الي له خبره في الجميس يدخل يفيدنا

[الوعب]

السلام عليكم ورحمه الله وبركاته



اخواني السيارات الامريكيه خبرتي فيها قليله , و اطلب المشوره منكم

احتاج سياره للبر و تفيدني اكثر اذا كانت حوض ,, وانعرضت علي سياره وهي جمس غماره وحده حجم 1500 موديل 1994 جير عادي و دبل .
السياره ماشفتها بس يقولي الشخص الي جابها انها نضيفه جدا
لكن سؤالي الجمس موديل 1994 مكينته اي حجم و هل هي بخاخ او لاء
وهل في المديل هذا جات المكينه فورتك , لانه يهمني العزم جدا
واذا مكينته عاديه مش فورتك ,, هل مكينه الشركه كافيه وعزمها زين و صرفيتها للبانزين زينه .
في حال ان المكينه الجموس 1994 رديه عشان العزم او تصرف بانزين, اتمنى حد يدلني افضل مكينه تركب على السياره هذي واتمنى لو معها شرح قدر الامكان عن نوع المكينه و صرفيتها و عزمها و تكلفه المكينه مع التركيب
انتضر ردودكم , وشاكر لكم مقدما

[السنع كله]

السيارة الامريكية تطيح عجلة وهذي عودة وايد تعرفك على الورش ضغط ووجع اركب ورعشه والله ما ينتوهق بالامريكي وهو جديد وشلون هاالعجوز دور لك على شيء فيه بقية عمر ومالك والهم والغم نصيحة مجرب امريكي

[الوعب]

السلام عليكم
مشكور اخ السنع كله على الرد في الموضوع.
يقولون قديمك نديمك ,, اخوي ماراح تكون هذي سياره رئيسيه استعملها ,,, للرحلات بس و اكثر شي طعوس و بر و انا احتاج سياره يكون لها حوض و بالمناسبه صاحب السياره رفيق و اعرفه ,,, وتقريبا مجدد السياره من الصدام للصدام عند واحد من اكبر الكراجات عندنا بقطر.
وانا اساسا ما ابي سياره جديده لغرض مثل هذا ابي شي ماعليه حسوفه (اخذ راحتي في استعمال السياره)
والشي الثاني عندي سياره امريكيه حاليا و هي تاهو 1997 هذي السياره ما ابيعها ان قاله الله لو بايش لها مواقف بطوليه معاي ,, عشان كذا ضربت مثل مكينه الفورتك لان السياره هذي مكينتها فورت ,, عزم ما شالله و صرفيه معقوله
الف شكر لك اخوي على الرد و انتضر اخوانا اعضاء مكشات ليفيدونا بارائهم وتجاربهم

[GMC79]

الاخ العزيز عزيزبالنسبة لمكينة الجمس 94 -1500 سته سليندر بقوة 200 حصان وليست فورتيك وبالنسبه للعزم كان عندنا وحده دفرنس عزمها هايلالامريكي كثير خرابات الله يعينك

[الدحبول]

مكينة فورتوك نزلت من عام 1996 في السوبربان مادري عن الونيت يمكن
عام 96
مكينة فورتوك ممتازة وقتصادية
اتوقع موديل 94 كربريتر
بكم معروض عليك ؟؟
إذا كان السعر مغري توكل على الله ومادام راعية مجددها توكل على الله ومبروك مقدما
الله يعطيك خيرها ويكفيك شره
@@@@@@@@@
أخوي باغيت أسالك أحصل عندكم لاندكروز موديل 89 و 90 نظيف ؟؟ في قطر
وكم أسعارها تقريبي
قير عادي خلفية شنطة و الكفر معلق على الشنطة ديف لوك فتحة سقف لموديل 1990
قير عادي لموديل 1989
صار لي حول 3 سنوات مازرتكم يقولون تغيرت صارت عماير في الدفنة
@@@@@@@@@@@@@@@
شكلي بكلف عليك تحملنا ياخوي
احصل عندكم خط لاندكروزر 1997 Vxr تجاري ؟؟

[الوعب]

السلام عليكم ورحمه الله و بركاته

الاخ جمس 79 اشكرك على ردك مع اني مستغرب جدا من معلومه انه مكينه الجمس 6 سلندر في الموديلات هذي يعني موديل 94 صعب يكون 6 سلندر ,,, مع انه اسمك يدل على انك راعي جموس. وينخاف منك
عموما اخوي الي اعرفه انه الرجال هذا الله يوفقه رايح الكويت خصيصا عشان يشتري قطع غيار للسياره (امور التجديد) بكرة ان شالله بشوف السياره و بقرر لكن اذا هي 6 سلندر ما راح اخذها .
-----------------

الاخ الدحبول مسيت بالخير اخوي
مكينه الفورتك نزلت عندنا على ال 97 وهي فعلا مثل ماذكرت مكينه قويه و اقتصاديه عن تجربتي الشخصيه
واتخيل لو السياره تجي مكينه فورتك و جير عادي اتوقع راح تكون شي خيالي في العزم.
وبالنسبه لسعر السياره والله للحين ما ادري بس الاكيد صاحب السياره رفيق وماراح اختلف معاه على السعر هو شاريها ب 17 و ظبط فيها تظبيطات ما اعرف كم كلفت عليه بس اتوقع راح تكون في بدايه العشرينيات
بالنسبه لاستفساراتك اخوي عن الاند كروزر فالموديلات هذي تعتبر قديمه جدا ونادر ما اشوفها في الاسواق
لكن في سوق السيارات يمكن فيه.
لكن بالصدفه ان شالله يكون السبب حضك الحلو ,, وصاني اخوي الصغير من فتره على سياره ويكون سعرها مقعول ,, وكنت في اشاره و كانت السياره الي قدامي vxr وحاط ورى ورقه فيها رقم تلفونه وكاتب انها للبيع
شفت السياره ولا ماشالله زينه و مواصفاتها vxr موديل 92 الي تجي 24 صاباب مش نفس مكينه الـ 91 ولونها روعه ذهبي فاتح و من داخل بيج وشكل السياره نظيف والله, خذيت الرقم و عطيته اخوي و اتصل في راعيها و الله العالم انه اما فلسطيني اما حولها قاله السياره نظيفه اللهم جايتها دعمه من ورى
وطالبها نهائي نهائي على 25 الف و السياره خذ مني شكلها الخارجي حلو و شد بلادها
اذا السياره و السعر صالح لك اترك لي هنا ايميلك و انا راح ارسل لك على الايميل تلفون الرجال
لكن اخوي ترى الله اعلم عن السياره انا حاب اني اساعدك بس , من ناحيه محركات او امور في السياره لا اعلم والله عنها شي ولا لي مصلحه في الموضوع الا الأجر وعسى يكون خير لك و لراعي السياره.
اما بالنسبه للخط الي سالت ما اقدر افيدك بالموضوع وباسئل لك ان شالله اذا فيه ولا لاء
لكن عندنا محل حق زينه السيارات يفصل لك الخط الي تبي ويكون مثل خط الشركه الى حد كبير
اسمه محل الانصاري لزينه السيارات ولا ادري عنه بس اسمع من الشباب
وعموما الناس اكثرهم يروحون الحسا يشترون قطع غيار سيارات واحتمال انك تلقاه في الحسا اكثر من احتمال انك تلقاه عندنا .
والله يوفقك و يوفق الجميع