المساعد الشخصي الرقمي

مشاهدة النسخة كاملة : يخصوص الباث القير العادي ((ادخل وعطنا تجربتك))


ق ب م 632
03/09/2007, 12:34 AM
السلام عليكم





اخواني مثل ماتعرفون انا معي جيب باثفندر قير اوتوماتيك وناوي ابيعه واشتري قير عادي لان طلعاتي للبر واجد والقنص





فماادرى تنصحوني به والا لا؟؟





وكم سعر العادي اذا صار موديله 2004 ؟؟





والله يعطيكم العافيه
اورنس
03/09/2007, 01:05 AM
السلام عليكم ورحمة الله وبركاته
بالنسبه للقير العادي كما هو متعارف عند الجميع انه بالبر اقوى وانفع للموتر
انا معي باثفندر قير عادي استخدامه من ابدع مايكوون بالبر فيه عيب مادري هو لدى الجميع او عندي بس وهو فضاوه بالقير لكن الميكانيكي يقول انها عاديه ماتضر،و مادام الله جابك وانت عندك اتوماتيك ماتنصحني اغير موتري الى اتوماتيك خاصه ان طلعاتي واجد للبر ياليت تعطيني الاسباب


شاكر ومقدر لك
ولله يوفق الجميع




@@اللهم بلغنا شهر رمضان واعنا على صيامه وقيامه@@
ق ب م 632
03/09/2007, 02:36 AM
السلام عليكم ورحمة الله وبركاته

بالنسبه للقير العادي كما هو متعارف عند الجميع انه بالبر اقوى وانفع للموتر
انا معي باثفندر قير عادي استخدامه من ابدع مايكوون بالبر فيه عيب مادري هو لدى الجميع او عندي بس وهو فضاوه بالقير لكن الميكانيكي يقول انها عاديه ماتضر،و مادام الله جابك وانت عندك اتوماتيك ماتنصحني اغير موتري الى اتوماتيك خاصه ان طلعاتي واجد للبر ياليت تعطيني الاسباب


شاكر ومقدر لك
ولله يوفق الجميع





@@اللهم بلغنا شهر رمضان واعنا على صيامه وقيامه@@





هلا بك اخوي



واشكرك على الكلام اللي قلته لكن سؤالك مافهمت وش المقصد منه بالضبط



يعنى انت تقصد وين الافضل للبر الاوتوماتيك والا العادي؟



اتوقع وبما انك راعي طلعات وجيات فالاوتوماتيك يمشيك لكن فيه بعض الاحيان ومثل تبي تسحب مقطوره كبيره او موتر مغرز يمكن ينفرط معك القير لاسمح الله


وثانيا القير العادي حلاته انك انت اللي تحكم بالتبديل ومتى مابغيت تعطيه على عكس الاوتوماتيك يمشى على كيفه هو وهذا راح يفقده الكثير من العزم مقارنه بالعادي




وفي الاخير الاوتوماتيك ماعليه كلام لكن ميزته انه مريح وارغب بالسوق من العادي لكن الواحد ومايهوى واللي يناسب متطلباته



والفضاوه بتلقى حلها عند الشباب ان شاء الله



شاكر ومقدر لك
ماجد العبدلي
عاشق السيل
03/09/2007, 06:24 AM
وعليكم السلام ورحمة الله وبركاته ،،

يتميز العادي بقوة التحمل وقلة التشييك عليه والنتع لو فضت البطارية ،،

أما التماتيك يتميز براحة القيادة خاصة داخل المدينة وإذا شييك على الزيت باستمرار وغيرت الفلتر والزيت كل 40 ألف وأحسنت استخدامه راح يعيش معك 100 سنة ،، ويتميز بعد بسرعة التغيير إذا رقيت نفد عالي وهو الأفضل عند البيع ،،

لذلك التماتيك أفضل من العادي بكثير وإذا مابغيته يغير النمرة حطه على واحد وبهالحالة لايمكن يتعدى الترس الأول وإذا حطيته على اثنين لايمكن يتعدى الترس الأول والثاني وهذا الميزة رهيبة جدا بالبر ،،

كلامي من واقع تجربة للقيرين ويتفق معي كثر من الربع اللي جربوا مثلي ( والاختيار لك ) ،،

وتقبل مروري يالغالي ....



.
خبراوي
03/09/2007, 07:39 AM
انا جربت القير عايدي حلو بس عيبه هل الفضاوه الي فيه تكرهك سواقته مافي احلى من التماتيك
هواي البر
03/09/2007, 10:39 AM
هلا بالشباب انا توني مطلع موتري من الوكالة

كانت مشكلة الفضاة في القير زي ماقالوا الشباب !!!

والحمد لله الموتر طلع امس من الوكاله والموتر مضبوط والقير صار احسن من اول يعني شدوا على القير

لاني مصلح عندهم تشييك 50000 وقلتلهم صلحوا لي تربيط للموتر

لانكم عارفيين الموتر من الشعبان والتطعيس يتخلل

والحمد لله الموتر ضبط
اورنس
04/09/2007, 03:19 PM
مساكم الله بالخير

تفاعل جيد من الاخوهـ ، وتبادل للاراء والخبرات

اخوي ماجد العبدلي ، ماقصرت الحقيقه عطتيني معلومه مفيده عن الاتوماتيك

ولاهانوا الشباب عاشق السيل وخبرواي وهواي البر

فلكم مني جزيل الشكر والتقدير
اخوكم اورنس
ق ب م 632
04/09/2007, 03:23 PM
مشكورين يالذيابه كلن باسمه




والله يجزاكم الجنه