وان دلت تدل على خبرتك ومحبتك لمساعده الاخرين

لك تحياتي

ابو خطاب

24/10/2007, 06:31 PM

مع احترامي الشديد لاخواني

عندك فيوز الدبل عند الدفرنش تحت ضرب لانك يمكن سحبت احد بقوه او مشيت على الدبل مسافه طويله او غرزت وشديت على الموتر بقوه....
الزبده شيك على فيوز الدبل وتراه عند التوكيلات ارخص 210 ريال والجميح 300 ريال وتقدر تركبه بنفسك يالذيب بلا ورشه بلا ضياع وقت ما ياخذ منك 10 دقايق

اخوك قناص الحبارى

:good: :good: :good:
اوافق قناص الحباري .. مع توضيح بسيط ..
ان الفيوز المذكور ..هو حساس مهمة فصل الدبل عند تعرضه لاجهاد عالي او حرارة عالية .. حتى لا يتعطل الدبل ..(لوجود قطع بلاستيكية مقاومة للحرارة بالدبل !!) .. احيانا فصله يكون بسبب عطب نفس الحساس المذكور واحيانا اخرى يكون فصله لتفادي خراب اجزاء اخرى بالدبل .. واحيانا لابسط الاسباب قد يفصل مثل عند نقص زيت الدبل .. او تعرض الحساس للتراب الناعم فيتسدد ولا يقوم بعمله على اكمل وجه .

انصحك بمعرفة لماذا يفصل الحساس ؟؟ ثم اذا تاكدت من كل شي .. تكون المشكلة بالحساس نفسه.
للتاكد من ذلك .. اذا شبك الدبل استخدم الموتر بالرمل حتى يسخن ويتعرض لاجهاد عالي فان فصل فدبلك يحتاج فحص .. وان ما فصل .. فافصله بضغط الزر واعد شبكه مره اخرى والموتر مسخن ..فان ماشبك .. فهذا دليل قاطع على ان الحساس دواه بداله ..
بالنسبة للبرمجه .. ورشة محترف الترهيمات عبدالرحمن الجميح بجانب مركز الفردوس للالماني تقع شرق مركز تشالنجر المعروف.

ضحية صمت

24/10/2007, 07:34 PM

انا عندي جمس غماره ونص موديل الفين واثنين امريكي بس قير عايدي يازينه بالبر وبسسس ان سلمت من الكهرب وضبتطه وسلمت من تهريب الزيوت بتغيير الجلب بشكل سليم وبمتابعه دائمه فعز الله انه احسن من الف جيب .....

اما بخصوص الدبل ابو زر فأنا ما احبه بالسياره ابد واحس ان وجوده زي عدمه لأن خراباته كثيره

بس مشكلتك سهله مررره انت بس شيك على الحساس حق الدبل ترى لا صار وصخ طلع لك هالشئ فك الحساس ونظفه ولا يلعبون عليك حقين الورش يطلعون لك الف عله وعله .....ترى المسأله ما تتعدى الحساس لأن مشكلة الجموس الجديده بالذات الحساسات كل شوي مولعه معك لمبه لدرجة ان بعض الحساسات تطفي السياره انت بس نظف الحساس حق الدبل ولا تاكل هم ابد ....

طارق الحربي

25/10/2007, 12:41 AM

اخي ابو خطاب

ماشالله على خبرتك الله يزيدك

وين القى الحساس اللي تقول لو سمحت بالتفصيل

اخوي ضحية صمت

كلامك صحيح والله يهنيك بموترك ويعطيك خيره ويكفيك شره

شكرا

معلم 1

25/10/2007, 01:04 AM

المشكلة عند حساس الدبل قيمته 400 وتركيبه 300

طارق الحربي

25/10/2007, 01:07 AM

شكرا لك اخي معلم 1 ويشرفني تكون اول مشاركه لك بموضوعي

ابو خطاب

25/10/2007, 11:52 PM

طارق الحربي
وين القى الحساس اللي تقول لو سمحت بالتفصيل

انا قريت عنه وعن طريقة عمله .. ولم اره بعيني حتى هذه اللحظة .. (ميكانيكي نظري خل عنك ما يوكل عيش) :p
وعرفت ان فيه حساسات كهرب وحساسات مربوطه بالفاكيوم (ضغط الهواء ) مثل الباكم حق الفرامل واصله لي هواء من المكينة .. والله اعلم .
ولعل الاخوان .. الي واجهوا مشاكل في الحساس يدلونك مكانه .
الله يبلغك مرادك ويسهل امرك.

طارق الحربي

25/10/2007, 11:55 PM

الله يجزاك الجنه ووالديك يابو خطاب

يكفيني وجود اسمك بالموضوع

ميهاف

26/10/2007, 05:45 AM

افصل سالب البطارية لمدة خمس دقائق يبرمج من نفسه

طارق الحربي

26/10/2007, 08:18 PM

اخواني

اليوم وانا طالع لرماح

طلعت لي الرساله مره اخرى وطفت كل انوار الدبل حقت الازرار وطفيت السيارة اكثر من مره ورفض يشتغل !!!

يعني بكرا لو صارت لي بالبر ابتورط

طارق الحربي

28/10/2007, 01:40 AM

اخواني

رحت لورشه عبدالرحمن الجميح وقالي الحساس عندك خربان وسعره مع التغيير 1100 ريال

ماعندي مشكله اغيره بس اخاف تصير علي المشكله وانا طالع واتورط

هل من المملكن ان ترجع المشكله بعد ما اغير الحساس ؟