ملك السبيطي

[بنيللي]

اخواني اعضاء المنتدى :
السلام عليكم ورحمة الله وبركاته،،،

أهديكم هذه الصور المتواضعة وخاصة لعشاق السبيطي آملا ان تحوز على اعجابكم .
هذا الصيد طبعا بواسطة المسدس البحري ( ضعط هواء ) وبأماكن متفرقه ما بين الكويت والسعودية ( رأس مشعاب ) قد يمتاز السبيطي الكويتي عن السعودي من ناحية الطعم لأن مرعاه غير في الكويت لكثرة سمك الزوري والميد والمنكوسه ولكن كل هذا ما راح يشكل فرق بالنسبة لي ما دام السبيطي موجود ويفضل صيده بواسطة الغوص الذاتي طبعا لأن استعمال معدات الغوص سوف يهرب من صوت الفقاعات والأعماق تتراوح ما بين الخمسة أمتار الى خمسة عشر مترا .

http://www.mekshat.com/pix/upload/images2/Khaled_1.jpg

http://www.mekshat.com/pix/upload/images2/Khaled_2.jpg

http://www.mekshat.com/pix/upload/images2/Khaled_3.jpg

http://www.mekshat.com/pix/upload/images2/Khaled_4.jpg

http://www.mekshat.com/pix/upload/images2/Khaled_5.jpg

http://www.mekshat.com/pix/upload/images2/Khaled_6.jpg

http://www.mekshat.com/pix/upload/images2/Khaled_7.jpg

http://www.mekshat.com/pix/upload/images2/Khaled_8.jpg

[قتال]

السلام عليكم ورحمة الله وبركاته ،،،

خلصتوا السبيطيه علينا :D :D

حياك الله يا بو عبدالله .. ما شاء الله على هالصيد .. الله يبارك لك ..

[النوخذة]

ماشاء الله لا قوة الا بالله
اخوي بنيللي اي صيد متواضع الله يرحم والديك هذا صيد اسبوع بالنسبة لي
وبعدين انا كنت افكر ان اللي انا اصيد سبيطيه لاكن تبين لي الحين انهم حراسين
الله يبارك لك في ذا الصيد ويزيدك ماينقص عليك
بس عندي بعض الاستفسارات الله لا يهينك
كيف الاماكن اللي تصيدون فيها هل هي قريبة من السيف او حول جزر؟
وهل صيدكم في الليل او نهار
اخوك النوخذة

[بنيللي]

أخي النوخذه صبحك الله بالخير.
أشكرك على اطراءك هذا ولكنك منت هين ما شاء الله عليك شفت موضوعك والصور الي مرفقها صيدكم طيب ما شاء الله على العموم ان كان لك خاطر تخاويني خلنا نرتبها يوم ان شاء الله تر الأماكن مو على الكيف يبيلها دزه مثل ما انت خابر .
وحول الاستفسارات راح ارد عليك في اللايميل - ماشي .
حياك الله يا النوخذه.
أخوك ( بنيللي )

[عاشق الدحروج]

الله يعطيك العافيه وطوله العمر على الصيد الزين والصور السنعه كفو والله عاد راونا صور البر


مشكريا

[المسفهل]

أثرينا ضايعين يا أهل البر ما عندنا إلا الضب اللي إذا طبخته في قدر كاتم من نوع سب

وقدمته للأكل بعد ساعتين من الطبخ وإذا هو يتحرك ما دري عنك ولا عن قدرك :D

مشكور أخي العزيز بنيللي على هذا الموضوع المتكامل والصور اللي كلها روعة .

[صقر]

مشكور اخوي بنيللي

ما شاء الله عليك برمائي

لكن ابسألك ايهما احسن صيد البر والا صيد البحر

[الوراد]

ماشاء الله تبارك الله

اللهم بارك اللهم بارك

انا اشهد ان اللي يضرب بالمسدس يعرف يضمّن (ضموني) يعني يقدّي زين وبواردي بعد

الف شكر اخوي بنيللي
وعساك على القوّه



وبالنهايه الف الف شكر لك اخوي

[الحداقه]

السلام عليكم ورحمة الله وبركاته

أخوي بنيللي

ماشاء الله هذا الصيد والا بلاش صراحة انا ما توقعت هذا الصيد بعدين ماشاء الله عليكم وش بغى لنا من السبيطي اللهم لا حسد اللهم زد وبارك

صراحة عقب اللي شفت خلاص انا راح اترك هذي الهواية لاني ما اظن احصل سبيطي

على العموم الله يوفقك وبالهنا والعافية انشاء الله وصراحة الصور رهيب جدا واعجبتني وياليت تسمح لي باني انسخه واحتفظ فيها للذكرى وشكرا

مع السلامه

[فرد حمزة]

ما شاء الله

صيد وفير وياعله دوم

والله أرقلت أذاني على الحداق وصيد السمك :D

شكلي بسير على أخوي ونسيبي بالشرقية وبحدق هناك

[ذيب البر]

اثرنا ضايعين ما شااااااااااااااااااااااااء الله الله يزيدكم

وحنا قاعدين نطرد ذا الضبان:D

[بنيللي]

