مساعدات للددسن تكفون

[إيسوزو ديماكس]

يالربع يالنشاما


انا معي ددسن 2007 وابغى اركب له مساعدات غير حقت الوكالة


وش افضل نوع ووش مقاسه تكفون


اللي عنده خبر ولا علم لالالالا يبخل علينا

[مساير الليل]

حياك الله أخوي

أنا معي ددسن دفرنسين وغيرت المساعدات إلى مساعدات مورو غاز أفضل شوي من الوكاله

لاكن افضل شي للددسن أنك تدبل مساعدات

واحد من الربع يقول لاكن ماجربت في مساعدات دوج جبريال يقول أنها زينه بس يبيلك تولف في القاعدهـ شوي (على ذمة الرجال أنا ماجربتها)

[غضنفر]

انا اعلمك
اذا تبيه للمراقي
وتبي وجه الموتر ثابت ولا يتحرك لو تطير متر في الهواء
عليك بما يلي
هذا حوار دار بيني وبين رجال قرم فاهم بالددسن واموره



المشاركة الأصلية كتبت بواسطة غضنفر
السلام عليكم ورحمة الله وبركاته
أخوي أبو اسامه بغيت أسئلك عن مساعدات الددسن أنت في رد لك لواحد من الأعضاء يسئل عن مساعدات الددسن قلت ركب منور ودبل منور ولحم سست تحت العكس
قصدك يركب منور الصفر ويدبل منور السود؟
بنسبه للست كم يلحم من سسته؟
عقب المساعدات والتدبيل وتلحيم السست ما صار مناقزه أقشر؟
هل الأمور هذي ضرت الركب ولا شي ثاني عندك؟
أخيراً كم سعر تلحيم السست ؟
داري إني طولت عليك وكلفت عليك بس تحملني ما ودي أركب شي وأنكب.




ياهلا ويامرحبا ويامسهلا ..http://www.efi4500.com/vb/images/smilies/sefi/sm37.gif

حياك الله يالذيب ..

بالنسبه لي .. لأني اراقي ..

مركب مساعدات منورو الصفراء مكان الوكاله .. ومدبل منورو السوداء ..

كذا مافيه اي اشكال في المراقي الي مافيه الا بطانيج هينه وسهله ..


لكن اذا كنت تبي تراقي مراقى صح .. وتطامر بموترك ولايدبج على الأرض .. لحم سست تحت العكس ..


سست تحت العكس .. يعني ..


رح لم محل ابو علي الي بالصناعيه القديمه ( مرات ) ..

وقل لمه ابلحم سست تحت العكس ..

بيجيب هو من عنده سسته ويقطعها على طول الأصبع السبابه ..
ويحط تحت كل عكس .. سستتين ثنتين ..<< والسبب في وجود السسته ان الوجه انسى يدبج او يطق الكفر في الرفرف ..

حط سستتين بس .. لاتحط ثلاث ..
لأنك اذا حطيت ثلاث بيطق العكس في السست ويبدا يناقز .. حط ثنتين ولاتخليها قريبه مره من الجلبه الي على العكس ..

بس انس شي اسمه راحه http://www.efi4500.com/vb/images/smilies/sefi/sm08.gif http://www.efi4500.com/vb/images/smilies/sefi/sm08.gif

والله انها فله .. انا شلتها والله اني متبهذل الحين ابروح الحمها مرة ثانيه ..

والله شف .. الموتر ولله الحمد ماجاه شي .. بس الحين فوحجت الكفرات فحجه بسيطه جدا .. http://www.efi4500.com/vb/images/smilies/sefi/sm08.gif


واي خدمه يالغالي حنا تحت امرك ..

[ابوقتيبه]

السلا عليكم

احب افيدك وانشاء الله تستفيد

انا ركبت على ددسني دفرنسين مساعدات دوج جبرايل
والقاعده حقت المساعدات تبلها تصغير يعني تحك الجوانبها شوي على شان تصغر لا تلعب بسياره بس بالمساعد
وتركب على طول وتركب فوق على السيخ ربل بي ام تلقاه بتشليح الالماني او الورش اللي بصناعيه القديمه اللي حول ابو علي (مبارك) اللي يركب المساعدات طبعا هو يعرف يركب مساعدات دوج علمته وشلون يركبها
والصراحه هي من ناحيت القوه فهي قويه من ناحيت القساوه يعني مايناطط الوجه عندك بس عيبها بسرعه تتفقع هذا عندي بس عند ولد عمي وش زينها صارلها معه حول السنه ونص ماصار لها شي ماشاء الله
وسعرها مناسب جدا اضاهر الحبه بــ75 ريال
اتمنا اني افدتك والسلام عليكم

[ابوعلوش]

اظن الددسن مساعداته شد بلد زينه عندي ... الى الآن مابين عندي مشاكل
والله يستر..

[.أبوعبدالرحمن]

وانا اخوك ركب مساعدات جبريال في الصناعية القديمة بالرياض

وطبعا ركب غاز


يسير الموتر ماعاد بنطط من قدام

اما اللي ورا انصحك لا تغيرها ابدا


لان دائما حقات الوكالة تجي زينة وبالذاتي اللي ورا

[إيسوزو ديماكس]

صديق الهم -- غضنفر -- ابو قتيبة -- ابو علوش -- ابو عبدالرحمن الصفيان


شكرااااا على النصايح والمروووور

بس الى الحين وانا محتار


اي افضل مساعدات منورو ولا جبريال؟؟؟

اغير مساعدات ورا ولا قدام ولا كلها؟؟؟

س/ هل مساعدات ورا الوكالة افضل من غيرها في التحميل؟؟

ارجوكم افيدوني يا اصحاب الخبرة ولا تبخلو علينا...

[ابوقتيبه]

حياك الله وهذا واجبنا

انا قلتلك برد السابق اني جربت الجبريال حقت دوج (لاحض دوج)
واللي ورى ركبت مساعدات جبريال المعروفه اللي يركبونها على الهايلوكس والددسن
وفكيتها لانها غير مريحه حقت الوكاله افضل اما من ناحيت التحميل فجبريال افضل من الوكاله

والسلام عليكم