وش رايكم في ذا الاطخم

[غضنفر]

مهب ازين من الشاص
ليته بس يجي قير عادي ودبل ارضي
حتى اللون خطير

http://www.m5zn.com/uploads/8e8b1f4c5f.jpg

http://www.m5zn.com/uploads/10c08957c5.jpg

http://www.m5zn.com/uploads/909739cf31.jpg

http://www.m5zn.com/uploads/1656e66cf2.jpg

[ق ب م 632]

وش ذا الزين ماشاء الله تبارك الله


انا اشهد انه هيبه



بارك الله فيك

[طحنون]

الاخ العزيز غظنفر
اشكرك على الصور والله ان ذالاطخم على بالي من زمان كم سعره وكم قوه محركه والله انه ابرك من الشاص بالنسبه لي

[أبو ياسر]

ماشاء الله تبارك الله

والله انه نظرة بس اتمنى من الي يعرف اي شي عن مواصفاتة وسعرة يعطينا خبر

بس اعتقد القدرة على التحمل والتجهيزات الخاصة للرحلات البرية والعمر الطويل يتفوق الشاص على السييرا

اما بالنسبة للراحة وقوة المكينة اكيد انه لصالح الجمس

ما اقول الا الله يرزقنا

مشكور اخوي الغالي غضفنر على الموضوع ارائع

أخوكم / أبو ياسر

[عاشق السيل]

والله هذا الموتر اللي يطربك يابعد حيي ،،،،،

ماشاء الله تبارك الله لولا إن الشاص ماخذ سمعة فوووووق وإلا كان هذا أفضل منه بكثييييييييير !!

أفخم وأريح وأقوى وأوسع وأرخص وأنشط ،، بس عيبه الوحيد يبيله عناااااااية فااااائقة ومستمرررررررة !!!!

وبصراحة أنا أفضل القير التماتيك على العادي حتى بالبر وهذا عن تجربة والتجربة خير برهان ،،

بيض الله وجهك يالغالي وتقبل مروري .....





.

[Black VTC]

ما شاء الله تبارك الرحمن فيه وفي الشاص خير كثير بس الشاص اكثر تحملاً من هالاطخم لانه حساس زيادة ...

[غضنفر]

اهلا بالكل
المواصفات ما ادري عنها
ولا نيب اعرف للجموس
لكن اظن ان هالنوع يجي باكثر من مكينة
5.6 او 5.7 و 6.0
ويجي غمارة شاص قصير ويجي غمارة ونصف او غمارتين شاص طويل
وكعادة الامريكي
يجي مواصفات كاملة
مثبت سرعة ودريش كهرب و Abs وايرباقين وغيرها من المواصفات
واظن انه تانكي واحد فقط