أولا أشكركم أخواني التالية أسمائهم على الردود الطيبه وانشاء الله ما نقصر معلكم بصور في المستقبل :
1- المسفهل : الله يعينك على الضبان تر السمك واجد أخف بالأكل لأ ويتحرك في الجدر هذا متى يموت دير
بالك وأنت تاكله يتحرك بفمك .
2- صقر : بالنسبة لي الصيد واحد وعندي مثل اتبعه وهو ( كل شيئ في وقته حلو ) قد يمتاز صيد البر عن
البحر بشيئ بسيط الا وهو جلسة النار ما بعد الصيد هذي تسوى الطلعه كلها .
3 - الوارد
ناصي النفود: الله يقويك طال عمرك وشكرا جزيلا .
4- الحداقه : ما عليك السبيطي واجد ان شاء الله ولا راح يخلص بس انت شد حيلك فيه ، وبخصوص
الصور انسخ الي انت تبيه عليك بألف عافيه على الأقل راح أكون على البال .
5- فرد حمزة : مشكور طال عمرك وما قصرت بس أنت الصراحه الي حيضتني على التوقيع المرفق
والجلسة الحلوه تر هذي ملح الكشتات.
6- ذيب البر : لأ ان شاء الله ما تضيع يا الذيب خلك اسم على مسمى ومشكور يا الغالي .

[عاشق الدحروج]

ترى انا دازلك رساله خاصه لك شوفها اوكي وانا بسويلك ادد عندي لاني سامع فيك راعي بحر وبر

[سمٌاري]

ماشاء الله اللهم زد وبارك
هذا وجهيي يابنيللي أذا انا صدت سبيطي واحد :eek:
يكفي شفناها على الأقل :(

[m-16]

السلام عليكم
هلا اخوي بنلي
ماشاءالله
سبيطي وفسكر وشعم
صراحة شوقتني للحداق وصيد السمك
شكلي في هذا الاوف مجهز الباغات والميادير وعلى منيفة
ويا انا يا السبيطي :D
وان ماحصلت على السيف شفت احد ادخل معة في طراد ولا لنج
:D

[akhan]

مشكوووووووووووووووووووووووووور

[عمدة الحارة]

بنيللي

ماشاء الله على هذا الصيد
يا جعل عيني ماتبكيك ;)


ارق واعذب تحياااااااتي.

[الحراش]

السلام عليكم ورحمة الله وبركاتة
ما شاالله يا بوعبدالله على هالصيد وانشالله الله يرزقك اكثر واكثر
جربناك بالبر ( سبع ) وشفناك بالبحر والصيد اثاريك جرجورالله يدوم عليك الصحه والعافية
بس علمنا شوية يا كتوم
مع تحيات اخوك الصغير
الحراش ولد الحرشى:p

[الحراش]

انا خادم الجماعه في تل تمر
اخوك الصغير صالح الصواغ

[بنيللي]

حياك الله يا الحراش ما شاء الله عليك بسرعة دخلت المنتدى بس اشؤايك بالسبيطي

[الحراش]

الله يعطيك العافيه ويخليك حق السبيطي والوز

[akhan]

مشكوووووووووووووووووووووووووووووووووور

[الرماي]

ما شاء الله عليك على هذي الصور الجميله
وكثر منها (ما اوصيك )

ولا تنسانا على الغدى أوكي

[Dr_daase]

ماشاء الله انسئل الله ان يبارك لك

لا شلت يمينك

[ابو عايد]

مشكور أخي العزيز 00 بنيللي

يعطيك ألف عافيه

وتقبل تحياتي // العاشق الولهان

[بنيللي]

-

[أبو ستري]

ما شاء الله خوش صيد:) :)
أجهز الشيلاني:p

[( برى بحرى)]

الله يهداه الفجى خلا لناسبيطى نصيده عمونا عليه مليون عافيه ويستاهل كل سبيطيه الخليج العربى
هذا هو الصيد الجائر +++ الهوايه شىء وانك تصيد هذا العدد شىء ثانى
وحنا بالكويت لا بر ولابحر خالصين مساكين اللى عندهم 12+14 +16 قدم وين يحدقون ماكوا الا جم ( منكسى) وبحر فاضى

[الحداق]

يسلام علي هالصيد

[عناز]

السلام عليكم ورحمة الله وبركاته

ماشاء الله يالبنللي...الله لايظرك...على فكره صيد كم بالارض والا طيار

[أبوفيصل]

أخوي بنيللي

قواكم الله .. على هالصيد .. ما شاء الله تبارك الله .. حبيبي عندي سؤال بسيط .. كل حداق يعرفه .

أين تجد المتعه في البحر ..

هل تجد المتعه بالصيد بالمسدس أم بالخيط؟

وما هي السمكه التي تتلذ بإصطيادها بالخيط؟

بالنسبه للسبيطي .. الشباب يصيدونه بالغزوووول .. ولا أكذب عليك أذا قلت لك ساعات يملون اربع ثلاجات كبار .. وتخيل بالغزل...

هل يا ترى جربتوا صيدة السبيطي بالغزل .. عموما إدا رحت مره ثانية لا تنسى قسمي من السبيطيه .. جعل فيه العافية تراي أمزح.


وسلامتك ..

[بالول]

ماشاء الله هذا الصيد بصراحة

انا ابي اسئل عن اخونا بنيلي ..وينه؟